hósdagur 19. juli 2018síða 4

FRÍGGJADAGUR 20. JULI 2018 SOSIALURIN 82 4 Vikan ið fór Sæð á Facebook: Birgir og Elsebeth Andreasen hava keypt bygningin, har Miðlahúsið húsast, í Vágsbotni. Sunnumorgunin boðaði Dansk Tipping frá, at ein føroyingur hevur vunnið 20 milliónir krónur í lotto. Frakland vann HM í fótbólti, tá teir vunnu 4-2 móti Kroatia í finaluni. Altjóða hondbólts­ samgongan hevur vrakað Tórshavn og Klaksvík, men vil hoyra meiri um marghøllina í Vági, áðrenn endalig avgerð verður tikin, um Føroyar sleppa at spæla sínar altjóða heimadystir í Føroyum. Magnus Jákupsson gjørdist danskur meistari fyri 17. ferð í farnu viku. Stig eru tikin til at stovna nýggjan flokk, sum hevur sum aðalmál at gera medisinskt kannabis lógligt. Lotto MEST NÝTTA ORÐIÐ HESA VIKUNA ...uppá ein minutt Ársúrslitið hjá Nordbil var 2.958.348 krónur 2.958.348 Lotto er eitt hasardspæl, har spælarin skal gita, hvørji tøl verða tilvildarliga vald úr eini avmarkaðari mongd. Ofta eru vinnaraupphæddirnar fleirfoldigar milliónir. Upprunin til lottospælið er úr italska býnum Genoa, har man í 15. øld trakk lut millum 90 valevni um fimm politiskar sessir. Tað var væl umtókt, at vedda um, hvør mundi blíva valdur. Onkur fann upp á, at skifta tey 90 nøvnini um við tøl og so var grundin løgd fyri modernaða lottospælinum, har fimm tøl út av 90 skulu veljast. At raðfesta alt hægri, eitur á góðum føroyskum ”at oyðsla” – Helgi Abrahamsen Lot til andøvsgul av útnyrðingi og vestri, 2 til 7 m/s. Yvirhøvur skýggjað, men turt. Hitin millum 10 og 13 stig, um náttina millum 8 og 10 stig. Gul til stívt andøvsgul av útsynningi og vestri, 5 til 10 m/s. Yvirhøvur skýggjað og regn av og á, men um náttina klárar í. Hitin millum 9 og 13 stig. Gul til stívt andøvsgul av útsynningi og vestri, 5 til 10 m/s. Yvirhøvur skýggjað og regn av og á. Hitin millum 9 og 13 stig. 2-7 m/s 5-10 m/s Viðhvørt hugsi eg um, at vit eru farin ov langt, tá ið umræður at hava eftirlit hvør við øðrum. Samfelagið er bygt soleiðis upp, at vit hava eftirlitsskipanir, sum halda eyga við øllum vit, sum privatpersónar gera. Kanska eru vit ikki farin ov langt her í Føroyum enn, men tað verður neyvan leingi. Í Danmark – landið haðani vit innflyta tað mesta – er farið nógv longur enn vit. So langt, at eg viðhvørt hugsi um DDR og tað ónevniliga, sum hendi í Týsklandi í tríati- og fýrati-árunum. Tá bygdu myndugleikarnir arkiv um allar borgarar. Hvat tey gjødu, hvat tey søgdu og hvat tey meintu. Síðani hava vit í okkara parti av heiminum fordømt hetta, men tað er bert orð. Í tí heimi, sum verður bygdur upp av høgt lærdum, seta vit skipanir í verk, sum í veruleikanum hava sama endamál. Frælsi hins einstaka telur ikki tað sama í dag, sum áður. Nú er samfelagið alt. Tað minnir meg um, at tá ið eg var smádrongur las eg framtíðar søgur, har staturin tók børnini frá foreldrunum, so tey kundu venjast til rættar samfelagsborgarar. Tað var tann óndi staturin, sum gjørdi hetta. Nú ganga vit mótmælisgongu, um staturin – landið – ikki hevur ansingarpláss til okkara børn. Ája! Eitt annað mál, sum ongin megnar at loysa, er alt yvirforbrúkið hjá okkum av plastikk. Framvegis finna vit okkum í, at vit í hvørjum handli fáa plastikkposar at koyra vørurnar í, sjálvt um vit væl vita, at hetta ikki verður niðurbrotið í náttúruni og hóttir fugla- og fiskalív. Tað sum vit liva av. Nær fara vit at banna hesum! Aðrataðni eru tey farin í holt við hetta við dýrum posum og panti. Í hvussu so er eitt stig á leiðini. Ferðavinnan er eitt stórt mál í framtíðini, sigst. Vit byggja gistingarhús og seta fólk at arbeiða við ferðavinnuni og royna at fáa ferðafólk at leggja eitt sindur meira av pengum eftir seg. Fyri nøkrum árum síðan longdu vit flogvøllin, so størri flogfør kundu seta seg í Føroyum. Atlantsflog kundi gera íløgur í størri flogfør og tað hevur havt við sær, at nógv fleiri ferðafólk koma hendanvegin. 340.000 fólk fara í ár at ferðast um flogvøllin. Men... Vit bygdu nýggjan terminal fyri nógvar pengar. Gott hugskot, men úrslitið er næstan ein gøla. Fólk, sum hava verið í terminalinum, tá ið ólag er á ferðsluni hava upplivað, hvat tað er vit hava bygt: Ein stóran handil við tollfríum vørum og so smærri hølir til ferðafólk uttanum. Alt er so illa innrættað, at ein hevur hug at senda boð eftir einum arkitekti fyri at broyta alt. Ája – kanska hava teir verið uppií byggingini – kanska vóru fortreytirnar settar skeivt upp frá byggiharranum. Eg veit ikki! Men góða Gudny! Tú situr á ovastu rók. Eg veit væl, at tú ikki hevur óendaligt av pengum og eg veit at handilin við tollfríum skal kasta pening av sær. Kortini vil eg heita á teg um at fara til flogvallarnevndina og gera teimum greitt hvat tað er fyri eitt misfostur vit hava fingið. Eitt misfostur, sum á ongan hátt tekur atlit til føroyska mátan at ferðast uppá – og har tey hava gloymt, at viðhvørt stranda fólk í terminalinum. Ája! Árni Gregersen, journalistur, skrivar Ája! Visti tú? Tú kanst ikki longur keypa ræstkjøta­ burgarar í Saksun? 5-10 m/s