hósdagur 19. juli 2018síða 7

FRÍGGJADAGUR 20. JULI 2018 SOSIALURIN 82 7 av hesum. Eg kundi ikki ynskt mær meira frá teimum lokalu; tey hava verið tann størsta gávan til hesa framleiðsluna, sigur Maria Winther Olsen. Hon hevur arbeitt nógv við filmi í Danmark og heldur, at hesin blíðskapurin, tey hava møtt í Mikladali, er nakað serføroyskt. NINA hevur verið hennara útbúgving Maria Winther Olsen hevur áður umtalað filmin, NINA, sum sína útbúgving. Aftaná tvær royndir at sleppa inn á filmsskúlan, gjørdi hon upp við seg sjálva, at hon behøvdist ikki at ganga á skúla fyri at gera film. Hon fór at skapa sín egna skúla. Nú er filmurin liðugur, og tí kann mann siga, at hon er liðug við sína útbúgving. - Mann fer á filmsskúla fyri at læra at gera film. Men eg havi lært at gera film við at gera ein film. Filmur er eitt stað, har mann bara lærir við at gera tað. Eg havi sjálv valt allar mínar lærarar og floksfelagar, vísir hon á og sipar til øll tey, hon hevur biðið um leiðbeining og hjálp í framleiðsluni. Spælifilmsdebutanturin er ímóti tankanum og praktiseringini av miðalkarakterum. Hon heldur ikki, at teir áttu at havt ein so stóran leiklut, tá tað skal snúgva seg um at velja sína lívsleið og sleppa inn á eina listarliga útbúgving. Ein av fyrimyndunum hjá Mariu Winther Olsen er danski slóðbrótandi filmsleikstjórin, Lars von Trier. - Eg vænti, Lars von Trier hevði blivið líka so góður, uttan at gingið á filmsskúla. Eg haldi, tað er soleiðis við øllum tí kreativa. List er fyri meg um at finna sína egnu rødd og sín egna máta at gera tað uppá. Mann kann læra eitt handverk á einum skúla, men í síðsta enda er tað tín egna intuitión, sum ger av, um tað er gott ella ikki. Karakterir siga ikki nakað um nakran, tí vit menniskju eru nógv meira enn nøkur tøl, sigur Maria Winther Olsen. Hon vísir á munin millum at gera film á einum skúla og so í veruliga lívinum. Í skúlanum er tað í lagi og meiningin at gera feilir, men í veruliga lívinum er meira uppá spæl. Hon stóð við einari verkætlan til eina millión og hevði nógv fólk aftrat sær, og tá merkti hon, at tað er harðari at gera feilir tá, enn um hon hevði verið undir einum trygdarneti, sum ein skúli hevði givið henni. Væntandi skjótt í føroysku biografarnar Í løtuni er Maria Winther Olsen í ferð við at gera eina dokumentarrøð fyri Kringvarp Føroya um føroyskan ungdóm. Hon gongur við stórum búki nú og fer í barsil nakað aftaná, at dokumentarrøðin er liðug. - 2018 verður eitt ár, eg ikki gloymi, sigur hon og sipar til, at tað verður árið, har hon fær sítt fyrsta barn og ger sín fyrsta spælifilm. Hon gleðir seg at sleppa í barsil, men hevur eisini fingið blóð upp á tonnina eftir at gera meira film. Nú hevur hon nýggjar royndir, men vísir á, at tað var ein stór og strævin avbjóðing at gera NINA filmin við so lágum búsketti. Tí væntar og vónar hon, at upphæddin til filmsjáttanina hjá Mentamálaráðnum verður økt munandi, so at karmurin fyri at gera film í Føroyum gerst enn betri. Næsta spælifilmin ætlar hon at gera á føroyskum máli í Føroyum. NINA verður nú sendur til ymsar filmsfestivalar kring heimin og verður eftir ætlan vístur í Havnar Bio og Atlantis Bio seinni í ár. NINA SKAL UM EINSEMI Søgan um høvuðsleikarinnuna: M arie T. Søderberg er vælkend úr donsku sjón­ varpsrøðini, 1864, sum hevur verið send á DR1. Men tað var í roynd og veru ikki meiningin, at tað skuldi vera hon, sum skuldi spæla Nina. Upprunaliga sjónleikarinnan avlýsir seks vikur áðrenn upptøkurnar vegna eitt tilboð, hon ikki kann siga nei til. Maria Winther Olsen hevur nú ein trupulleika. Hon minnist aftur á persónarnar, ið vóru til casting, og har er ein, sum stendur eftir: Marie T. Søderberg. Maria ringir til Danmarkar við vón um at navnasystirin kann bjarga filminum: “Eg havi ongan leikara, og tú vart til casting....” Marie T. Søderberg gjørdi stórt inntryk á Mariu undir casting, og eitt ja frá henni hevði bjargað filminum. “Tað ljóðar ordiliga spennandi... men eg eri uppá vegin”. Í hesu løtu er Nina ikki við barn í leikritinum, so Maria stendur aftur á berum. Eftir prát og ráðføring frá fotografinum og øðrum verður Maria Winther Olsen sannførd um, at har er eingin, sum kann bera rolluna sum Nina betur enn Marie T. Søderberg. Tí er einki annað at gera enn at umskriva leikritið. Maria Winther Olsen umskrivar leikritið soleiðis, at Nina er uppá vegin, og danska Marie er við uppá hugskotið umgangandi. Hetta var heldigt, tí tað vísti seg, at Marie T. Søderberg meistraði uppgávuna, og Maria Winther Olsen kundi tí ikki ynskt sær nakran annan enn hana at spæla høvuðsleiklutin. Úr sjónvarpsrøð á DR1 til Mikladals Handrit og leikstjórn: Maria Winther Olsen Høvuðsleikarar: Marie T. Søderberg, Nikolaj D. Schmidt og Mike Viderø Longd: 82 minuttir Slag: Fiktión og drama Stað: Mikladalur og Klaksvík Marie T. Søderberg við dóttur síni til frumsýningina. Báðar eru klæddar í troyggju frá Guðrun & Guðrun MYND: PRIVAT MYND: JONAS BERLIN Nógv fólk vóru møtt í Norðurlandahúsinum at síggja NINA fyri fyrstu ferð MYND: FRÓÐI T. VESTERGAARD