mánadagur 23. juli 2018síða 7

7 Mánadagur 6. januar 2014 · Nr. 2 Sosialurin Mánadagur 23. juli 2018 · Nr. 83 KÁRI FARIN UM PENSJÓNSALDUR Leygardagin fylti Kári P. Højgaard, løgtingsmaður fyri Sjálvstýrisflokkin, 67 ár. Hann er føddur 21. juli 1951 á Strondum. Foreldur hansara vóru Meinhardt og Jenny Højgaard f. Poulsen. Kári er giftur Simonu, sum er dóttir Borghild og Anisetus Eliasen í Fuglafirði. Tey eiga børnini Maibritt, Jan, Anni, Boga, Bárð og Heidi. 1. august 1971 fór Kári í starv sum avgreiðslupostboð. Yvirpostboð í 1976 til august 2001. Býráðslimur í Runavíkar kommunu frá 1988 til 2008. Kári var varamaður á tingi frá 26.februar 2001-2002 fyri S. P. í Grund so leingi, hann var landsstýrismaður. Valdur á ting á løgtingsvalinum 2002 og verið tingmaður síðani. Umframt at hava verið formaður í floksinsvar hann eisini landsstýrismaður í innlendismálum frá november 2011 til 5. september 2013. John Vang Just­in­ us­sen, ættaður úr Havn, andaðist å Lands­sjukrahúsinum leyg­ar­dagin 21 juli, 92 ára gamal. Poulina Johannesen, fødd Joensen, ættað úr Vestmanna, búsitandi í Skopun, andaðist fríggja­dagin 20. juli 94 ára gom­ul. Bjørn Ólavur Mart­ ins­son Hansen, ættaður úr Fugla­firði, búsitandi á Argju­m, andaðist á Lands­sjúkra­ húsinum hósdagin 19.juli, 60 ára gamal. Inga Johansen, fødd av Reyni, andaðist á Landssjúkrahúsinum 18. juli, 77 ára gomul. Signa Vestergaard, Thisted, fødd Johannesen ættað úr Søldarfirði, andaðist mikudagin 18. juli, 74 ára gomul. Nancy Mikkelsen, Klaksvík andaðist mikudagin 18. juli, 96 ára gomul. Kirstin Olsen, fødd Holm, ættað av Argjum, búsitandi á Toftum, andaðist á Vesturskin í gjár, 82 ára gomul. Kirstin Olsen, fødd Holm, ættað av Argjum, búsitandi á Toftum, andaðist á Vesturskin í gjár, 82 ára gomul. ANDLÁT Jóhanna Maria Durhuus 70 ár Í dag 21. juli verður mín elsk­ aða mamma, Jóhanna Maria Dur­huus, 70 ár. Foreldur henn­ara vóru Inga og Mikkj­ al Samuelsen. Tú og babba búsettust í okk­ara deiliga heimi í Pers­ konu­gøtu undir liðini á for­ eldr­u­num, sum tú tíverri misti alt ov ung. Heimið hev­ur altíð verið okkum ein trygg­ur frístaður, har títt hjálp­semi og røkinskapur hava mynd­að míni ríku barna- og ung­dóms­ár, og har nógv­ir gestir hava verið á gátt og notið ein góðan drekk­a­munn. Longu á skúlabeinki gjørdi tú títt ítarsta, og høvdu um­støð­ur og midlar loyvt tí, hevði førn­ing­urin borið teg langt. Eftir realskúlan fór tú í læru í Føroya Banka og starv­að­ist har í 28 ár. Tú var í starvi á Akstovuni í 10 ár og fór síðani í starv í Eik banka í 10 ár. Tú hevði á orði, at tær dámdi betur at fá­ast við pengar enn bilar. Í øll­um hesum, var tú eitt satt á­lit­is­ fólk. Hjartagóð lýsir teg væl. Tú vísir stórt hjálpsemi og hev­ur umsorgan fyri øðrum, og tú kýtir teg í øllum tú gert, hetta fyri at gleða onnur. Eis­ini ert tú ein sannur djóravinur. Bringureyði, ið plag­ar at standa undir liðini á tær, tá tú arbeiðir í havanum, fitti frensurin, ið verður kjúkl­aður um, og enntá gás­ar­ungarnir, ið komu ov seint út úr eggunum, og tí blivu klaktir á vesigólvinum, høvdu kunna sagt frá hesum, kundu tey tosað 🙂 Røsk og arbeiðsom hevur tú alt­íð verið, og sterk sum fá­ur. Tað er ikki smávegis grót og spannir, tú hevur bor­ið, tá fríðkað verður um í hav­a­num. Mamma, tú ert gløgg, lít­il­látin og dugir væl at um­gang­ast fólk. Tú ert upp­merk­som og fylgir væl við fam­ilj­u­við­ur­skift­u­num, nær hvør hevur merk­is­dag o.s.fr. Og altíð ert tú klár at flenna. Títt lætta og káta lyndi er eyðkent, og altíð møtir tú einum frem­mand­ um eins og einum vini. Tú dugir so væl til hend­ ur­nar og er nærmast kend fyri tínar frálíku køk­ur, tebirkis, daimísar og smá­ køk­ur. Tað er ikki smávegis bakst­ur, ið er farin út av húsi­num gjøgnum árini. Eg minn­i­st so væl løturnar, tá eg slapp at sita í horninum á køks­borð­inum og sleikja skeiðir og pís­kir­í­sina. Tað kemur javn­an fyri, at eg má sláa upp á tráin og biðja um góð bak­i­ráð. Títt nærlagni kemur so sann­i­liga eisini til sjóndar í teim­um hundraðtals pløgg­um, ið tú hevur bundið mær. So fjálgt var at fáa bleyt­an pakka sendandi til Dals­lands­gade 8, tá vit vóru niðri í lestr­ar­ør­ ind­um. Nevnast kunnu eisini fyri­kløð, turrikløð og vestar, ið tú so meistarliga hevur bro­der­að allari familjuni til før­oyska búnan; hetta eru sann­ir dýrgripir. Hjá tær verð­ur einki hálvgjørt, tú bleiv enn­tá spurd um at und­ ir­vísa í bro­dering. Tolin hevur tú sitið og repi­ter­að málfakini sam­an við okk­um, so allar týsku gram­m­at­isku rams­ur­nar, sponsku stutt­søg­urnar og enn­tá latínska abla­tiv­ið hev­ ur tú nomið. Ja, altíð ert tú til at heita á. Títt uppofrandi lynd­ið er fyrimyndarligt, tá tú al­tíð setir onnur fyrst. Gáv­ur hevur tú eisini til at skriva og yrkja, og hevur tú skriv­að eitt ótal av sangum til merkis- og hátíðardagar. Frá heilt ungum árum hev­ur sam­koman í Ebenezer ver­ið títt andaliga heim, og hev­ur tín partur heldur ikki lig­ið eftir har. So klárt stend­ ur fyri mær tá tú gjørdi meg klára til sunn­u­dags­skúl­an, og vit søgdu minnisørindi í fel­ag. Alt dýrabær minni. Nógv annað kundi verði nevnt, men við hesum fáu orð­um vil eg ynskja tær hjarta­liga tillukku við stóra degn­um, góða mamma, og takka fyri alt tú gert og ert fyri meg og okkum. Ingunn Leygardagin fylti stjórin í Fiska­aling fimmti. Jóhanna Lava Køtlum er ættað úr og býr í Havn. Jóhanna er dóttir Almu og Hera Olsen í Havn. Alma er úr Túni á Toftum, og Heri á Lava, sáli, var av Ingutrøð í Havn. Hann doyði í 2015. Vøggan hjá Jóhannu stóð í Tungugøtu, har foreldrini búðu í íbúð í kjallaranum hjá ommuni og abbanum, Hannu og Palla á Lava. So fluttu tey út í Grønlandi, har Jóhanna vaks upp í Krosslíð. Hon eigur fýra beiggjar – Marni, Andrias, Høgni og Hanus. Teir búgva allir í høvuðsstaðnum. Eftir lokið studentsprógv las Jóhanna lívfrøði á Fróð­ skap­ar­setr­i­num, áðrenn hon í Trom­sø helt fram við lestr­i­num. Seinni flutti hon til Aar­hus, har hon tók MA prógv. Seinni leyk Jóhanna MA prógv í miljøvurdering á lærda háskúlanum í Aalborg. Jóhanna var deildarleiðari og frá 2011 og til 2013 stjóri á Um­hvørvisstovuni, sum tá var lutfalsliga nýggjur stovn­ ur við nógvum ymiskum setn­ing­um. Eitt nú náttúra, skóg­røkt, orka, matrikul og út­skift­ing, kort, tinglýsing, lands­fólk­a­yvirlit, navnamál og vápn, sum tað er orðað á heima­síð­uni hjá stovninum. Í arbeiðinum hevði hon nógv samband og sam­skifti við reiðarar, skip­ar­ar og alarar. Hetta er mann­fólk­ a­verð burturav. Jóhanna er fyri­komandi og tilvitað um al­menn­ar áset­ingar, og tað var góð­ur førn­ing­ur at hava í hes­um ar­beiðinum. Í 2013 flutti Jóhanna til Nuuk, har hon var deild­ar­ leið­ari í fiskimálaráðnum. Ein av hennara uppgávum har var at vera við í fiski­ vinnu­sam­ráð­ing­um – eitt nú við Før­oyar. Fyrsta juni í 2016 tók Jó­ hanna við sum stjóri í Fiska­ aling. Felagið var fíggj­arliga í tungum sjógvi, men síð­ani er skilmarkað, hvørjar kjarnu­ upp­gávurnar hjá felag­num eru og harvið hvat skal til fyri at fáa raksturin at hanga saman. Visiónin er at skapa eitt altjóða gransk­ing­ar­umh­ vørvi, sum við gransk­ing og menning víðkar vit­an­ar­ støðið, við tí endamáli at økja enn meira um dygdina í al­ingini. Í barnaárunum var Jó­ hanna nógv á Toftum hjá omm­uni og abbanum – Maju og Júst í Túni. Tá var abb­in undangongumaður í stríð­ num fyri at fáa tað at bera til at ala síl og laks á landi og sjógvi. Avbjóðingin var eitt nú at finna fram til, hvussu tað kundi eydnast at fáa nyttu úr nátúrligu lívs­ rin­g­rás­ini hjá síli og laksi. Við sínum stóra inn­liti í náttúruna stríddist abb­in fyri fimmti árum síð­ani við hetta, sum síðani er vorð­in okkara størsta út­flutn­ings­ vøra. Sum stjóri í Fiskaaling er Jó­hanna aftur í tí um­hvørv­i­ num, sum abbin stríddist í, tá ið hon var barn. Stefania Láberg ættað úr Skopun men búðsitandi í Tórshan og Meinhard Winther, ættaður av Sandi men búsitandi í Tórshavn, fingu 16. juli eina gentu. Hon var 53 cm og vigaði 3840 gr. Joan og Regin Olsen í Sandavági, fingu 21. juli ein son. Hann vigađi 4750 gr og var 55 cm langur. Andrias Høgnason Eriksen og Kára Jacobsen, Hoyvík, fingu 19. juli 2018 eina dóttur. Hon var 52 cm long og vigaði 3250 gram VÆLKOMIÐ LÍTLA BARN Jóhanna Lava Køtlum fimmti