mánadagur 23. juli 2018síða 19

19 Mánadagur 6. januar 2014 · Nr. 2 Sosialurin Mánadagur 23. juli 2018 · Nr. 83 Hugskot og viðmerkingar – send sms til 225000 NSÍ - Hibernian 4-6 (3-3) Hibernian samantaldur vinnari við 12-5 1-0: sjálvmál 2-0: Klæmint A. Olsen 2-1: John McGinn 2-2: Lewis Stevenson 3-2: Klæmint A. Olsen 3-3: David Gray 3-4: Efe Ambrose 4-4: Klæmint A. Olsen 4-5: Stephen Mallan 4-6: Stephen Mallan Klæmint í essinum Fleiri av lyklaspælarunum hjá NSÍ sótu uttanfyri, tá Hibernians úr bestu deildini í Skotlandi kom á vitjan. Tað skuldi vísa seg, at verða ein spennandi saman­ seting, tí NSÍ ætlaði ikki einki. Klæ­mint A. Olsen, sum hevur ver­ið skaðadarvaður leingi, vísti, at hann av álvara er komin fyri seg aftur. Hann pressaði ein av skotsku verjuspælarunum at gera sjálvmál beinanvegin, og Klæmint økti sjálvur til 2-0. Skotska liðið fótaði sær og svar­ aði aftur við at javna til 2-2. Klæmint A. Olsen var tó ikki liðug­ur, tí hann legði NSÍ framum aftur 3-2. Tá restaðu tað tíggju minut­tir av fyrra hálvleiki, og lítla løtu undan steðginum var aftur javnt. Seinni hálvleikur var ikki fimm minutt­ir gamal, tá ið Hibernian aftur var á odda. Klæmint var ikki liðugur, tí hann javnaði til 4-4, tá ið seinni hálvleikur var tíggju minutt­ir gamal. So megnaði NSÍ ikki at svara aft­ur, tá ið Hibernian skoraði tvey mál aftrat og vann 6-4. Fleiri av málunum vóru rætti­ liga bílig, og tað harmast teir um í NSÍ: -Vit eru nøgdir við, at tað eydnaðist at skora fýra mál, men sjálvandi harmast vit um, at mótstøðuliðið skoraði seks mál, tí fleiri av teimum vóru bílig. Vit taptu 6-1 í Skotlandi, og úrslitið í kvøld var væl betri. Hetta er fyrireiking til seinnu hálvu av landskappingini. Hetta vóru góðir spælarar, sum vit dystaðust við í kvøld, og hetta avrikið fer at gagna okkum í landskappingini, sigur venjarin NSÍ, Sámal Erik Hentze. Rúni gevst sum venjari í NSÍ Eftir dystin boðaði Rúni Klein Joenen frá, at hann er givin sum málmansvenjari hjá NSÍ. Hann skifti saman við Sámal Eriki Hentze frá Víkingi til NSÍ í vetur. Hóast gongdin í NSÍ ikki hevur verið heilt so góð, so sigur málmansvenjarin, at tað einki hevur við tað at gera. - Tú ert noyddur at taka nakrar avgerðir í lívinum. Hetta er ein avgerð, sum eg havi ivast í seinastu tíðina. Eg skifti umhvørvi fyri at royna nakað nýtt, við at fara frá hjartafelagnum í Víkingi og til NSÍ, men tað lukkast ikki sum eg vildi tað, sigur Rúni Klein Joensen. Tað hevur í eina tíð ljóðað, at stemningurin í hópinum ikki er so góður, og úrslitini hava ikki staðið mát við eitt nú HB og KÍ. Hartil kemur samantalda tapið upp á 12-5 fyri Hiberninas í Europa League. Hetta er tó ikki orsøkin og hann kennir einki til vánaliga stemningin, sigur málmansvenjarin. - Eg havi onki ringt at siga um NSÍ. Eg havi onki útistandandi við nakran í Betri-hópinum, og ei heldur við nakran NSÍ ara uttanfyri vøllin. Eg og Sámal Erik Hentze arbeiða væl saman, og koma vónandi í framtíðini at gera tað aftur. Øll kring NSÍ hava tikið væl ímóti mær, sigur Rúni Klein Joensen. - Tað hevur onki við hvussu nógv mál NSÍ hevur latið inn. Tí tað er til UG í ár. 15 mál í 15 dystir er næstminst mál, sum NSÍ hevur latin inn, síðani tey 13 í 2007 aftaná 15 umfør. Tað árið vann NSÍ FM. Í fjør fóru 14 mál inn fyrstu 15 umførini, sigur Rúni Klein Joensen. Hann sigur at enda, at hann mánakvøldið ætlar sær til Runavíkar at heilsa upp á spælararnar og takk fyri. NSÍ skal aftur á vøllin á ólavsøku, tá HB tekur ímóti í einum dysti, sum kann fáa avgerandi týdning fyri restina av kappingarárinum hjá NSÍ. B36 og Víkingur eru eftir Í hesi vikuni eru B36 og Víkingur eftir í Europa League. B36 tí teir vunnu á OFK Titograd, meðan Víkingur dettur niður í Europa League, eftir at hava tapt samanlagt fyri HJK Helsinki úr Finnlandi í 1. undanumfarinum í Champions League. Víkingur spæla hóskvøldið móti Torpedo Kutaisi í Georgia, meðan B36 fær vitjan av Besiktas úr Turkalandi. Eina viku seinni verða returdystirnir. FÓTBÓLTUR FK Zalgiris – KÍ 1-1 1-0: Liviu Antal, 7. 1-1: Ronni Møller-Iversen, 65. FK Zalgiris samantaldur vinnari 3-2 KÍ fekk týdningarmikið stig Eftir 2-1 ósigurin fyri Zalgiris í fyrra dysti­num, sá einki serligt út, tá Liviu Antal legði heimaliðið á odda. Sami Liviu Antal skoraði eisini í fyrra dystinum. KÍ megnaði tó at svara aftur, tá Ronni Møller-Iversen javnaði við góð­um skoti uttanfyri brotsteigin. Hann var um reppið at skora eitt líkn­andi mál í fyrra dystinum. Hesa ferð eydnaðist tað. Zalgiris vóru nokk nærri einum sigri enn KÍ, men tað hevur stóran týdn­ing fyri føroyskan fótbólt, at KÍ fær eina stigi í hasum dystinum. Tað mekrir, at vit framvegis halda fast í støðuni hjá okkum í samlaðu styrkis­metingini hjá UEFA. Mikkjal: Eitt tað besta avrikið Venjarin hjá KÍ, Mikkjal Thomas­ sen, er errin av avrikinum hjá sín­ um spælarum, hóast tað ikki rakk til víðari luttøku fyri KÍ. -Í stuttum er hetta kanska tað besta vit hava avrikað. Eg haldi, at spælararnir yvirraksa bæði seg sjálvar og meg, við at trýsta eitt so dugnaligt lið sum Zalgiris, og skapa nokk av málmøguleikum til at kunna koma í longa leiktíð, sigur Mikkjal Thomassen við FM1, og legg­ur afturat: -Hetta er ein risa-success fyri okk­um. Vit kundu sjálvandi havt hugs­að okkum at komi víðari, men veru­leikin er, at spælararnir eru ment­ir nógv. Vit hava brotið nøkur mørk, bæði sum spælarar, men eisi­ ni søguliga fyri KÍ. Vit standa eftir við, at spælararnir hava avrikið upp á tað allar besta. Vit eru ótrúliga stolt­ir og glaðir, sigur Mikkjal Thomas­sen. KÍ hevur nú spælt fýra dystir í Evropa. Vunnið ein, spælt tveir javn­ar og tapt ein. Tá sagt verður, at KÍ hevur skrivað søgu í Evropa, so hevur KÍ millum annað fingið bæði fyrstu stigini og málini á úti­ vølli, umframt at liðið hevur spælt seg víðari á fyrsta sinni.