týsdagur 24. juli 2018síða 8

Mikudagur 25. juli 2018 · Nr. 84 8 Sosialurin Hugskot og viðmerkingar – send sms til 225000 TÍÐINDI Hallur av Rana Útlit eru nú fyri, at teir fimtan føroyingarnir, ið hava arvaliga sjúkuna Cyst­isk fibrosu, í framtíðini sleppa undan at ferðast til Dan­ markar til eftirlit í heilum. Nú verður nevni­liga farið undir eina royndar­verk­ ætlan, ið skal skerja mun­ andi niður á túrarnar til Dan­mark. Sum nú er kann ein før­ oysk­ur sjúklingur ferðast til Danmarkar upp til tólv ferð­ir um árið til kanningar á Ríkis­sjúkrahúsinum, men við nýggju verkætlanini verður tað skorið niður til einans fýra ferðir um árið. Tað verður gjørt við at lata sjúk­ling­arnar sjálvar gera fleiri av royndunum og síðan samskifta við læknarnar gjøgnum teldu. 34 ára gamli Ragnar Isak­ sen úr Kvívík er ein av fimtan føroyingunum við arvaligu sjúkuni. Hann fegnast nú útlit eru fyri, at ferðirnar til danska høvuðsstaðin verða færri í tali. - Hetta er ein stórur lætti. Serliga fyri føroyingar við Cystisk fibrosu og serliga fyri tey okkara, ið hava børn. Í staðin fyri at eg skal á Ríkissjúkrahúsið 10-12 ferðir um árið, so skal eg bara niður fýra ferðir um árið við nýggju skipanini, sigur Ragn­ar Isaksen. Verða kannað í stovuni Nýggja verkætlanin inniber, at tað verður sjúklingurin sjálvur, ið ger ymiskar kann­ ing­ar og síðan verða úrslitini send niður. Dagin eftir er so við­talan millum sjúklingin og læknan. - Í staðin fyri at eg fari til Keyp­mannahavn til eftirlit, so siti eg heima í stovuni framman­fyri einum teldil og verði uppringdur av teimum. Dagin fyri havi eg tá mált mína egnu lungafunksjón, blóð­trýst, puls o.a., umframt at eg havi svarað nøkrum spurn­ingum, ið læknarnir van­liga spyrja, greiðir Ragnar Isak­sen frá. Tólini sum hann brúkar til kann­ingarnar senda dáta gjøgnum teldilin til Ríkis­ sjúkra­húsið, so at lækn­arnir har hava all­ar upp­lýs­ing­ arnar, tá ið við­talan byrjar dagin eftir. Men um so er, at onkur ynskir at sleppa á Ríkissjúkrahúsið til kann­ ingar, so er tað heldur ikki ein trupulleiki, vísir Ragnar Isak­sen á. Fleiri fyrimunir Ragnar Isaksen er ikki í iva um, at talan er um eitt stórt fram­stig fyri føroyingar við Cystiskari fibrosu. - Hetta gongur út uppá, at gera tað lættari hjá sjúk­ lingum á tann hátt, at man sleppur frá at fara á Ríkissjúkrahúsið til kann­ ingar. Og við tað, at man slepp­ur frá at fara til kann­ ing­ar, verður smittu­vandin eisini skerdur munandi, tí man kemur ikki í samband við aðrar sjúklingar, sigur Ragnar Isaksen og leggur aftur­at. - Tað ger man vanliga held­ur ikki, men har eru nógv­ir sjúklingar gjøgnum dagin og hóast alt verður spritt­að, so er har altíð ein van­di. Føroyingar muga van­ liga eisini fara niður dagin áðrenn og sova á sjúk­linga­ hotellinum, og har hava tey ikki somu umstøður og tíð at spritta alt av sum á Ríkis­ sjúkrahúsinum. Var eitt ynski Tá vikuskiftis-Sosialurin í mai varpaði ljós á lívið við ­Cyst­iskari fibrosu, vístu bæði Ragnar Isaksen og Gunnar-Dahl Olsen, ið er formaður í føroyska Cystisk fibrosu felagnum, á, at tað hevði lætt nógv um, um við­ gerðin í ávísan mun kundi gerast í Føroyum. - Um helmingurin av kann­ingunum vóru í Før­ oyum og restin var niðri, so hevði eg bara skulu av landi­ num fimm ferðir um árið. Nú tá eg sjálvur eri pápi, so ger tað stóran mun. So tað hevði verið gott, um okkurt kom heim, vísti Ragnar Isaksen á tá. Gunnar Dahl-Olsen helt eisini tá, at tað var eitt gott hug­skot, ið kundi lætta um hjá sjúklingum og teirra familj­um. - Tað er best at høvuðs­við­ gerðin er í Danmark, tí tað er har, at servitanin er saml­að. Men um man kundi gjørt okkurt í Føroyum, so hevði tað munað nógv hjá einari barnafamilju. Tað er jú ikki altíð lætt at skulu ferðast til Danmarkar við fleiri børnum, og serliga ikki, um nøkur teirra eru eftir í Før­ oy­um, vísti Gunnar Dahl-Ol­ sen á tá. hallur@sosialurin.fo HETTA ER EIN STÓRUR LÆTTI - Hetta er ein stórur lætti. Serliga fyri føroyingar við Cystisk fibrosu og serliga fyri tey okkara, ið hava børn. Í staðin fyri at eg skal á Ríkissjúkrahúsið 10-12 ferðir um árið, so skal eg bara niður fýra ferðir við nýggju skipanini, sigur Ragnar Isaksen Í staðin fyri at eg fari til Keyp­manna­havn til eftirlit, so siti eg heima í stovuni framman­fyri ein­ um teldil og verði upp­ ringdur av teimum