hósdagur 26. juli 2018síða 6

FRÍGGJADAGUR 27. JULI 2018 SOSIALURIN 85 6 ÁRNI GREGERSEN T að er ein blíður og av­ slapp­aður løgmaður, eg hitti hendan góð­veðurs­ morgunin í Tinganesi. Slipsi liggur heima, men hann er sjálvandi væl ílætin, sjálvt um tað formliga ikki er , sum tað er gerandisdagar hjá landsins hægsta politikara. Aksel V. Johannesen, løgmaður, er liðugur at skriva ólavsøkurøðu fyri 2018. Hetta er 3.ferð hann skal halda hesa røðu, har hann stingur út í kortið og boðar frá, hvat samgongan ætlar at fáa frá hond­ ini komandi tingsetu. Sjálvandi verða onkrar orð­ ingar rættaðar, men nú er í veru­ leikanum klárt hjá løgmanni at halda ólavsøku, saman við øllum føroy­ingum. Arbediðið í politisku skipanini byrjar ólavsøkumorgun, tá ið ging­ið verður í skrúðgongu úr tinghúsinum og oman í dóm­ kirkjuna. Tá gongur løgmaður á odda fyri landsstýrinum og um­ sitingini, saman við løgtings­for­ manninum og við bispi. Tá ið gudstænastan er liðug verður farið aftur í tingið – fyrst at lurta eftir kórsanginum undir tinghúsinum, men klokkan 13 verður tingið sett og so skal løg­ maður halda sína røðu. Hyggur frameftir Ólavsøkurøða løgmans er ein partur av politisku skipanini. Í røðuni sigur løgmaður, hvat lands­ stýrið ætlar at gera í komandi ting­ setu. Ein løglisti fylgir við røðuni, har boðað verður frá, hvørju uppskot landsstýrið ætlar at leggja fyri okkara tjóðarting í komandi ting­ setu. Men burtursæð frá tí, so nevnir løg­maður mangan tað, sum hann heldur eigur at hava fremstu rað­ fest­ing í samfelagnum í framtíðini og hann hyggur eisini afturá, hvat er komið av skafti í farnu tingsetu og kanska eisini síðani landsstýrið tók við. -Eg er rættuliga væl nøgdur við tað, sum er komið burturúr síðani hendan samgongan tók við fyri skjótt trimum árum síðani, sigur Aksel V. Johannesen. -Onkuntíð fyrr havi eg sagt, at skuldi onkur givið okkum karakter fyri stíl, so hevði hann nokk ikki verið so høgur, men vit hava av­ rikað og fingið loyst nøkur av stór­málunum, sum hava bíðað í politisku skipanini í fleiri ár, sigur løg­maður. Hann vísir til fiski­vinnu­ný­ skipanina, pensjónsnýskipanina, hjúna­bandslógin og skattalættan til tey lág- og miðalløntu. -Vit hava eisini loyst fleiri onnur mál, sum vit kanska kunnu koma inná seinni, sigur hann. Góða gongdin í samfelagnum hevur viðvirka til, at tað gongur væl. Løgmaåður veit væl, at alt ikki kemur tí ein góð samgonga situr, men at tað ræður um at duga at um­sita góðu gongdina og royna at halda henni fast, so gott sum tilber. Fiskivinnunýskipanin Onki er at ivast í, at fiski­vinnu­ný­ skipanin var tað, sum kravdi mestu orkuna í teimum undanfarnu ár­ unum, hendan samgongan hevur sitið við valdinum. Fiskivinnan er ein avgerandi tátt­ur og grundarlag undir sam­ felag­num, so sjálvandi fóru ymisk sjónarmið at koma fram, tá ið koll­ veltandi broytingar skuldu gerast í skipanini. Kjakið var eisini hart og langt. Í veruleikanum var tað so, at gekk alt eftir ætlan, so var fiski­vinnu­ skipanini samtykt eitt hálvt ár áðrenn tað í veurleikanum hendi. -Tað vísti seg, at tað skuldi tíð til, men tað sigur seg eisini sjálvt, tí hóast alt er hetta ein so stór broyting, at tíð skuldi brúkast, sigur løgmaður. Løgmaður skilit eisini væl, at vinnan ger viðmerkingar til lóg­ ina um fyrisiting av sjófeingi, men alment heur hann sagt, at hann heldur ikki tað er rætt, tá ið Hanus Han­sen, stjóri í JFJ, sigur at fiski­ vinnu­nýskipanin er orsøkin til, at Sjúðrarberg verður seldur og at fleiri mans missa kjansin. -Eg harmist sjálvandi um, at menn missa kjansin, men tað er ikki rætt at geva fiskivinnunýskipani skyld­ina fyri tað, sigur løgmaður. Góða gongdin Góða búskaparliga gongdin seinnu árini ávirkar politiska arbeiðið uppá fleiri mátar. Til ber at gera meir, men tað krev­ur samstundis, at ansa verður væl eftir, at ikki ov nógv verður sett í gongd í senn. Samstundis má landsins leiðsla eisini ansa eftir, at raksturin av samfelagnum ikki verður ov dýrur. -Men fólkatalið veksur og tað krevur sjálvandi eisini nakrar íløg­ ur, sigur løgmaður. Spurdur um hann heldur at góða gongdin í búskapinum er or­ søkin, svarar hann ja, men leggur so afturat: -Vit settu okkum fyri beinan­ veg­in, at vit skuldu royna at venda gongd­ini, so fólk heldur flyta til Før­ oyar enn úr Føroyum. Til tess hava vit gjørt nakrar ábøtur, sum eg haldi virka. Til dømis ber nú til at taka fleiri hægri útbúgvingar í Før­ oyum og nú fáa lesandi lestrar­stuðul í 12 mánaðir um árið. Vit hava eisini gjørt korini betri fyri familjur við børnum og vit hava roynt at gjørt samfelagið meira opið fyri øllum, leggur hann aftur­at. -Eitt annað, sum eisini ger tað betri at búgva í Føroyum er, at viður­skiftini hjá støkum uppi­ haldarum eru vorðin munandi betri, sigur Aksel V. Johannesen. Pensjónsnýskipanin Eitt av stórmálunum, sum er sam­ tykt í farnu tingsetu, er pen­sjóns­ ný­skipanin. Tað eydnaðist ikki samgonguni at fáa stóru andstøðuflokkarnar, POLITIKKUR STÓRMÁLINI ERU LOYST MEN TAÐ EYDNAÐIST IKKI AT FÁA BREIÐAR SEMJUR Løgmaður er nøgdur við tey trý fyrstu árini hjá samgonguni og fer undir nýgghja tingsetu við góðum treysti