hósdagur 2. august 2018síða 14

FRÍGGJADAGUR 3. AUGUST 2018 SOSIALURIN 88 14 SUMMAR & SÓL SUMMAR HJÁ Brátt er summarið 2018 minnir. Vit hava fregnast, hvat nøkur av teimum, ið vit kenna úr almenna rúminum, hava tikist við í summar. Miðlafólk, tónleikarar og politikarar. Felags er, at summarið bjóðar frítíð, hvíld og ofta øðrvísi upplivingar LAGT TIL RÆTTIS. DAGFINN OLSEN, DAGFINN@SOSIALURIN.FO S ummarið byrjaði við, at miðlingurin bleiv studentur, og gildið varð hildið heima á terrassuni við grillpylsum og hondbajarum. Eitt deiligt summarkvøld, sum fer at standa eftir sum ein av mongu ríku lívsløtunum. Tveir dagar seinni fóru vit bæði, maðurin og eg, til Rom, har eg skuldi vera í 22 dagar, og hann í 30 dagar. Eg veit væl, at Rom í juli ljóðar vilt við øllum hitanum, men ætlanin var, at vit skuldu lesa og skriva um dagarnar, og so fara út at hugna okkum um kvøldarnar. Vit búðu í Trastevere, ein charmerandi og elligamal býlingur við skeivum húsum, nógvum matstovum, kirkjum og smølum steinløgdum gøtum. Vit høvdu nakrar deiligar og romantiskar dagar, serliga um kvøldarnar, har býurin ýddi av fólki. Um dagarnar fekk eg lisið eina rúgvu og fekk eisini frið at skriva annað enn tað, sum eg vanliga skrivi, til dømis okkurt tilfar til børn, sum kanska verður útgivið ein dag. Tað er so einastandandi gott at fáa frið at fordjúpa seg, at skapa og at vera í arbeiðsflow, har tú gloymir bæði tíð og stað, og bara gleðir teg at koma í gongd aftur, tá tú verður avbrotin av svongd ella svøvni. Men eg má siga sum er, at Rom var alt ov heitt fyri meg, serliga næturnar. So aftaná 12 dagar fór eg heim aftur til mjørkan og frískliga lotið. Eisini heim til 18 ára gomlu dóttrina, sum var einsamøll heima og arbeiddi í Gamla bókahandli, tí studenturin var farin til skips. Og niðurstøðan er, enn eina­ ferð, at eg skal ikki suðureftir um summarið! Tí eg elski tað ljósa, sevju­mikla og grøna føroyska summar­ ið, har landið er í blóm­andi skrúð. Rom stendur nú ovarliga á ynski­ lista­num, men á vári ella heysti, og so gongur leið­in annars suður­eftir í ljósið og hitan í januar. Vónandi havi eg lært tað nú! S ummarið hevur verið merkt av, at man hevur spælt nógv til øll tey tónleikatiltøk, ið eru summarhálvuna. Var eitt nú fyri fyrstu ferð á G!, og tað var eitt super upplivilsi. Vóru ein super túr í Malmø og Keypmannahavn, har man spældi ferðafólk saman við familjuni, og upplivdi øll tey støð, ið eru serstøk. Hæddarpunktið var at uppliva A-ha, ið man hevur lurtað nógv eftir alt sítt lív, live í Tivoli. Annars er nógv tíð farin við at seta ymiskt í stand í húsinum. Eittnú er køkurin skiftur. Eitt serligt er eisini, at Aria skal á pall aftur fyri fyrstu ferð í 19 ár, so tað er nakað heilt serligt, ið hevur fylt nógv í summar. Nakrar túrar á floti havi eg eisini verið, og tað eru deiligar løtur, ið mær dámar væl. At njóta friðin, og vera eitt við náttúruna er deiligt ein góðan summardag. S ummarið hjá mær hevur verið rein hvíld. Eg hugsi ofta, at eg skal út at uppliva og ferðast her í Føroyum, men eg geri ov lítið við tað. Eg var ein stuttan túr í Danmark í summar, men útlongsulin er ikki tann stóri, so at verða her heima um summarið er tað, eg velji. Og je elski tað. Vanliga havi eg alt ov nógv um oyruni, so bara at skula løða til framførslurnar á ymisku festivalunum er reint luksus. Rigmor Dam, landsstýriskvinna: Magni Husgaard, tónleikari: Guðrun Sólja Jacobsen, tónleikari: Rýmdi heim undan hitanum Fyrstu ferð á G!, og Aria saman aftur Hvíld og at løða til framførslur