hósdagur 2. august 2018síða 17

FRÍGGJADAGUR 3. AUGUST 2018 SOSIALURIN 88 17 Hetta er noir-filmur úr USA í 1946. Orson Wells hevur leiklutin sum professarin Charles Rankin, ið er lukkuliga giftur við vøkru Mary. Tá ið ein nazi-eltari kemur til lítla býin, verður lívið hjá teimum endavent, og eftir stuttari tíð eru hendingarnar blivnar so tyngjandi, at ein uppgerð má til, áðrenn fólkini og býurin kunnu fara víðari. The Stranger Netflix Up In The Air Netflix Tann romantiski George Clooney spælir tann eirindaleysi Ryan Bingham, sum hjálpir stórum fyritøkum at sekkja fólk. Hann ferðast kring USA fyri geva fólki fótin, og í grundini býr hann á ferð við kuffertinum. Tá ið hann hittir eina nýggja kvinnu í fyritøkuni, tykist hann blotna nakað, og spurningurin er, um tann harði avhøvdarin kann leggja seg skerflatan fyri dugnaligu og vøkru kvinnuni, hann fjeppast uppi í. Undir seinna heimsbardaga finna ein kanadiskur heryvirmaður og ein kvinna í fronsku mótstøðurørsluni saman og búseta seg í London. Har byrjar kríggið at leggja trýst á parið, og illgrunasamir upplýsingar koma fram. Brad Pitt og Marion Cotillard hava høvuðsleiklutirnar í eleganta og spennandi filminum, sum gevur innlit í støðuna, tá ið kríggið rakar beint í hjartað á teimum elskandi. Allied Netflix Tann spennandi Science fiction filmurin Blade Runner frá 1982 verður roknaður sum ein varði í filmssøguni og setti nýggjan standard fyri filmsslagið. Hesin filmurin er uppfylgjari og er eisini sera væl frágingin. Í gamla filminum hevði Harrison Ford høvuðsleiklutin, nú er tað ein væl spælandi Ryan Gosling. Hann kemur fram á ein væl fjaldan loynidóm, sum hann roynir at uppklára. Tað skapar vanda og møguleika at hitta tann gamla høvuðsleiklaran frá filminum í 1982. Blade Runner 2049 Viaplay Tann kuli Vit eru í USA í 1864, tá ið borgarakríggið herjar. Í Virginia leiða tvær strangar kvinnur ein kostskúla fyri gentur. Ein dagin finnir ein næmingur ein særdan hermann, sum tey hjálpa. Hermaðurin vekir tó kenslur á kostskúlanum, og hendingarnar taka dik á seg og fáa deyðiliga avleiðing. Filmurin er frá 2017, og sjónleikarar eru eitt nú Nicole Kidman, Kristen Dunst og Colin Farrell. The Beguiled Viaplay Tann afturlítandi Hesin filmurin verður aftur og aftur kosin sum besti filmurin nakrantíð. Hann byggir á skaldsøgu hjá Stephen King frá 1982 og gongur fyri seg í amerikanskum fongsli, har tveir mans í gjøgnum fleiri ár hjálpast at og finna ugga í góðum gerðum. Tim Robbins og Morgan Freeman hava høvuðsleiklutirnar í hugtakandi filminum, sum gevur innlit í lyndi og atburð hjá fólki – bæði tað góða og tað minni góða. The Shawshank Redemption Viaplay Tann besti Tann gamli