hósdagur 2. august 2018síða 21

FRÍGGJADAGUR 3. AUGUST 2018 SOSIALURIN 88 21 NM fyri U17 landslið: TRÓNDUR ARGE F rá sunnudegnum og áleið eina viku fram, verður NM-kappingin fyri U17 landslið við dreingjum í Føroyum. Átta lond eru við í kappingini, sum er størri enn hon hevur verið fyrr. Umframt øll norðanlondini, verða Kina og Norðurírland eisini við. Spælt verður á Tórsvølli, Ovara vølli í Gundadali og á Argjum. Fótbóltssambandið hevur leingi arbeitt við at fáa kappingina lagda til rættis. Millum avbjóðingarnar eru at fáa innivist til øll liðini. Tað hevur eydnast, millum annað tí at Fótbóltssambandið hevur vitað um kappingina í seks ár. Síðani NM-kappingin var liðug í Íslandi í fjør, hevur verið arbeitt við at fáa allar lutirnar upp á pláss, sigur Virgar Hvidbro, aðalskrivari í Fótbóltssambandinum. Hann leggur afturat, at hann gleðir seg til kappingina, sjálvt um gamla FSF-húsið er tikið niður. Tað gevur nakar avbjóðingar, men bæði HB og B36 hava víst stóra vælvild. Nýggjur venjari U17-landsliðið við dreingum hevur fingið nýggjan venjari, og talan er um ein gamlan kenning í starvinum. Fótbóltssamband Føroya hevur nevniliga gjørt avtalu við Áka Johansen, um at standa á odda fyri U17-dreingjunum restina av hesum árinum. Thomas Thinggaard, ið hevur havt árbygdina av U17- dreingjunum, og sum eisini hevur verið ein av Fótbóltsmennarunum hjá FSF, valdi fyrr í ár at takka fyri seg í Føroyum. Hann er farin aftur til Danmarkar, har hann hevur fingið starv sum venjari hjá U17- liðnum hjá SønderjyskE. - Tá landsliðið kallar, kann ein sjálvandi ikki siga nei. U17- dreingirnir mangla venjara, og tá heitt varð á meg, kundi eg ikki annað enn siga ja. Komandi avbjóðingar eru sera spennandi og áhugaverdar, og eg eri eisini sera fegin um, at Giza Hoyvík hevur víst mær stóra vælvild í hesum sambandi, sigur Áki Johansen við heimasíðuna hjá FSF. Áðrenn Thomas Thinggaard tók við sum føroyskur U17- landsliðsvenjari, hevði Áki Johansen staðið á odda fyri liðnum í ellivu ár, sum endaði við minniliga EM-endaspælinum í Kroatia í fjør. - Arbeiðið við U17-landsliðnum hevur í so mong ár frammanundan givið mær so ómetaliga nógvar góðar upplivingar – ikki minst seinasta uppgávan, tá vit spældu okkum heilt til EM-endaspælið, sigur Áki Johansen. U17-landsliðið við dreingjum skal til tvær kappingar seinni í ár. Í august er NM á skránni, og í september skal liðið til innleiðandi EM-undankapping í Makedonia. Umframt øll norðanlondini, verða Kina og Norðurírland eisini við í NM-kappingini, sum í ár verður í Føroyum. - Tað er ikki so nógv tíð til fyrireiking, sum eg annars havi verið vanur við. Men saman við hjálparvenjaranum, Allan Smedemark, og venjarunum úti í feløgunum, skulu vit nokk vera klárir, tá NM-kappingin fer í gongd. Í innleiðandi bólkaspælinum møta vit millum annað Kina, sum vit ongantíð hava møtt áður. So hóast eg havi næstan 90 landsdystir sum venjari, so er okkurt eisini nýtt fyri meg, og tað ger tað ikki minni spennandi, sigur Áki Johansen at enda. FÓTBÓLTUR KINA MILLUM GESTIRNAR Komandi dagarnar verður Norðurlanda­meistara­ kapping fyri U17 landslið við deingjum í fótbólti í Føroyum. Hesa ferð er kappingin nakað størri enn vanligt. Gestalandið hesa ferð er einki minni Kina Hópurin Føroyar NR POS. EFTIRNAVN FORNAVN FØDDUR FELAG 1 GK Danielsen Dánial 4/25/2002 NSÍ 2 DF Mneyney Noah Hans 12/6/2002 ÍF 3 DF Joensen Tórur Franksson 6/8/2002 HB 4 DF Petersen Børge 4/24/2002 KÍ 5 DF Arge Ári 5/2/2002 HB 6 MF Warner Jónas J. 5/10/2002 B36 7 FW Róason Gilli 4/3/2002 HB 8 MF Hansen Olaf Karstensson 2/20/2002 KÍ 9 FW Janusarson Meinhard Fríðálvur 8/30/2002 NSÍ 10 FW Jacobsen Gulak Andrias 6/9/2002 SønderjyskE (DK) 11 MF Hentze Kristian Krog 4/16/2002 B36 12 GK Petersen Ari 12/7/2002 07 Vestur 13 DF Hellisá Mikkjal 2/18/2002 EB/Streymur 14 MF Hansen Súni 1/21/2003 NSÍ 15 MF Tvørfoss Ingolf 1/8/2002 Víkingur 16 MF Lunell Bruhn Jens Erik 5/12/2002 TB/FCS/Royn 17 FW Jacobsen Jóel Høgnason 11/4/2002 NSÍ 18 DF Poulsen Bergur Jákupsson 3/5/2003 Víkingur 19 MF Dahl-Olsen Gutti 1/19/2002 EB/Streymur 20 MF Johannesen Áki 11/11/2002 NSÍ Bólkur A DATO KL DYSTUR VØLLUR 05.08.2018 13:00 Svøríki – Norðurírland Tórsvøllur 05.08.2018 13:00 Finnland - Danmark Argir 07.08.2018 12:00 Danmark – Norðurírland Gundadalur 07.08.2018 15:00 Svøriki - Finnland Tórsvøllur 09.08.2018 12:00 Danmark – Svøríki Tórsvøllur 09.08.2018 12:00 Norðurírland - Finnland Gundadalur Bólkur B DATO KL DYSTUR VØLLUR 05.08.2018 17:00 Ísland – Føroyar Tórsvøllur 05.08.2018 17:00 Kina – Norra Argir 07.08.2018 12:00 Ísland – Kina Tórsvøllur 07.08.2018 18:00 Norra – Føroyar Tórsvøllur 09.08.2018 15:00 Føroyar – Kina Tórsvøllur 09.08.2018 19:00 Norra – Ísland Tórsvøllur