mánadagur 6. august 2018síða 5

5 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 6. august 2018 · Nr. 89 TÍÐINDI Men vit eini tomatplantu ella agurkplantu vita vit sjálv­andi ikki, hvussu nógv veksur á hvørjari, sigur Kenneth Ellefsen. Út í handlarnar Enn eru allar avtalur ikki komnar upp á pláss um hvussu, hvar og nær fyrsti gróðurin verður seldur, men ætlanin er, at føroyskt fram­ leitt grønmeti skal kunna finnast í bæði før­oy­sk­um heimum og matstovum. - Nú tá tólini eru sett upp og framleiðslan er byrjað, fara vit undir restina av søluarbeiðinum. Tað vit hava fingið at vita frá handlum er, at vit kunna ikki gera ov nógv, tí innflutningurin er so stórur. Um vit dyrka 400 ella 1.000 salathøvd um vikuna, munar tað kortini einki í stóru mongdini av innfluttum salathøvdum, sigur Kenneth Ellefsen. Men hóast nógv verður innflutt, so kann føroyska fram­leiðslan gera ein stóran mun hjá føroysku handlunum, tá hugsað verður um matspill. Hetta tí tey føroysku salathøvdini verða munandi frískari, tá tey koma í handlarnar, enn út­lendsku salathøvdini. - Nógv verður innflutt, men nógv verður eisini tveitt burtur, tí tað er ov vánaligt. Grønmeti heldur sær so stutt í einum føroyskum handli, tí tað er longu fleiri dagar gamalt, tá ið tað er í Føroyum. Tað skal jú fyrst upp gjøgnum Evropa til Dan­markar, síðan gjøgnum ein umboðsmann har og so við skipi til Føroyar. Á ferðini fær tað møguliga skaða av frosti ella nógvum kulda, so tá tað loksins kemur í handlarnar, heldur tað einans í nakrar fáar dagar, sigur Kenneth Ellefsen og leggur afturat. - Um handlarnir í stað­in kunna fáa frukt ella grøn­ meti, ið er heysta dagin fyri, heldur tað tvær til tríggjar ferðir longri, áðrenn tað spill­ist. Tað vildi minkað um spillið. Í tøkum tíma Alheims miðlar hava sein­ astu vikurnar borið eina søgu fyri og aðra eftir um øgiligu hitabylgjuna, ið hevur ligið yvir Evropa í fleiri vikur. Skógareldar hava kravt fleiri mannalív, meðan turkur hevur gjørt, at bøndur kring Evropa óttist fyri, at gróðurin fer fyri skeyti, samstundis sum neyta­bøndur og onnur hava verið noydd at drepa teirra kría­túr, tí mangul er upp á fóður. - Tað sást longur nú, at matvøruprísirnir í Evropa og aðrastaðni eru ávirk­aðir av turkinum, og á ser­frøð­ ingunum ljóðar, at hetta er tað, ið vit skulu venja okkum við. Tað er framtíðin, at gróðurin miseydnast vegna vatntrot. Tað fær sjálv­andi avleiðingar og er millum annað kostnaðurin fyri fóður vaksin við umleið 80 prosentum í summum lond­um. Úrslitið av tí er, at mjólki­neyt og onnur djór verða slaktaði fyrr, tí man hevur ikki ráð til fóður, vísir Kenneth Ellefsen á. Tí metir hann tað vera ein stóran fyrimun, um før­oy­ ingar sjálvir megna at fram­ leiða í hvørt fall ein part av tí grønmeti og frukt, ið vit eta. - Um hetta veðrið er fram­tíðin, so verður frukt og grønmeti bara dýrari í framtíðini. Tá hevði tað verið ein stórur fyrimunur, um vit á ein ella annan hátt kunna skipað tað soleiðis, at vit verða sjálvforsýnandi, og ikki standa aftast í røðini og fáa restirnar av tí, ið Evropa ikki skoytir um, sigur Kenneth Ellefsen.