mánadagur 6. august 2018síða 8

Mánadagur 6. august 2018 · Nr. 89 8 Sosialurin Hugskot og viðmerkingar – send sms til 225000 Vilmund Jacobsen Lundin í Koltri eigur fyri tað mesta niðri í vallaða berginum.  Neyðugt er við lesningum um upsir og loftskútar, eins og lagdar eru trygdarlínur, har brattast er. Bjørn Patursson, fyri­ støðu­maður í Koltri, hevur saman við øðrum verið í bakka­num í Koltri, har teir hava hugt eftir, hvussu fuglur­in hevur tað, eins og teir eisini hava framt bjarga­ røkt. Lundin fingið frið Lundin hevur fingið frið í Koltri síðan fyrst í hesi øldini, tá tað av álvara fór at ganga illa hjá sjófuglinum. - Tó so hava vit við jøvn­ um millumbili roynt at fylgt við, hvussu lundin hevur tað. Bjørn Patursson vísir á, at teirra eygleiðingar vísa, at árini hava verið misjøvn. - Summi ár hevur lundin ikki megnað at føtt pisurnar, sum hava ligið deyðar í holun­um. Men, seinastu árini hevur tó gingið betri, tó at lívið í lundalandinum hevur verið munandi minni, enn vanligt var. Frískar og væl fyri Leygardagin hin 4. august í ár var Bjørn Patursson saman við øðrum góðum fólk­um á kanningarferð niðri í lundalandinum í Koltri. Henda dagin var av allar fagrasta veðri. - Her var als ikki talan um nakra landkomu, men hin gamli lundin sást í pendulfarti til og frá landinum við sild til pisur­ nar. Onkur ungfuglur sást eisini sita í berginum og niðri á helluni.  Á Facebook-síðuni – Kolt­ ur – veit fyri­støðu­maður­in at siga, at tær lunda­pisur, sum kannaðar vórðu henda dagin, vóru bæði frískar og væl fyri, tó at tær vóru ymiskt búnar. - Onkur var um at vera floygd, meðan aðrar helst skulu hava einar 14 dagar ella meira aftrat, áðrenn tær verða floygdar. Bjørn Patursson sigur, at um­framt at kanna, hvussu fuglur­in hevur tað, gjørdu teir henda dagin eisini nak­ að av viðlíkahaldi í bakka­ num. Annaðhvørt reiður tómt Í frásøgnini sigur fyri­støðu­ maðurin, at nátungarnir, teir sóu í bakkanum henda dagin, eisini vístu seg at hava tað gott, tó at nærum annað­hvørt reiður var tómt. - Hóast líkindini vóru góð, var lundin ódrúgvur, og ungfuglur sæst sjáldan fúgva í ring, leggur Bjørn Patursson aftrat. ­ ­ - Árini hava verið ymisk hjá lundanum. Summi ár hevur fuglurin ikki megnað at føtt pisurnar, sum hava ligið deyðar í holunum. Men, seinastu árini hevur tó gingið betri, tó at lívið í lundalandinum hevur verið munandi minni, enn vanligt plagdi at vera, sigur Bjørn Patursson Langt er á mál hjá sjófuglinum Klæmint Sólsker á Sandi fær ein góðan kalva av og á, og soleiðis var eisini henda dagin, tá hann setti átta stampar og fekk tveir kalvar, sum lógu millum 150 og 180 pund hvør. – Teir dagar, tá einki er, verða skjótt gloymdir eftir ein slíkan dag sum í dag, sigur útróðrarmaðurin. Hesa vikuna koma nakrir partrolarar og trolbátar inn at landa Vilmund Jacobsen Flestu partrolarar eru til fiskiskap. Eitt par kemur inn at landa í dag, og væntandi koma nøkur skip miðskeiðis ella síðst í hesi vikuni. Trý pør fiska framvegis gulllaks. Ein djúpvatnstrolari fiskar stinglaks, og tríggir fiska svartkalva og kongafisk. Møguliga kemur onkur djúpvatnstrolari inn at landa í vikuni. Fríggjadagin vóru fýra trol­bátar til fiskiskap. Teir fiska vestan fyri og norðan­ fyri. Væntandi koma trol­ bátarnir inn at landa mið­ skeiðis í hesi vikuni. Trolbátarnir fáa ikki tað nógva í løtuni, men fiskiskapurin er kortini á einari leið. Á Fiskamarknaði Føroya vita tey at siga, at trý garnaskip fiska svartkalva. Eitt landaði seinasta fríggadag, eitt leygardagin, og eitt garnaskip kemur væntandi inn at landa í dag. Hetta vistu tey at siga á Fiskamarknaði Føroya fríggjadagin. Tað var Henrik Old, landsstýrismaður í samferðslumálum, sum setti ovastevnu í Nólsoy leygardagin. - Hesum slapp hann væl frá. Stuttlig og góð røða, siga tey í Nólsoy. Hugni á Sandi Vilmund Jacobsen Seinsummardagur verður á Sandi leygardagin 25. august. Dagurin byrjar klokkan 10 við stórum ókeypis morgunmatarborði, sum Sands kommuna bjóðar. Gjøgnum dagin verður høvi hjá børnum eitt nú at royna hoppiborgir, og eisini verður stórt ókeypis barnatiltak við klovninum, Bubu. Sølutorg verður við matvørum av Sandi, ókeypis konsert í Listasavninum, og túrur við frásøgufólki verður í býlinginum í Koytu. Skipað verður eisini fyri rundvísing í stóra vakstrartunlinum hjá Veltuni á Sandi, og túrur verður fyri børnum í Klettafjósið. Filmir hjá Hanusi Johannesen og øðrum verða sýndir, og Ørvaroddar fara at grilla grís og leskiligar búffar. Í tjaldinum verður stór ókeypis konsert við Ólavi á Váli, Fríðbjørg & Frankie, Danny Baldursson, Niclas Hera Jákupson, Søren Pedersen, Jórun Gudmundsen & Hans Ravnsfjall og fleiri. Seinsummardagur á Sandi endar við dansi í ungmannafelagnum Virkinum. Partrolarar og trolbátar landa - Lundapisurnar, sum vit kannaðu henda dagin, vóru bæði frískar og væl fyri, tó at tær vóru ymiskt búnar, sigur Bjørn Patursson, fyristøðumaður í Koltri