mánadagur 6. august 2018síða 14

Mánadagur 6. august 2018 · Nr. 89 14 Sosialurin Hugskot og viðmerkingar – send sms til 225000 Sjúrður Hildarson Hoydal Við nýggja uppskotinum verður kappingin avgjørd við einari sonevndari “Final-4” kapping, har fýra tey fremstu liðini hittast til hálvfinalur, eins og vit kenna tað frá steypakappingini. Tó við tí muninum, at spælt verður antin best av trimum ella fimm dystum. Hetta skulu feløgini taka støðu til í næstum. Tey liðini, ið ikki spæla seg í hálvfinalurnar, koma at spæla eina kapping sínamillum, har tey hitta hvørt annað tvær ferðir. Feløgini hava hoyringsfreist 5. august, og ein, ið vónar at uppskotið verður samtykt, er Finnur Hansson, venjari og leikari hjá Team Klaksvík. Hann hevur verið partur av føroyska hondbóltsheiminum í fleiri enn 20 ár, og hann ynskir at spenningurin og áhugin fyri hondbóltskappingini gerst størri enn hann er í dag. Fer at økja um bæði áhuga og góðsku Finnur Hansson greiðir frá, at uppskotið stavar frá broytingini av steypakappingini, ið eftir at hon var nýskipað, økti áhugan fyri henni, eins og hon økti um hondbóltsgóðskuna í kappingini, eftirsum at liðini spældi fleiri avgerandi dystir. Hóast væleydnaðu nýskipanini av steypakappingini, liggur tó eisini ein trupulleiki. Tá ið steypakappingin er av, er áhugin fyri landskappingini ikki hin sami, tí fleiri lið hava longu spælt seg úr FM- stríðnum, greiðir Finnur Hansson frá. - “landskappingin er steindeyð eftir steypakappingina fram til FM- finalurnar” tekur hann til. Hetta má gerast nakað við, og tí hevur prát leingi verið um at gera broytingarnar, og nú liggur hetta uppskotið til hoyringar, eftir at tað var lagt fram á aðalfundinum hjá hondbóltssambandinum. Finnur Hansson greiðir frá, at nýggi kappingarleisturin fer at økja munandi um spenningin. Nú telja allir dystir. Úrslit í fyrsta og øðrum umfarið kunnu hava beinleiðis ávirkan á, um tað fer at bera til at spæla seg millum fýra tey fremstu. Samstundis verður innanhýsis kappingin millum fýra tey fremstu eisini týdningarmikil, tí at liðið, ið endar fremst fær eitt nú ein eyka heimadyst í final-4 kappingini. Klimaks eftir steypakappingina Eisini verður eitt klimaks í landskappingi beint eftir steypakappinga, tá ið avgerandi triðja umfarið verður leikt, har ið hvør dystur helst fer at hava ávirkan á hvussu final-4 kappingin kemur at síggja út. Sostatt kemur ikki hetta tómrúmið, ið valdar í hondbóltskappingini í løtuni, tá ið ov nógvir óáhugaverdir dystir vera leiktir í tíðini millum steypafinaluna og FM-finalurnar. Nú verður triða umfarið beint eftir steypakappingina í staðin helst hitt mest spennandi umfarið av øllum, tá ið lið, ið kanska liggja nummar fimm, seks ella enntá sjey, fara at hava møguleikan at spæla seg upp millum tey fremstu fýra. Upp í fimm dystir í finaluni Enn ein stór broyting verður í sjálvara final-4 kappingini, tí vanligt hevur verið at leika tveir dystir. Ein heima og ein úti. Í løtuni verður tikið støðu til um dystirnir skulu leikast sum best av trimum ella kanska enntá best av fimm. Finnur Hansson er avgjørdur um at fleiri finaludystir eru betri og geva rættvísari úrslit. Teir nógvu avgerandi dystirnir, ið nú fara at koma fer avgjørt at gagna hondbóltsføroyum, sigur Finnur Hansson og vísir á, at hetta heldur øllum til. Bæði leikarar og áskoðarar fara at koma á eitt hægri spenningsstøði, ið bara økist so hvørt kappingin líður. Og hetta verður galdandi fyri øll sjey feløgini. Ikki bara, tey ið koma í finalurnar. Altso verða á leið sama tal av dystum í landskappingi og tað var við gomlu skipanini. Munurin er bert tann, at tað verða fleiri dystir av týdningi, og tað er júst tað ið endamálið er, sigur Finnur Hansson, ið vónar at uppskotið verður endaliga samtykt. Nakrir smálutir eru til hoyringar í løtuni. Millum annað um tað verða leiktir tríggir ella fimm finaludystir. Hoyringsfreistin er 5. august. sjurdur@sosialurin.fo HONDBÓLTUR Síðani 2006 hevur hondbóltskappingin hjá bæði monnum og kvinnum verið avgjørd við finalum millum tveimum teimum ovastu liðunum í deildini. Í løtini viðgerða hondbóltsfeløgini kring landið tó eitt uppskot um at skipa kappingina av nýggjum fyri at fáa størri spenning í seinastu umførini HONDBÓLTS­ KAPPINGIN VERÐUR NÝSKIPAÐ Soleiðis verður landskappingin leikt við nýggja uppskotinum: Liðini spæla tríggjar dystir móti hvørjum øðrum. Tvey umfør áðrenn steypakappingina og eitt eftir. Fýra tey ovastu liðini koma í hálvfinalur. Fremsta liðið hittir fjórfremsta liðið. Spælt verður antin best av trimum ella best av fimm dystum. Hetta verður avgjørt í næstum Síðani verður spælt finala og bronsudystur. Somuleiðis best av trimum ella best av fimm. Tey liðini, ið ikki spæla seg í hálvfinalurnar spæla eina B-kapping, har tey hitta hvørt annað tvær ferðir. Eina ferð heima og eina ferð úti.