hósdagur 9. august 2018síða 12

FRÍGGJADAGUR 10. AUGUST 2018 SOSIALURIN 91 12 Við flóttafólki í Jordan TEMA: Við flóttafólki í Jordan - Kríggið í Sýria gjørdi, at eg mátti flýggja. Fyrst til Jordan og síðani til Hollands, greiðir 34 ára gamli Shisham frá. Ferðin til Hollands var drúgv og vandamikil og hon endaði við, at hann eftir langa tíð í Hollandi vendi aftur til Jordan, har familja hansara var REGIN WINTHER POULSEN F yri fáum árum síðani flýgg­j­aðu sýrar í túsunda­ tali til Evropa. Leiðin hjá teimum flestu gekk um­ vegis Turkalands við bátum, sum menniskjasmuglarar stóðu fyri, til Grikkalands. Síðani úr Grikkalandi til gongu ígjøgnum Evropa - málið hjá teimum flestu var Týskland ella eitt annað land í norðurevropa, har dreymurin um eitt betri lív kundi livast. Fólk gera enn hesa ferðina, hóast tað als ikki eru eins nógv, ið hætta sær undir ferðina. Tað vóru ikki øll, sum kláraðu ferð­ina. Nógv komu ikki yvirum hav til Grikkalands við lívinum, ímeðan onnur ikki fingu uppi­ halds­loyvi í landinum tey komu til. Hetta er ein søga um Shisham, sum megnaði ferðina og endaði í Hollandi eftir nógvar avbjóðingar, men hann var noyddur at fara aftur til Jordan orsaka av trupuleikum í familjuni. - Mítt lív gevur onga meining longur. Eg livi ikki fyri nøkrum longur, sigur hann og greiðir frá, at lívið, sum einaferð snúði seg um eina bjarta yrkisleið, nú einans snýr seg um at koma ígjøgnum og at royna at skapa eina framtíð fyri døtrarnar. Búði har tað byrjaði Eg eri staddur í einum húsvogni á Zaatari flóttaleguni í Jordan saman við einum týskum kollega. Saman hava vit fingið loyvið at ferðast til tvær flóttalegur í Jordan. Zaatari legan er tann størsta, og hýsir hon áleið 80.000 fólkum. Húsvognin eigur Shisham, sum er 34 ár og hevur fýra døtrar. Í húsunum búgva eisini konan og mamman, ímeðan pápin og tvær systrar enn eru í Sýria, har tey nú eru fangað, tí landa­mørkini eru stongd. Uppreisturin ímóti Assad stýri­ num í Sýria byrjaði í Daraa í 2011, tá 15 dreingir høvdu málað grafitti við tekstum, ið kritiseraðu stjórnina. Dreing­irnir vórðu handtiknir og tað leiddi til uppreisturin, sum seinni førdi til borgarakríggið, ið ikki er av enn. Shisham kom frá eini bygd beint uttanfyri Daraa, og ein dagin tá hann ferðaðist heimani­frá til skúlan í Damascus, varð hann steðgaður av løgregluni. - Ein løgreglumaður tók mína teldu frá mær og breyt hana. Á telduni var alt mítt master arbeiði. Grundin til at eg varð handtikin var bara, at eg kom frá økinum, har uppreisturin byrjaði, greiðir Shis­ ham frá, men hann avvísir at hann nakrantíð tók lut í uppreistri sjálvur. - Eg vildi ikki váða nakað, tí eg hugsaði bara um mín lesna og at skapa eina framtíð fyri familjuna, greið­ir hann frá. Shisham vísir okkum sítt prógv, sum er ógvuliga gott og greiðir frá, at hann millum annað arbeiddi fyri Shell sum partur av lesnaðinum. - Eg fokuseraði ógvuliga nógv uppá mín lesna, men tá hendan hendingin fór fram, bóðu foreldur míni meg flýggja. Tey vóru bangin fyri, at nakað skuldi henda mær, greiðir Shisham frá og sigur, at hann tí legði leiðina til Jordan í 2011 og at foreldrini komu aftaná í 2012. Frá kríggi til vónina um Evropa - Tey søgdu mær nakrir mánaðir eftir at tey vóru komin, at okkara garður og bilar vóru brendir av herðinum. Tey høvdu goymt vitanina fyri mær, tí tey vildu ikki tyngja meg við henni, men tá eg hoyrdi um hettar, tók eg avgerð um at leggja leiðina til Evropa, greiðir Shi­sham frá og leggur afturat, at tað var fullkomin ruðuleiki í Daraa tá uppreisturin breyt út. - Herðovastarnir høvdu onki tak á støðuni, og tí kundu herðmenn finna uppá at ræna frá fólki. Teir handlaðu eftir egnum vilja og ikki ordrum, sigur hann og leggur aftur­ at, at húsið hjá teimum var beint við eina herðmiðstøð. - Okkara døtrar eru uppvaksnar við bumbuslátri, greiðir hann frá. Ferðin til Grikkalands Shisham greiðir frá, at tað var av­ gerð­andi fyri hann, at hann kundi fáa familjusamanførðing í landi­ num hann fór til. Hann ætlaði at finna eitt stað, har hann kundi gera sína útbúgving lidna, men hann kundi ikki ferðast tað vandamiklu leiðina við allari familjuni. Av­ gerðin fall tí á Holland, sum hann hevði lisið seg fram til var eitt land við góðum møguleikum fyri familju­samanførðing. Men tað var ikki lætt at koma til Hollands úr Jordan. - Eg hevði avtalað at fara saman við einum vinmanni við flog­fari til Turkalands. Hann kendi onkr­ an í Turkalandi, sum skuldi gera ferðina um Evropa, so vit skuldu ferðast saman við teimum, greið­ir Shisham frá. Hann sigur, at hann hevði eitt galdandi pass, og at hann tí kundi ferðast til Turka­lands uttan trupuleikar, men at vin­ maður­in hevði størri trupu­leikar við hesum. - Tá vit komu til flogvøllin, fekk hann at vita, at hann slapp ikki at ferðast. Eg ætlaði at droppa mína ferð eisini, men hann bað meg fara allíka­væl. Tá eg kortini noktaði, tí eg var rættiliga nervøsur fyri ferð­ ini, sum lá fyri framman, trýsti hann meg nærum inn í flogfarið, sig­ur Shisham. Tað var eyðkenni fyri ferðinar um Evropa, at tað vóru nógvir ung­ir menn, sum ferðaðust einsa­ mall­ir. Shisham greiðir frá, at hóast tað var tungt, kundi hann ikki lata genturnar hjá sær vaksa upp í flótta­leguni, og tí mátti hann fara av­stað. Í Zaatari leguni, sum nú er vorðin rímiliga væl útbygd við hús­vognum, við vatnskipanum og egnum vesi, var støðan als ikki tann sama í 2012, tá hann byrjaði ferð sína. Tá var deilt vesi á leguni, lítið av vatni, og familjurnar búðu í tjøldum. Ynskta dótturin var vorðin sjúk av sólini, tá familjan ferð­aðist úr Sýria til Jordan, og tí hevði Shisham rættiliga tíðliga skaffað ein húsvogn, sum allar familj­urnar fingu tíðliga, og hann held­ur eisini, at familjan var ímill­ um tær fyrstu við egnum vesi. Tá Shisham byrjaði ferð sína, var konan við barn við tvíburðum, og tað var tí tungt hjá honum at fara av­stað. Fingu samband við smuglara Shisham kom til Turkalands í øll­um góðum, men hettar var bara byrjanin uppá ferðina, sum tástani tá skuldi byrja veruliga. Eftir at hann var lendur, ringdi hann til vinmannin, sum ikki var sloppin við flogfarðinum. Hann bað tá Shisham ikki bíða eftir sær, tí hann ikki visti nær hann fekk møgu­leikan at ferðast. - Eg møtti nøkrum øðrum, sum eisini ætlaði sær at gera ferðina um Evropa. Vit fingu samband við ein, sum kundi smugla okkum í bát­um. Hann hevði lovað at sigla okkum yvir um hav, men hóast hann var við í bátinum, tá vit løgdu frá landi, leyp hann úr bátinum tá vit enn vóru í Turkalandi og slepti okkum einsamøll út á hav har vit mistu tamarhaldið á bátinum í ring­um veðri, greiðir Shisham frá. Hann sigur eisini, at áðrenn hann fór umborð á bátin, hevði hann møtt Flýggjaði úr Sýria til Hollands Um Shisham: Shisham er 34 ár og hevur fýra døtrar. Hann býr í einum húsvógni í Zaatari leguni saman við børnunum, konuni og mammuni, meðan pápin og tvær systrar enn eru í Sýria, har tey nú eru fangað, tí landamørkini eru stongd. Shisham las innan evnafrøði og var í gongd við at blíva serfrøðingur í at skilja radioaktiv evnir frá olju. Hann arbeiddi undir lesnaðinum millum annað fyri Shell og livdi tá í tíðini fyri síni yrkisleið. Nú livir hann bara fyri morgindegnum. - LÍVIÐ HEVUR MIST INNIHALD