hósdagur 9. august 2018síða 16

FRÍGGJADAGUR 10. AUGUST 2018 SOSIALURIN 91 16 GEKKURIN: Gekkamillióningar PÆTUR HJALMAR EVENSSON F ríggjadagin 3. august fór størsti Gekkurin nakrantíð til ein hepnan vinnara í Hoyvík. Tað var Benny Nielsen, ið vann gekkin áljóðandi 3,4 milliónir. Hann bleiv sostatt størsti gekkavinnari nakrantíð í gekkasøguni. Hóast Benny Nielsen er størsti gekkamillióningurin, er hann ikki tann einasti, ið er vorðin millióningur av eydnuspælinum hjá Kringvarpi Føroya. Fyrstu ferð Gekkurin fór upp um eina millión var í 2008, og aftaná 2013 bleiv tað meira vanligt at síggja milliónaupphæddir í gekkinum, eftir at Kringvarp Føroya hevði broytt leistin og sett fleiri pengar í spælið. Síðani 2013 hevur Gekkurin verið omanfyri milliónina seks ferðir tilsamans. Sosialurin hevur fingið orðið á nakrar av gekkavinnarunum seinastu árini fyri at hoyra, hvussu tað hevur gingist teimum sum gekkamillióningar. Súsanna Dahl Jacobsen úr Klaksvík vann 1,1 millión - Tað var so óveruligt - Eg blívi næstan líka reyð um oyruni nú bara av at tosa um tað. Tað var so lekkurt og óveruligt, mann trýr tí ikki, sigur Súsanna Dahl Jacobsen PÆTUR HJALMAR EVENSSON F yri tveimum árum síðan slapp ein heppin klaksvíkingur ígjøgnum at snara gekkahjólið. Tað var Súsanna Dahl Jacobsen, og hon vann 1,1 millión í august 2016. Hon koyrdi pengarnar í tann reyða leypin, og tá hon eftir fyrsta snar kom á tann gula leypin, kundi hon ikki verið minni áhugað í køki­num og teldupakkanum, sum fjaldi seg í tí leypinum. Hon vildi hava alt ella einki. - Eg lurtaði slett ikki eftir verti­ num, tá hon fortaldi, hvat mann kundi vinna. Eg koyrdi beint víðari eftir milliónini. Tað skuldi vera antin alt ella einki. Tíbetur kom tað á tann reyða gekkin næstu ferð, eg snaraði, sigur Súsanna og flennur spent. - Eg blívi næstan líka reyð um oyru­ni nú bara av at tosa um tað. Tað var so lekkurt og óveruligt, mann trýr tí ikki. Ein sjómannadagur sum ongantíð verður gloymdur Súsanna hevur altíð spælt gekk, og hevur eisini altíð gjørt nógv burtur­úr, tá Gekkurin er á skránni. Hetta fríggjakvøldið var tað púra øvugt. Hon sat einsamøll og spæl­ di og hevði einki fyrireikað. Hetta fríggjakvøldið var tað Sjó­mannadagur í Klaksvík, og tá plagar altíð at vera nógv lív í býnum; so tá hon vann, spurdist eitt stórt ball burturúr heima hjá hen­ni. - Húsið varð pakkað við fólki næstan beinanvegin. Øll, sum eg kenni, komu inn til mín. Tað hoyrist jú so skjótt, hvør hevur vunnið. Grannarnir komu inn í gong­ina, beint tá eg var komin ígjøgnum, og teir stóðu har, meðan eg snaraði. Tað var ball fallera til tann ljósa morgun við sjampanju, øli, víni, bommi og øll­um. Eg fari ongantíð at gloyma handan Sjómannadagin, sigur Súsanna Dahl Jacobsen. Fingið ting, hon altíð hevur ynskt sær Pengarnir komu ordiliga væl við hjá henni. Hvør króna skuldi ikki longur vendast, og hon slapp frá at hugsa um at kanna banka­ kontuna allatíð fyri at hyggja, um har var nakað á. - Áðrenn mátti eg ofta siga nei til alt møguligt orsakað av penga­mangli, men tað bleiv broytt, tá eg vann gekkin. Nú kundu vit for­skelligt, sum vit ongantíð høvdu kunnað áðrenn. Eg havi fingið ymiskt, sum eg altíð havi ynskt mær, m.a. nýggjan køk, stóra altan við dupulthurð, vindeygu, nýggjar møblar og bil. So havi eg eisini hjálpt børnunum við at gjalda ymiskt hjá teimum. Hon hevur ikki brúkt alt upp enn, men hon veit, hvat tað skal brúkast til. Hon heldur tó, at hon hevði gjørt øðrvísi av, um hon hevði vunnið í dag. - Tað er so óveruligt at eiga so nógvar pengar. Hevði eg vunnið nú, hevði eg nokk hugsað meg betur um og brúkt pengarnar øðr­vísi. Kennir kensluna hjá øðrum gekkavinnarum Súsanna spælir enn javnan gekk, og hon hevur verið nær við at vunnið tvær ferðir síðan. Fyri trimum vikum síðan fekk hon fulla plátu, men slapp ikki ígjøgnum. Hon hevur ongantíð verið nær við at vunnið nakað fyrr. Eitt annað fríggjakvøld hevði hon røttu endatølini, men slapp heldur ikki ígjøgnum. Henni dámar væl at spæla gekk og følir hvørja ferð við teim­ um, sum vinna, tí hon veit, hvussu tað kennist. - Eg hugdi við, tá Gekkurin á 3,4 milliónir fór 3. august. Eg kendi hasa kensluna aftur - mann flýgur langt omaná. Hatta er simpulthen so vell. Mann følir við teimum, sum vinna, og eg verði so glað teirra vegna, tí eg veit, hvussu tey hava tað, sigur Súsanna Dahl Jacob­sen. GEKKAMILLIÓNINGARNIR Tríggir gekkamillióningar greiða frá, hvussu tað var hjá teimum at knappliga gerast millióningar