hósdagur 9. august 2018síða 18

FRÍGGJADAGUR 10. AUGUST 2018 SOSIALURIN 91 18 GEKKURIN: Gekkamillióningar Sunrid Nielsen úr Sandavági vann 1,2 millión - Hetta broytir ikki meg - Hetta broytir ikki meg. Men tað ger alt so nógv lættari. Eg havi eini eldri hús, sum treingjast til at gerast í stand, so tað rokni eg við, at tað mesta verður brúkt til. Og so vænti eg, at ein partur fer til børnini og ommubørnini. Eg fari ið hvussu er ikki út at ferðast, sigur 80 ára gamla Sunrid Nielsen PÆTUR HJALMAR EVENSSON S unrid Nielsen og mað­ ur hennara, Hans Arni Nielsen, hildu 29. juni í ár føðingardag í Gása­dali. Hans Arni fylti 85 ár tað fríggja­ kvøldið, og í tí sam­bandi­num vóru tey 18 fólk samlað í Gása­ dalsgarðinum, og tey spældu øll gekk við tilsamans 85 gekka­ seðlum. Gekkurin var á 3,6 milliónum, sum er størsta gekkaupphædd nakran­tíð, og Sunrid Nielsen slapp ígjøgnum. Hon valdi at deila gekkin upp, soleiðis at 1,2 millión kom í hvønn leypin. Tey snaraðu fyrstu ferð, og tá steðgaði hjólið á 20.000 krónum, sum kundi tíggju­faldast til 200.000 krónur. So spent sum tey vóru í Gásadali, hildu tey áfram, og tey endaðu so á tí gula leypinum. - Eg haldi ikki, eg fataði, at vit høvdu vunnið nakað, fyrr enn øll hini byrjaðu at rópa. Øll vóru so øgiliga spent, sigur Sunrid, sum altíð hevur hildið, at tað var ógjør­ ligt at vinna í gekkinum. - Tað var so óveruligt, tí eg havi altíð sagt, at tað ikki ber til at vinna í gekkinum. So eg føli hatta akkurát sum eina ordiliga gávu, greiður hon frá. Tað var dóttirin, Solveig Leon­ son, ið ringdi inn fyri mammu sína og snaraði hjólinum. Fyri hana var hetta eisini ein heilt ser­ lig uppliving. - Øll vit í Gásadalsgarðinum stóðu uppi, og har var ýlan og rópan. Tað var heilt óveruligt, og hetta var eitt kensla, eg ongantíð fyrr hevði følt í kroppinum, sigur Solveig Leonson. Fleiri serlig dømi Okkurt týðir á, at tað loysir seg at keypa 85 gekkar. Tí hetta fríggja­ kvøldið komu tey í Gása­dali nevniliga tvær ferðir ígjøgnum. Báðar ferð var tað Sunrid, ið átti vinnaraseðilin, og talan var enn­tá um tveir ymsar seðlar. Øll 18 fólkini ringdu inn, og enn einaferð vildi tilvildin, at tað skuldi vera dóttirin, Solveig, ið slapp ígjøgnum báðar ferðir. - At vinna tvær ferðir sama kvøld er nokkso serligt. Tað var undarligt, at hon skuldi sleppa ígjøgnum báðar ferðir, so hatta var øgiliga heldigt, helt eg. Sum­ mi hildu, at tað mátti vera okkurt serligt við telefonini hjá henni, sum gjørdi, at hon slapp ígjøgn­ um, sigur hon. Sunrid Nielsen sigur, at gekka­ vinn­ingurin fer ikki at broyta uppá hana uppá nakran máta. Hon hevur eisini gjørt av, hvat pengarnir skulu brúkast til. - Hetta broytir ikki meg. Men tað ger alt so nógv lættari. Eg havi eini eldri hús, sum treingjast til at gerast í stand, so tað rokni eg við, at tað mesta verður brúkt til. Og so vænti eg, at ein partur fer til børn­ini og ommubørnini. Eg fari ið hvussu er ikki út at ferðast, flenn­ir hon. Fríggjadagin 10. august fyllir Sunrid Nielsen 80 ár, og tá gongur leið­in aftur í Gásadalsgarðin at halda rundan føðingardag. Tey ætlaðu at royna eydnuna aftur og keypa 80 gekkar til føðingardagin, men nú tá Gekkurin fór síðsta fríggjakvøld, verður talan nokk ikki um so nógvar gekkar. Sunrid Nielsen við vinnaragekkinum og Hans Arni Nielsen MYND: JÓANIS NIELSEN