mánadagur 13. august 2018síða 4

Mánadagur 13. august 2018 · Nr. 92 4 Sosialurin Hugskot og viðmerkingar – send sms til 225000 HER ER ÓTRYGT AT BÚGVA Grannarnir hjá Glasi óttast eina vanlukku, um tey fáa tørv á sjúkrabili ella sløkkiliðsbili onkran dagin. Tey óttast, at nógvu bilarnir, sum hoyra til á Glasi, fara at forða ferðsluni í grannalagnum. Danjal av Rana 330 p-pláss til 1700 fólk. Tað er støðan úti í Marknagili, nú næm­ ing­arnir fáa fyrsta skúladag á Glasi seinni í vikuni. Komandi tíðina fer Bónus eisini at lata ein handil upp, síðani fer Musikkskúlin á Landavegnum undir sítt virksemi og í 2020 verður fyrsti parturin av skúlanum á Fløtum væntandi tikin í nýtslu. Alt í alt er talan um eina rúgvu av virksemi, nógv fólk – men sera fá parkeringspláss. Grannarnir fingu eisini ein for­smakk upp á ruðuleikan, sum væntar teimum, tá almenn mót­ tøka var á Glasi hósdagin, í sam­ band við at Landsverk handaði Menta­mála­ráðnum bygningin. Á sosialu miðlunum floymdi yvir av myndum av Glasi bæði inn­ an og uttan og vanligu miðlarnir gjørdu eisini nógv burtur úr, við bæði samrøðum og myndarøðum. Gøturnar fullar av bilum Aðrar, minni hugaligar myndir vóru eisini at síggja úr Marknagili hendan dagin. Tað vóru grannarnir hjá nýggja skúlanum, íbúgvarnir und­ir Fjalli, undir Gráasteini og á Dánjalstrøð, sum løgdu myndir av sínum gøtum út á sosialu miðl­ arnar. - Vónandi fáa vit ikki brúk fyri sjúkrabili ella sløkkiliðsbili í dag, skrivar ein granni, saman við eini mynd av Dánjalstrøð, sum vísir, at bilar eru parkeraðir á báðum síð­ um. Støðan er hin sama undir Fjalli og undir Gráasteini. Barbara Sigrid Rubeksen býr undir Fjalli. Hon er eisini ør­ kymlað av støðuni. Hon greiðir frá, at hendan dagin stóðu bilar park­eraðir á báðum síðum allan veg­in inn eftir gøtunum Undir Gráa­steini, Fjalstúni, Fjalsgøtu og Dánjals­trøð, sum eru gøturnar nærm­ast Glasi. Og hetta hóast øll tey gott 300 p-plássini á Glasi blivu brúkt. - Her búgva hundraðtals fólk í økinum, men tað hevði verið sera torført at fingið sjúkrabil ella sløkki­liðsbil fram at øllum hús­ un­um í grannalagnum. So vit føla okkum ótrygg. Óttast eina vanlukku Umframt øll sethúsini liggja bæði sambýlið og barnagarður í økinum, greiðir Barbara Sigrid Rubeksen frá. - Vit óttast, at onkur vanlukka fer at henda her, áðrenn viður­skift­ ini koma í rættlag, sigur hon. Hon sigur, at eigarafeløgini hava havt samband við kommununa um støðuna, men - Vit føla okkum eitt sindur sett til viks og ikki tikin upp á ráð. Hetta byrjaði longu, tá byggingin byrjaði, tí tá blivu parkeringsplássini utt­anfyri skúlaheimið tikin til byggiplássið. Heitt var á næm­ing­ arnar, um ikki at taka bil við í skúla, men vit merktu beinanvegin, at tey byrjaðu at seta bilarnar í gøtunum hjá okkum, sigur hon. Hon vísir eisini á, at alt hetta økið hevur bara eina innkoyring,