mánadagur 13. august 2018síða 15

15 Mánadagur 6. januar 2014 · Nr. 2 Sosialurin Mánadagur 13. august 2018 · Nr. 92 Hugskot og viðmerkingar – send sms til 225000 1. deild: Leygardagurin fer at hava stóran týdning fyri vánirnar hjá toftamonnum at flyta upp FÓTBÓLTUR NÚ ERU TVEY Á UPPFLYTINGARPLÁSSI Jóannes Hansen Tveir triðingar av kappingini í fyrstu deild eru avgreiddir. Støðu­ talv­an vísir, at KÍ er topplið, at ÍF er næstfremst, og at B68 er á triðja plássi. Um røðin verður tann sama við kapp­ingarlok, sum hon er nú, so verða tað tvey lið fleiri úr Eysturoy í fremstu røð næsta ár, enn tað eru í ár. ÍF og B68 hava kós ímóti upp­ flyt­ing, og tað ber við sær – um røð­in í bestu deildini verður tann sama við kappingarlok sum hon er nú – at bæði AB og 07 Vestur fara at flyta niður. Tað vil siga, at møguleiki er fyri, at seks av teimum tíggju í bestu deild­ini næsta ár vera úr Eysturoy – ÍF, Víkingur, NSÍ, B68, Skála og so EB/Streymur. Í ár eigur EB/Streym­ ur heimavøll í Hólmanum á Eiði. Ætlanin er, at heimavøllurin næsta ár verður við Margáir. At siga at Eysturoy fer at eiga seks lið í bestu deildini næsta ár – um endarøðin verður tann sama í toppi­num í næstbestu deildini sum hon er nú – er harvið ein sannleiki við modifikatiónum, men tað kann ikki sigast annað, enn at Eysturoy er framúr fótbóltsoyggj. Fuglfirðingar bastu grannunum Uttan mun til um tað eru bestu lið­ini, um tað er í bestu ella í næst­ bestu deildini, ella um tað er næst­ besta liðið ímóti besta liðnum, so kenn­ist tað bæði í Fuglafirði og í Eystur­kommunu sum nakað ser­ ligt, tá ið ÍF og Víkingur bresta saman. Leygardagin vóru teir næstbestu í Eysturkommunu innanfyri Varma­keldu­eið og dystaðust ímóti ÍF. Longu áðrenn fyrri hálvleikur var hálvrunnin vóru øll málini skor­að. ÍF vann 2-1. Veteranurin Jan Ó. Ellingsgaard skoraði bæði ÍF mál­ ini. Tað er merkisvert, at Jan nú er topp­skjútti í næstbestu deildini. Undan­farin ár hevur hann fyri tað mesta verið vongverji og onkuntíð mið­verji – fyrsti og fremst í barn­ dóms­felagnum og í fjør í NSÍ. Í ár er hann verið álopsspælari, og tølini siga, at tað roynist heilt væl. Í síðsta triðinginum eigur ÍF fimm heimadystir. ÍF er seks stig framman­fyri fjórða plássið, sum fugl­firðingar skulu halda seg oman­fyri, um teir skulu flyta upp. Leygar­dagin eigur ÍF heimavøll ímóti teimum næstbestu hjá HB, og annan september skal ÍF út á Toftir, har B68 fimta mai vann 6-1. Tá sá tað ógvuliga svart út fyri, at dagsskráin í Fuglafirði seinni á árinum skuldi snúgva seg um upp­ flyting. Soleiðis er støðan nú, og tað er als einki forgjørt í tí, um leiðslan í Fugla­firði nú fer at fyrireika stóru av­bjóðingina næsta ár at standa seg í fremstu røð. B68 styrkti sína støðu Tað tók sína tíð, men at enda eydn­ aðist tað hjá B68. Suðringar vóru fríggjakvøldið gestir á Svanga­ skarði. Gestirnir vóru knáir, og tað bar við sær, at ein heilur tími fór, áðrenn heimafavorittarnir fingu bilbukt við Suðringar. Inntil tað restaðu tveir minuttir, vísti mál­ talvan 1-0. Síðstu løtuna sleptu Suðr­ingar í verjupartinum í roynd at javna. Tað eydnaðist ikki, og eftir lítlari løtu skoraði B68 tvey mál. 3-0 sær út at vera sannførandi sigur, men tað var væl teprari enn so. Eftir átjan umfør er B68 á upp­ flytingarplássi. Størsta forðingin, fyri at tað skal eydnast B68 at flyta upp, er næstbesta NSÍ liðið, sum er tvey stig aftanfyri B68. Leygardagin hittast B68 og NSÍ á Toftum. Higartil í ár hava grannarnir dystast tvær ferðir, og í báðum førum er tað endað við heimasigri. B68 vann 1-0 á Svanga­ skarði, og NSÍ vann 2-0 við Løkin. Tepur toppdystur Longu hóskvøldið var fyrsti dysturin í átjanda umfari. Toppliðið KÍ hevði vitjan av NSÍ, sum undan upp­gerðini var á bronsuplássi. Talan var um fínan festivaldyst, sum heimaliðið vann 2-1. Sigurs­ málið skoraðu klaksvíkingar, tá ið tað restaðu tveir minuttir. Merkisvert var tað, at tað vóru nógvir spælarar á vøllinum, sum eisini hava átt lut á besta liðnum. Hjá KÍ var talan um Meinhardt P. Joensen, Kristoffur Jakobsen og Hjalgrím Elttør. Sørmundur Kalsø, sum inntil fyri einum ári síðani var fastur maður á høgra vong­verja, var í miðverjuni saman við Henry Heinesen. Sørmundur er heima í summarfrí frá lestrinum á flat­ londum. Óli Eyðsteinsson Poulsen varð skiftur inn, og tað var hann, sum skoraði sigursmálið. Á NSÍ liðnum vóru eitt nú Jóhan Troest Davidsen, Einar Tróndar­ gjógv, Jann Benjaminsen, Magnus Olsen, Jann Martin Mortensen, Mórits Heini Mortensen og Andri Benjam­insen. Sær ljósari út hjá Giza Tað hevur leingi sæð heilt svart út hjá Giza Hoyvík. Liðið er framvegis undir niðurflytingarstrikuni, men eftir 3-1 heimasigur ímóti B71 sær tað frægari út. Undan leygardegnum hevði Jónas Haraldsen, sum er upp­ vaksin í HB og undan hesum kapp­ ingar­árinum flutti til Giza Hoyvík, ongan­tíð skorað fyri nýggja felagið. Leygar­dagin var hann tvífaldur mál­skjútti. Tað eru fýra stig og verri málmunur hjá Giza Hoyvík at vinna seg framum Skála. Innanhysis dyst­ urin millum hesi bæði liðini verður í triði síðsta umfari á Skála. Skálamenn vóru í høvuðs­stað­ num leygardagin og dystaðust við teir næstbestu hjá HB. Úrslitið var 2-2. 1. deild menn støðan NR. LIÐ DYSTIR VUNNI JAVNT TAPT + MÁL - MÁL +/- STIG 1 KÍ II 18 14 3 1 50 18 +32 45 2 ÍF 18 12 3 3 60 30 +30 39 3 B68 18 11 2 5 40 24 +16 35 4 NSÍ II 18 10 3 5 50 27 +23 33 5 Víkingur II 18 8 1 9 27 30 -3 25 6 B71 18 7 0 11 34 45 -11 21 7 HB II 18 5 4 9 29 27 +2 19 8 Skála II 18 5 3 10 30 38 -8 18 9 Giza Hoyvík 18 3 5 10 21 36 -15 14 10 TB/FCS/Royn II 18 1 4 13 15 81 -66 7 Kelda: faroesoccer.com KÍ – NSÍ 2-1 (1-1) 0-1: Jann Benjaminsen 9. 1-1: Eivin Sørensen 22. 2-1: Óli Eyðsteinsson Poulsen 88. ÍF – Víkingur 2-1 (2-1) 1-0: Jan Ó. Ellingsgaard 7. 1-1: Magnus Heinason 19. 2-1: Jan Ó. Ellingsgaard 20. B68 – Suðringar 3-0 (0-0) 1-0: Óli H. Olsen 61. 2-0: Otto Reinert Petersen 89. 3-0: Óli H. Olsen Giza Hoyvík – B71 3-1 (2-0) 1-0: Ahmed Keita 1. 2-0: Jónas Haraldsen 24. 3-0: Jónas Haraldsen 49. 3-1: Johan Hendrik Lydersen 53. HB – Skála 2-2 (1-1) 0-1: Jóhan Johansen 10. 1-1: Daniel Johansen 15. 2-1: John Frederiksen 15. 2-2: Jóhan Johansen 56. 19. umfar Leygardagin 18. august ÍF – HB Víkingur – Giza Hoyvík B68 – NSÍ Skála – KÍ B71 - Suðringar Máltindurin Jan Ó. Ellingsgaard ÍF 13 Tijani Mohammed B71 12 Steffan Løkin NSÍ 10