mánadagur 13. august 2018síða 16

Mánadagur 13. august 2018 · Nr. 92 16 Sosialurin Hugskot og viðmerkingar – send sms til 225000 Pætur Albinus Tað var ein kensla av vónbroti um flest allan Tórsvøll, tá ið U17-lands­ liðið hjá Kina hósdagin í síðstu viku legði seg á odda 1-0 ímóti U17-lands­ lið­num hjá Føroyum í NM-kapping á Tórsvølli, har Kina var sloppið við sum gestaland. Teir lágvaksnu og kviku kinesararnir høvdu ligið fram­við fleiri ferðir, og stutt eftir hálv­leikssteðgin fingu teir hol á. Xiangyu Tian smeyg sær inn um før­oysku verjuna og legði gestirnar á odda 1-0 til stóra gleði, ikki einans fyri kinesisku leguna og teirra fáu áskoðarar, men eisini nakrar før­ oy­ingar. Nøkur mundu nevniliga varnast, at tað eisini komu lógvabrestir frá nøkr­um føroyskum áskoðarum tá ið Kina skoraði. Tað var tað ein serlig orsøk til. Í Føroyum er nevniliga ein felags­ skapur, ið kallast Kinavinir, og um­ boð­ini í hesum felagsskapi fegnast tá ið tað gongur væl hjá vinunum úr Kina. Tað gjørdu eisini tær tríggjar úr Kinavinir-nevndini, Anna Maria Wraae, Annika Mouritsen og Judith Marjunardóttir Guttesen, sum vóru á Tórsvølli og hugdu at dystinum. Í evstu løtu javnaðu Føroyar til 1-1, og tískil kann sigast, at tær tríggjar før­oysku við kenslum fyri Kina fingu í posa og sekk. - Anna Maria helt nokk meira við kinesiska liðnum, kanska tí hon sjálv hevur umboðað Kina tvær ferðir á Tri Campus Games, ið University of Nottingham skipar fyri hvørt ár. Judith var diplomatisk og helt við báð­um liðum og var tí sera væl nøgd við javnleik. Annika er altíð glað tá før­oy­ingar klára seg væl, men vildi eisini, at tað skuldi ganga væl hjá Kina. So alt í alt eru vit væl nøgdar við javnleikin, greiða tær frá. Tá ið avtornaði endaðu Føroyar numm­ar seks í kappingini, meðan gestir­nir úr Kina endaðu aftast av teim­um átta liðunum. Søgan Kinavinir hava hálvtannað ár á baki sum felagsskapur. Limirnir í Kina­vinum eru bæði føroyingar, sum hava lisið í Kina, kinesarar, sum búgva í Føroyum og onnur við áhuga fyri Kina - eitt nú fólk, ið hava ferðast til Kina ella verið í Kina í longri ella stytri tíðarskeið í arbeiðs­ørindum. Felags fyri øll er tó til­knýti til- og/ella áhugi fyri Kina. Ein av stovnarunum av felags­ skapinum var Jóhanna Magnusar­ dóttir, sum eisini er forkvinna. - Vit boðaðu til stovnandi aðal­ fund í februar 2017, og var undirtøkan avbera góð. Síðani hevur felagið havt nøkur sosial tiltøk við eitt nú kinesiskum mati, frágreiðingum frá Kina og pubquiz, har spurningarnir vóru um Kina og kinesisk viðurskifti, greið­ir forkvinnan Jóhanna frá. - Vit merkja, at tað er áhugi fyri felagnum, kanska mest millum før­ oyingar, ið av onkrari orsøk hava til­knýti, ella bara áhuga í Kina. Vit hava eini 20 limir harav umleið ein fjórð­ingur eru kinesarar, men nógv fleiri, ið siga seg vera áhugaði í at gerast limir. Summi hava áhuga í mentan­arligum ella vinnuligum sam­starvi og onnur hava lisið ella ar­beitt í Kina, ella hava kinesiskan maka. Eisini hava vit kinesiskar limir, sum sjálvandi eru áhugaðir í at geva okk­um føroyingum eina fjølbroytta og neyva mynd av landi teirra, greið­ir ein annar Kinavinur, Judith Marjunardóttir Guttesen, frá. Jóhanna Magnusardóttir lesur í Kina. Í 2013 var hon saman við sjeiki sínum fyrsti føroyingur, sum las í Kina. Tær í nevndini hava allar havt tilknýti til University of Nottingham í stórbýnum, Ningbo, har Judith Marjunardóttir Guttesen í fimm ár starv­aðist í umsitingini. Í 2013 var Judith í Føroyum fyri at upplýsa um møguleikarnar at lesa í Kina, og tvey ár seinni vóru átta føroyingar undir lesnaði har. Tað er tað hægsta talið á føroyskum lesandi í Kina, sum Kinavinir vita um. Tey halda, at talið síðani hevur verið umleið fimm lesandi hvørt ár. Seinasta árið Judith var í Kina, í 2016, las hon mandarin fulla tíð, og eftir hetta flutti hon heim aftur til Føroya. - Eg eri ómetaliga glað fyri at vera flutt aftur til Føroya, men aftaná at hava búð í Kina í seks ár kemst ikki uttanum, at ein saknar tað eitt sindur. Tað er serliga vinirnir, men eisini málið og tað at vera millum kinesarar sum heild, sum eg sakni. Við Kinavinum føli eg, at eitt lítið petti av Kina er komið til Føroya, og tað er áhugavert og spennandi at vera partur av, sigur Judith. Avbjóðingin Tað er óivað ein stór k o l l v e l t i n g at ríva t e l tp e l a r n a r upp úr tryggu Føroyum og flyta til hin endan av heimi­num. Judith, sum hevur búð seks ár í Kina, viðgongur eisini, at tað er heilt øðrvísi at búgva har um leiðir. - Fyri mítt viðkomandi var tað mest avbjóðandi í byrjanini, at tað var so ringt at fáa fatur á vanligum vesturlendskum vørum sum ost, breyð og smør, og tá ein so endiliga fann tað, var tað ómetaliga dýrt. Tað bleiv tó við árunum nógv lættari at fáa fatur á, men dýrt var tað altíð. Eisini helt eg tað vera sera løgið, at kines­arar ikki drekka kalt (niðurkølt) vatn, sjálvt tá tað eru nærum 40 stig uttan­fyri. Men tað venur ein seg við og til endans drakk eg heldur ikki kalt vatn, sigur Judith og peikar á, at tað sum vera man eisini er munur á fólka­sløgunum. - Teir flestu kinesararnir, sum eg kenni, hava ein øgiliga sterkan kines­iskan samleika, sum illa ber til at gerast partur av, um man ikki er føddur kinesari. Men annars eru kines­arar sum flest onnur fólk, tá ein kemur at kenna tey. Tey eru eins ymisk sum vit sjálvi eru tað. Sjálvsagt eru stórir mentanarmunir, men ein hevur lyndi til at gloyma teir, tá man hevur búð har eina tíð, sigur Judith. Fordómarnir Jóhanna Magnusardóttir heldur eisini, at tað var eitt sindur trupult at koma upp á pláss í Kina, men hetta lagaði seg við tíðini, og nú trívist hon væl. - Tað er ógvuliga gevandi, áhuga­ vert og øðrvísi at lesa í Kina. Tað var eitt sindur trupult at fáa øll tey prakt­isku viðurskiftini sum studning og sovorðið upp á pláss, tá eg fór til Kina at lesa fyri fimm árum síðani, men hetta tykist hava verið lættari hjá teimum, ið eru byrjað eftir meg, hóast tað enn kann vera roksutt. Tó veit eg ikki um nakran, sum hevur møtt so stórum trupulleikum, at teir ikki hava verið til at loysa so ella so. Fleiri okkara, sum hava lisið í Kina, hava ikki bert fingið innlit í kinesiska ment­an og mál, men eisini lært um heilt aðrar mentanir og hættir at skipa samfeløg uppá frá okkara vin­ fólk­um kring heimin, sum eins og vit eru komin til Kina at lesa, sigur Jóhanna. Hon heldur ikki, at fólk skulu lata seg óttast av at ferðingin er drúgv. - Tað kann tykjast ógvuliga langt og fremmant at fara til Kina, men tá tú hevur verið har einaferð, so er tað ikki eins torført at fara aftur. Flogfør flúgva beinleiðis úr Keypmannahavn U17 NM: FÓTBÓLTUR FØROYINGAR STUÐLAÐU KINA Tað var óvæntaður føroyskur stuðul sum Kina fekk, nú stóra asiatiska landið sum gestur luttók í NM-kapping fyri U17-landslið í Føroyum. Nakrar føroyskar kvinnur frá felagsskapinum Kinavinir hildu ikki einans við Føroyum – nei, tær hildu eisini við Kina