mikudagur 17. november 2004síða 6

10 Nr. 220 - 17. november 2004 Nr. 220 - 17. november 2004 11 Tað gongur ikki, sum stuðlarnir hjá Bush í Europa hava vónað, nevniliga at Bush fer at leggja seg eftir einum meira hóvligum politikki. Sum kunnugt hildu nógvir eygleiðarar her í Europa og eisini her í Føroyum, at nú Bush hevði tryggjað sær valdið eitt skeið afturat, so fór hann at reka ein meira miðjusøkjandi og hóvligan pol- itikk. Men tær tilnevningar, ið Bush higartil hevur framt, hava bent á ein enn meira konservativan og harðrendan politikk í komandi skeiði, enn rikin varð í fyrra for- setaskeiði. Fyrst tilnevndi Bush tann ill gitna dómaran Gonzales til løgmálaráðharra. Gonzales var fremsti ráð- gevi hjá Bush í spurningum um at náða deyðadømdar fangar, tá Bush var guvernørur í Texas. Sum kunnugt fann eingin deyðadømdur nái, og vóru 150 fólk, her ímillum kvinnur og ósek fólk tikin av døgum í guvernørtíð Bush í Texas. Nú átti so Powell, uttaríkisráðharri tørn. Powell skarar framúr á mangan hátt. Hann er ein av teimum fáa afro- amerikanunum, ið er komin heilt upp á tindarnar í síni starvsleið. Hann var verjuovasti í fleiri ár og sostatt eisini undir Flógvakrígnum. Powell hevur verið trygdin fyri einum nøkunlunda hóvligum uttanríkispolitikki. Tað hevur leingi verið kalligt millum Powell og bólkin av ráð- gevum hjá eldra Bush, ið flykkjast kring yngra Bush. Tað er alkunnugt, at Romsfeldt, verjumálaráðharri leingi hev- ur verið ósamdur við Powell um uttanríkispolitisku kós- ina. Powell var ímóti álopinum á Irak og hann hevur verið heitur talsmaður fyri, at USA skjótast skuldi koma til sættis við Europa. Sum heild stendur Powell hóast sína hernaðarligu fortíð fyri einum uttanríkispolitikki, har politiskar loysnir verða tiknar fram um hernaðarligar loysnir. Powell stendur ómetaliga høgt í metum í USA og kring allan heimin. Men hann er viknaður nógv politiskt, meðan heykarnir kring Bush eru vorðnir sterkari. Powell hevur ikki megn- að at koma á mál í Miðeystri og viðurskiftini við Europa eru verri enn nakrantíð. Hann hevur tí ásannað, at hans- ara hóvligi og semjusøkjandi politikkur í roynd og veru ongan møguleika hevur í næsta forsetaskeiði. Hann hevði bert verið ein kransakøkufigurur, um hann helt fram, og tað hevur hann ongan hug til. Alt bendir á, at Condolezza Rice fer at loysa Powell av. Hon er kend fyri síni harð- rendu sjónarmið og hon er ein av teimum, ið hevur ráð- givið Bush út í iraksku vanlukkuna. Fráferð Powells er ikki gott fyri umdømið hjá Bush úti í heimi. Hinvegin er lítið at ivast í, at Bush leggur lítið í hetta. Hann leggur lítið í sítt umdømi millum europæ- iskar statsleiðarar og friðarfólk. Hann hevur jú alt vald í USA og í Europa hevur hann Blair, sum er hin mest trúfesta sameindi av øllum. Hesa mynd hevur heimurin sæð áður. Ein amerikanskan forseta, sum leggur líka í Europa bert hann hevur Bretland við sína lið. Men sum frá líður,er hetta ikki gott fyri heimin. Tað er stórur vandi fyri, at ein enn meira harðrendur politikkur bert fer at økja um spenningin millum muslimar og vestur- heimin. Í miðeystri fer USA framvegis bara at lata standa til og vápnaídnaðurin fer at fáa enn meira ávirk- an á uttanríkispolitikkin. Samantikin ein framtíðar- mynd við nógvum vandum og hóttanum. Tað er ikki gott fyri heimin. DAGSINS MEINING Sosialurin Exit Powell VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Tóki Højgaard toki@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Teresa Jensen teresa@sosialurin.fo Hjørdis Gregersen hjordis@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Magnus Gunnarsson maggi@sosialurin.fo Páll Holm Johannesen pall@sosialurin.fo Terji Nielsen terji@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 228909 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Føroyaprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Føroya Val fekk egið undirgravingarvirksemi aftur í gráðum kálvskinni Petur S. Johannessen Vágur Ikki sørt undirritaði kann smílast, at tí, sum formaður í Sambandsflokkinum Kaj Leo nevnir ein glantrileik, nevniliga samgonguskjølini til komandi býráðssetu í Tórshavnar kommunu, tá ið eg hugsi um tann leiklut Føroya Val hevði saman við Løgmanni, Alfred Olsen og einum býráðslimi í Klaks- vík o.ø., sum fekk tað av- leiðing at Johan Dahl bleiv frákoyrdur sum fiskimála- ráðharri av løgmanni, sum segði at avgerðin var polit- isk, eg meti at løgmaður ikki hevði tort at koyrt Joh- an Dahl frá, um Sambands- tingmennirnir stóðu saman, men so var ikki, Føroya Val við Hegin Mortensen og hinum býráðslimunum vildi hava Johan Dahl frá fyri ein hvønn prís, Beata L. Samul- sen segði at Johan Dahl skaddi flokkin og vildi hava hann úr flokinum, her var talan um beinleiðis álop á okkara landsstýrismann, frá lokalpolitikarum, væl stuðl- aði av ávísum tingfólkunum Sambandsfloksins í suður- streymi. Tað er ikki so løgi at tað akkurát er Føroya Val, sum at kalla hevur spælt fallit, tí hendan sama (skitna) met- oda fekk sjálvan løgmann at koyra Johan Dahl frá, og í tí sum sjálvur formaðurin í Sambandsflokkinum sigur "glantrileikinum" er bert Sjuman Hjaltalin ikki leik- maður meira, og hvat er lættast at gera, tað er at nýta kendar og effektivar metotir, sum hava víst seg at verða sera álítandi, einaferð enn, men komu hesi leikfólk sjálvi at kenna sviðjan av gjørdum gerðum hesaferð. Hví bleiv Bjarni Djur- holm ikki koyrdur frá av løgmanni orsaka av polit- iskum áðum, eftir at tað vísti seg at førdi alipolitikk- urin hjá vinnumálastýrinum var útavlagi vánaligur, jú orsøkin er einfald, tað hevði Fólkaflokkurin ikki góðtik- ið, og fylgjurnar kunnu vit lætt hugsa okkum til. So ikki kann eg annað enn smílast, hetta er sannur sambandspolitikkur tá ið hann er ringast, og tit í Før- oya Val saman við Alfred Olsen og Hegin Mortensen o.ø., løgdu lunnar undir hesa eftir mínum tykki ómannsligari leiklist, men at fortíðin innheintar hesi leik- fólk í tí sokallaða glantri- leiki, er sjón fyri søgn. Vónandi kann floks- leiðsla Sambandsfloksins, syrgja fyri at vit í Suðuroy framyvir eisini hava rætt til at fáa landsstyrismann, ser- liga tá ið vit vita at hann er rætti maðurin til sessin, tað er umráðandi at hava røttu fólkini at manna lands- stýrið. Heri Mohr Úrslitið av kommunuvalin- um í Havn var ikki meira enn kunngjørt, - og songar- tíð var hjá flest øllum at- kvøðunum, - so skøddu tey 13, sum fara at mynda bý- ráðið tann 1. januar 2005, seg í ljóðleysar sykofant- skógvar, og í fríggjarakvirru fóru hesi 6 pørini og ein stakur í óunniligan para- dans, sum valla er troðin áður í Føroyum. Har varð kínt, og har varð teskað, og sum vituligt er, í slíkum løtum er eingin opinleiki. Hann, tann politiski opin- leikin, kemur ikki í myndina fyrr enn pørini og dompt- ørurin fara til verka í 2005. Hóast vit í Føroyum siga, at eitt orð er eitt orð, og ein maður er ein maður, og vit við føroyskari sjálvgleði syngja, at vit vilja ikki bróta orð, so er lítið at ivast í, at frá 1. januar 2005 fara hesi 13 at vísa somu vanvirðing fyri politiskum opinleika mótvegis teimum 10.549 atkvøðunum og borg- arunum í síni heild, sum kom til sjóndar úr myrkr- inum, so hvørt tað lýsti fyri degi tann 10. november. At sleppa maktgirnd og fáfongd so fullkomiliga og aldeilis úr teymunum, sum kom til sjóndar millum býráðslimir her í Havn, er ósømiligt og sera ómentað. Vónandi fara hini bý- og bygdaráðini aðrastaðni í Føroyum ikki at elta høv- uðsstaðin við slíkum sið- loysi, tí, har sum ein skriða er lopin, er (sum kunnugt) onnur væntandi. Týski rithøvundurin Hans Fallada (1893-1947) skrivaði bókina: Har man een gang spist af bliktall- erkenen. Fyri umleið 1970 árum síðani sótu 13 mans um eitt nátturðaborð, sum við svikaráðum fekk ógvuslig- ar avleiðingar. Fyri einum mánað síðani skrivaði Sjúrður Skaale, at Tórbjørn Jacobsen, løg- tingsmaður, kundi sammet- ast við tann ónda vesalingin Jago í Othello hjá Shake- speare, - ein sammeting, sum tann, ið hetta skrivar, finnur ræðandi. Men tá nú hesin Jago er drigin inn á pallin sum ræðumynd í før- oyskum politikki, so kundi tað verið áhugavert at vita, um Sjúrður Skaale, við støði í myrkaleikinum umrøddu nátt, dugir at ímynda sær hvørjir limir í Tórshavnar býráði anno 2005 hava sam- huga við jagoismuna, sum er at javnmeta við ljótt broddahár fløkt í fínum tráði til viðkvæma búnan, vit kalla: demokrati, fólka- ræði. Kommunuvalið 2004 Arnfinnur Thomassen Soleiðis tekur Jákup Dahl, slóðbrótarin mikli, til í kenda Tjaldurssanginum. Sum so mong onnur – báði fyrr og nú – var próst- urin um várið 1907 farin ein túr vestur á Vágseiðið. Heilsubót fyri likam og sál ein dimman várdag... Síðan er mangt hent – til tað betra. Gøta er komin um Vatnið, benkur eru sett- ir soleiðis, at fólk kunnu bukka beinini, njóta natúr- una.. og hvør veit, kanska ein sjáldsamur fuglur úr fjarum útlondum er mill- umlendur á einum kørgum oyggjarvatni. Nú ljóðar, at skúlabygg- ingin á hesum natúruvakra staði skal støðgast!? Nýbygging skal byrja í Hovi um nakrar tímar, dagar ella vikur!!!!!!???? Vælsignaðir!, tingmenn og landsstýrismenn! Vaknið! Latið ikki ta skomm koma yvir tykkum – og okkum øll – at eitt gapandi hol í Gjógvarábøi fer at verða minnisvarðin yvir samgonguna, sum m.a. segði seg hava sum enda- mál at gera okkurt við neyðina og elendigheitina í Suðuroynni! "Ì hesi sælu sparitíð" - Hava okur ráð at brúka milliónir at fylla uppí aftur eitt hol? Latið ikki skúlamálið í Suðuroynni enda sum hjá Heðíni Brú. Tá ið Niklas Niklái kom aftur til bygdar, var hann "uppaftur lurvut- ari enn áður"! Byggið fyri Guds skyld miðnámsskúlan har sum grivið er út – til okkara nýggja og fantastiska, før- oyska Suðuroyar framtíðar- skúla! Vilja mentamálaráðharrin og fleiri við honum hava ein depil, so gerið hann har! Har er ovmikið av nat- úruvøkrum plássi! At fara um kommunu- mark má eisini galda, tá ið tað ber suðuryvir! VIÐMERKINGAR Miðnáms- og heilsuskúli og røktarheim í Suðuroynni Jacob Vestergaard Landsstýrið og samgongan hava nú kunnað kommun- urnar í Suðuroynni um ætl- an teirra at byggja mið- náms- og heilsuskúla í Hovi og røktarheim í Vági. Hví landsstýrið og samgongan valdi fyrst at kunnað Vágs kommunu, og harvið skapa iva og óvissu um ætlanina, veit eg ikki, men tað var betur ógjørt. Hvar landið byggir skúlar í Suðuroynni er teirra av- gerð og hevur ikki so nógv við kommunurnar í Suður- oynni at gera. Trupuleikin í Suðuroynni er, at vit ongantíð hava tikið støðu til, ei heldur kjakast um, hvussu vit skulu skipa Suðuroynna á ymiskum økj- um. Vit hava ikki greitt tey yvirskipaðu viðurskiftini í Suðuroynni, og tí ikki lagt til rættis, hvar í oynni vit skulu byggja skúlar, al- mennar stovnar, hava vinnu- økir o.s.fr. Støðan er tann, at hvør hevur roynt at sæta sær sjálvum og sínum, og ikki hugsað um heildina. Skilið er hareftir. Kjakið í staðist hevur av hesi ætlan lands- stýrisins, vísir greitt hvussu støðan er. Hevði Suðuroyggin verið ein kommuna, høvdu vit sloppið undan hesum kjak- inum. Tá høvdu vit, í sam- ráð við borgararnar í oynni, havt lagt soleiðis til rættis, at vit vistu hvar í oynni skúlar, stovnar v.m. skuldu byggjast, og kundu bert víst landsstýrinum á staðið, har vit høvdu avgjørt, at bygg- ingin skuldi fara fram. Ætlanin við miðnáms- skúlanum er nú komin væl áleiðis, og sjálvur havi eg verið ivasamur um tað er rætt at broyta ætlanina nú, havandi í huga, at aðrar stórar skúlabyggingar eru í umbúna aðrastaðir í landin- um, men eg haldi at ætlanin hjá landsstýrinum er áhuga- verd, og tankin um ein skúladepil er skilagóður. Tað eru avgjørt fyrimunir við at byggja skúlarnar saman, og harvið høvdu eisini verið møguleikar fyri at flutt aðrar skúlar, t.d. útbúgvingina til heilsurøkt- arfrøðing, til Suðuroynna. Hvørki vágbingar ella tvøramenn missa nakað við, at skúlarnir verða bygdir í Hovi. Mest umráðandi er, at skúlarnir verða bygdir í Suðuroynni, og ikki hvar. Verður farið undir at byggja skúlarnar næsta ár, fer tað, saman við berghol- inum Hov-Øravík, at hjálpa uppá veksandi arbeiðsloysi í Suðuroynni.. Fyri undirritaða er tað líkamikið hvar í oynni bygt verður. Fjarstøðan millum bygdirnar í Suðuroynni er so lítil, at tað hevur ongan týdning hvar tú býr og hvar tú arbeiðir ella gongur í skúla. Støðan í Suðuroynni, við 7 kommunum, talar kanska fyri, at skúlarnir verða bygd- ir miðskeiðis í oynni. Tað er tó sera umráðandi, at øll oyggin verður tikin við, tá um framtíðar bygging ræð- ur, so allir borgarar í Suð- uroynni verða javntstillaðir, men hesum fæst ikki greiða á, fyrrenn øll Suðuroyggin verður ein kommuna. Ætlanin um at byggja eitt røktarheim á Vágseiði er eisini áhugaverd. Tá avgerð er tikin um at flyta mið- námsskúlan, eigur okkurt at koma ístaðin fyri, so íløgan, sum gjørd er á staðnum, ikki fer fyri onki. Landsstýrið og samgong- an áttu sjálvtsagt at lagt ein almennan stovn á Vágseiði, og harvið hildið lyftið um at flyta alment virksemið út um landið. So høvdu teir ikki havt fyri neyðini at tosa við kommunurnar í Suðuroynni. Ein almennur stovnur á Vágseiði kundi givið Suðuroynni nógv nýggj arbeiðspláss. Hví landsstýrið og sam- gongan bjóðar seg til at hjálpa suðuroyingum við einum "stovni", har suður- oyingar sjálvir fyrst skulu gjalda helmingin av íløg- uni, og síðan, um 2-3 ár, allan raksturin, skilji eg ikki rættuliga. Aðalreglan eigur at verða, at kommunalt sam- starv, eisini á eldraøkinum, skal spretta í kommunun- um, og ikki verða partur av einari ætlan, sum landið hevur fostrað. Hóast eg alla tíðina havi verið ímóti at kommunurnar hava gjørt íløgur í eldraøkið, er tað ein sannroynd, at kommunurnar, um alt land- ið, hava gjørt stórar íløgur í eldraøkið. Kommunurnar hava soleiðis, samstundis sum tær hava rópt um, at landið hevur lagt ov nógvar byrðar á tær, sjálvbodnar tikið byrðar á seg, sum landið eigur at bera. Henda samanblandingin hevur gjørt, at tað er rættu- liga ymiskt hvussu eldraøk- ið er útbygt, og eisini hvør tað er, sum hevur útbygt tað, land ella kommunur. Tað er møguligt at tað er brúk fyri einum røktar- heimi í Suðuroynni, men tað er ikki vist, at besta loysnin er at byggja dýr stovnspláss til tey eldru. Eldraøkið er er rættuliga fjøltáttað, og okkara gomlu hava tørv á nógvum ymisk- um tænastum. Tær útbyggingar, ella tey stovnspláss, sum eru framd- ar á eldraøkinum hava gjørt, at fleiri og fleiri almennar krónur verða brúktar á eldraøkinum, pengar, sum vit í Suðuroynni ongan lut fáa í. Fer Tórshavnar komm- unu so eisini at seta ferð á útbyggingarnar av stovns- plássum til eldri, verður enn verri í Suðuroynni. Eg vil tí heita á nýggju kommunustýrini í Suður- oynni um at taka val ímóti ætlanini viðv. røktarheimin- um, hesum "serliga" tilboði frá landsstýrinum, men samstundis ansa eftir, at eldraøkið ikki verður so rakstrarkrevjandi, at komm- unurnar ikki megnað upp- gávuna, verður eldraøkið lagt til kommunurnar at um- sita. Jákup Mørk Ítróttarskrivari á Sosialinum Í Oyggjatíðindum seinasta mikudag hevur Finnur Helmsdal drúgva grein um fótbólt í Vágum. Herundir viðgerð hann serliga trætuna, sum íkom eftir fyrra dystin millum SÍF og MB. Skal sum so ikki leggja meg út í, hvat Finnur heldur og skrivar, men tá talan í fleiri førum er um fullkomuliga skeivar upp- lýsingar, so kenni eg meg noyddan at koma við fylgjandi rættleiðingum. Adressan Finnur byrjar greinina við at siga, at Sosialurin á for- síðuni tann 5. november hevur skýrt allar teir, sum spældu fyri MB í dystinum seinasta mikukvøld »skommina í føroyskum fótbólti«. Og at hetta fær tað at síggja út, sum eru fótbóltsspælarar og -leiðarar úr Miðvági millum ringastu brotsmenn. Nakað líknandi sjónarmið havi eg eisini fingið fyrilagt frá aðrari síðu, og tí skal eg fyrst og fremst gera niðan- fyristandandi viðmerking. Tað, sum greinin snúi seg um, umfataði eina og aleina ítróttarliga framferðarháttin hjá MB til dystin. Talan var soleiðis ikki um nakra niðurgering av MB ella leikarum og leiðarum tess sum heild. Men eina og aleina ein staðfesting av, at framferðin á íróttarliga øk- inum til júst hesa uppgáv- una var undir lágmark. Hetta framgekk eisini týðuliga av samlaða forsíðu- tekstinum á blaðnum, eins og hetta varð staðfest í greinini. At tað eisini vóru onnur, ið mettu hetta mál sum ver- andi álvarsligt brot á lógir og reglur FSF’s, sæst helst eisini aftur í, at Kapp- ingarnevndin av sínum eintingum tók málið upp. Nakað sum er rættiliga óvanligt. Og enntá endaði málsviðgerðina við at geva MB bót fyri fram- ferðarháttin. Ólógligir leikarar Til spurningin um, hvørjir leikarar vóru ólógligir til dystin, sigur Finnur Helms- dal seg hava »greiðar ábendingar um«, at Rúni Olsen og Birgir Joensen ikki høvdu loyvi at spæla við í dystinum millum SÍF og MB. Her skal bara vísast á, at Rúni Olsen stóð á listanum, sum FSF hevði latið feløgunum yvir leikarar, sum tey kundu nýta til dystin. Birgir Joensen stóð ikki á hesum lista, men hann spældi so heldur ikki við í dystinum. Sektirnar úr vón og viti?? Soleiðis byrjar Finnur long- sta brotið í grein síni. Her vísir hann á, at FSF als ikki hevði heimild til at gera úrskurð í málinum, soleiðis sum hann varð gjørdur. Skal á ongan hátt stilla meg at halda nakra verju- røðu fyri FSF, men kenni meg tó noyddan at koma við fylgjandi rættleiðing- um. Tí kappingarreglurnar eru sera einfaldar á hesum økinum. Grein 39 í kappingarregl- urnum staðfestir, at Kappingarnevndin bæði kann geva bót og døma felagið at missa heimavøll í ein ella fleiri dystir. Hartil stendur eisini, at nevndin kann (og ikki skal!) døma felag at tapa dyst. Tað valdi kappingarnevndin ikki at gera í hesum førinum, tí mett varð, at SÍF við hesum vildi verið revsað fyri skeiv- an atburð hjá øðrum parti. Altso hevur kappingar- nevndin í hesum førinum greitt handlað eftir lógar- ásetingunum og hildið seg innan fyri tað spælirúm, sum hesar geva. Halt teg til bóltin Finnur Og so vil eg bara at enda koma við eini rættleiðing til Finnur, sum tíverri sjáld- an evnar at halda seg burtur frá persónliga planinum, tá mál skulu viðgerast. Heldur enn at fara eftir bóltinum, verður farið eftir mann- inum - eisini hesaferð. »...at Sosialurin rennur ørindi, m.a. fyri onkran, sum livir saman við einum av blaðmonnum teirra« kann neyvan skiljast sum annað, enn at formaðurin í SÍF verður løgd undir at standa aftan fyri greinina, sum stóð í blaðnum fríggjadagin 5. november. Kenni sjálvur ikki nakað til motivini hjá Finni at skriva soleiðis, men kann ikki annað enn staðfesta, at eg so ikki havi runnið ørindi fyri nakran. Hvørki í Sandavági, í Miðvági ella í Havn fyri tað. Havi hinvegin roynt at lýst málið út frá teimum fakta, sum fyriliggja í hesum. Viðmerking til Finnur Helmsdal Ein dagin mín sál var so vetrarstird, eg gekk mær mót havinum vestur.... Framhald á síðu 12 C M Y K 11 10