mikudagur 17. november 2004síða 10

Nr. 220 • mikudagur • 17. november 2004 • 78. árgangur • www.sosialurin.fo TB heldur í vónini Tað stóð nógv á hjá TB, sum um viku- skiftið vendi hóttandi tapið til tepran sigur FLOGBÓLTUR Jákup Mørk TB var favorittur, tá tær á heimavølli tóku móti Drátti um vikuskiftið. Fyri tað mesta hevur tað verið fat- anin millum manna, at TB og Mjølnir eru favorittarnir í bestu kvinnudeildini í ár. Og tó at TB tapti greitt fyri júst Mjølni, so varð ikki roknað við, at tær skuldu fáa nakrar serligar trupul- leikar av Drátti. Men tær fingu tó skjótt annað at síggja. Dráttur legði bragdliga fyri, og tó at talan var um sera jøvn sett, so megnaðu tær at taka sær av teimum báðum fyrstu settunum. Og við 0-2 á talvuni var so eisini lagt upp til eitt óvæntað tap á heimavølli hjá TB. Triðja settið gekk eisini javnt fyri seg. Dráttur royndi alt tað, sum tær vóru ment- ar, at avgera dystin við triðja settinum. Til tíðir tóktist tað eisini, sum skuldi hetta eydnast, men TB megnaði tó at ta taka settið. Og so kom av álvara vend í. TB tók sær sannførandi av fjórða settinum, og hóast seinasta settið ofta kann geva liðum nervar, so megn- aði heimaliðið at halda høvdinum púra kalt, og so- leiðis senda Drátt heim uttan stig. Uttan iva eitt vón- brot fyri gestirnar, tá tær nú vóru so nær sigrinum. Í hinum dystinum í bestu kvinnudeildini hetta um- farið, vitjaði ÍF í Sørvági. Her hevur heimaliðið enn ikki fingið nakað stig, og tað gjørdu tær so heldur ikki hesaferð. ÍF vann nevnliga ein tryggan 3-0 sigur, og enn tykist tað soleiðis, sum skulu tær hjá SÍ venja seg við spælið í bestu deildini. Øvuta søgan Hjá monnunum var søgan hin øvuta, tá ÍF somuleiðis vitjaði í Sørvági. Her er tað ÍF, sum enn ikki hevur fing- ið nakað stig, og tað fingu teir so heldur ikki hesaferð. Gestirnir vóru tó væl við í fleiri av settunum, men tá avgerandi bóltarnir vóru á skránni, so vóru tað kortini sørvingarnir, sum vóru hvassari, og hóast settúrslit- ini kanska ikki er so sann- førandi, so var sigurin hjá teimum kortini ikki í vanda. Meistaradeild kvinnur TB-Dráttur 3-2 (27-29, 21- 25, 25-23, 25-16, 15-6 SÍ-ÍF 0-3 (11-25, 19-25, 20-25) Meistaradeild menn SÍ-ÍF 3-0 (25-15, 25-23, 25-21) Tað hevur ikki borið nakað til hjá ÍF í ár. Enn eiga teir fyrstu stigini til góðar Flogbóltsstøður Meistaradeild, kvinnur v t +/- d v - t sett sett sett stig 1 Mjølnir 4 4 - 0 12 3 9 8 2 TB 5 4 - 1 12 6 6 8 3 KÍF 4 3 - 1 9 5 4 6 4 Dráttur 5 2 - 3 12 10 2 4 5 ÍF 5 1 - 4 5 12 -7 2 6 SÍ 5 0 - 5 1 15 -14 0 Meistaradeild, menn v t +/- d v - t sett sett sett stig 1 Mjølnir 4 4 - 0 12 3 9 8 2 SÍ 4 3 - 1 10 5 5 6 3 Fleyr 4 2 - 2 8 6 2 4 4 Fram 4 1 - 3 5 10 -5 2 5 ÍF 4 0 - 4 1 12 -11 0 19 18 Nr. 220 - 17. november 2004 TINGHELLUKLUMMAN Jóanes Nielsen 10 november var ein margháttligur dagur. Heilt frá morgunstundini skaraði dagurin framúr, og fyrst og fremst takka veri stóra ope- rettufigurinum í føroyskum politikki, Heðini Morten- sen. Við at leypa frá eini skriftligari avtalu við Jan Christiansen, sum man annars kann tittulera ser- frøðing í brotnum byggi- samtyktum, hevur Heðin Mortensen á sín egna hátt nullskriva okkara politiska kalendara. Man kann eisini siga, at maðurin av nýggj- um hevur lært sínar med- borgarar tað politiska ABC’iði. Nevniliga: Bara eitt slag av kærleika finst í politikki, eginkærleiki! Fyrstur av vísa Heðini Mortensen sína andstygd, var flokksfelagin Høgni Mikkelsen. Umframt at hava gaffla sær nøkur góð byggilendi, hvørji onnur ørindi hevur tann fýrurin havt í Býráðnum? Maðurin sum hevur bygt tær ljótastu lonirnar í Tórshavnar søgu, og tjent milliónir uppá kassarnar, og sum omaná tað heila er valdur inn í býráðið sum eitt slag av ambassadørið hjá teimum heimleysu, luftaði í Útvarp- inum tað rættiliga orginala, men djúpt hykleriska sjón- armiðið, at Sambands- flokkurin altíð hevur veri ein erligur flokkur. Honum á bakið kom Kai Leo Johannesen við síni ræðuligu sunnudagsskúla- lærararødd. Møguliga er maðurin ein infantil sál, og tað hevur hann eisini loyvið at vera. Men Sambands- flokkurin er hóast alt ein vaksnamannaflokkur, og tað minsta man kann krevja av flokksins fremsta um- boði, er at viðkomandi nýt- ir ein hóskandi vaksna- mannamálburð. Tað ber til at brutalisera og korrum- pera politikkin. Men ein meldar púrasta pass, tá menn byrja at barnsliggera politikkin. Eisini Kaj Leo Johanne- sen var skelkaður av Heðini Mortensen, og hevði hann ikki havt so nógvar lyklar og leysar pengar í lumm- unum, var hann helst farin á flog av berari helligheit. Maðurin bleiv við at tosa um at halda avtalur og um at uppæla børnini til erlig- heit, og við so himmal- vendum eygum, at eg ill- tonkti mannin fyri at bluffa. Og sumt bendir á, at tað er akkurat tað sum hann hevur gjørt. Í øllum førum pá- stendur Heðin Mortensen, at formaðurin í Sambands- flokkinum visti um alt sum gekk fyri seg náttina aftaná býráðsvalið. Bæði um sam- ráðingarnar við Fólka- flokkin, og eisini um tær seinni samráðingarnar við Tjóðveldisflokkin og Javn- aðarflokkin. Spurningurin er so hvørjum teirra man skal trúgva. Í sjónvarpinum 10. no- vember, sóu vit Heðin Mortensen berjast fyri sínum politiska lívið. Vand- in fyri eksklusjón úr Sam- bandsflokkinum hekk yvir hansara høvdi, og uttan iva kendi hann til royndirnar hjá Jan Christiansen at triksa bæði javnaðarum- boðini yvir í sín part, og hevði tað lukkast, ja, so var Heðin Mortensen liðugur í politikki. Kanska høvdu teir valt hann til formann í líksýnisnevndini, ella inn í nevndina sum hevur um- sjón av kirkjuklokkunum í býnum. Okkurt sovorðið. Tí spældi Heðin Mortensen høgt spæl, og skjeyt frá mjødnini. Hann trúði ikki rættiliga uppá at Jan Christ- iansen hevði so ilt í sínum politiska hjarta, sum hann lætst til at hava. Tvørtur- ímóti minti hann á sokall- aða kvettið sum var framt móti Lisbet L. Petersen fyri átta árum síðani, og pástóð at tað nettup var Jan Christ- iansen sum var meistarin aftanfyri komplottið. Men ein skilur væl at Jan Christiansen er harmur um at hava mist borgmeistara- sessin. Var eg í hansara støðu, hevði eg heldur ikki hvept meg við at hunddálka Heðin Mortensen. Bæði tí hann leyp frá eini skrift- ligari avtalu, men eisini tí tær 50.000 krónurnar sum borgmeistarin fær um mán- aðin, helst eru meiri enn tað sum fitnesstøðin Yviri við Strond kastar av sær. At eginkærleiki í poli- tikki stingur djúpt, minnist eg frá løgtingsvalinum í 1978. Vit vóru ein bólkur av ungum fólkið sum av okkara eintingum hongdu valplakatir upp. Hvat vit agiteraðu fyri, minnist eg ikki rættiliga, allarhelst hava vit agitera ímóti onkr- um. Men akkurat ta náttina ýddi býurin av idealist- iskum flokksstuðlum sum límaðu og nelgdu fyri sínar flokkar. Jógvan Arge, sum var valevnið hjá Tjóðveld- isflokkinum, var eisini í býnum ta náttina. Men hann hongdi ikki plakatir upp fyri flokkin. Jógvan Arge límaði og nelgdi fyri seg sjálvan, og at hjálpa sær hevði hann brøðurnar Ólav og Magna. Men aftaná 9. november í ár gjørdu nettup Jógvan Arge og Heðin Mortensen sítt til at politiska senan í Havn broyttist til eina operettusenu. Ja, meiri enn tað, til eina operettufarsu, har hvør einasta replikk hevði dupultan týdning, og onki í veruleikanum var sum tað tóktist at vera. Allir býráðslimirnir tosaðu úr løgnum handritum, sum ongin hevði copyrættindi til. Tað sum eina avmark- aða løtu var sannleiki, bygdi næstu løtuna á eina misskiljng, sum aftur bygdi á eina aðra misskiljing. Tað einasta sum man kann vera glaður um, var at Mið- flokkurin ongan býráðslim fekk, tí viðkomandi hevði uttan iva farið og vrøvla í tungum. Innan fyri nakrar og tredivu tímar vóru heili fýra samgonguskjøl skrivaði, og afturat skjølunum fylgdu dungar av illgitingum og útspillingum sum hoyrdust í Útvarpi og Sjónvarpi, og vóru at lesa í bløðunum. Tað er ikki heilt burtur- við at pástanda, at soleiðis sum flokkspolitiska upp- stillingin hevur útvikla seg, og ikki bara tá talan er um bý- og bygdaráðsval, men eisini til løgtingsval, so er undirhaldsvirði vorðið valsins fremsta eyðkennið. Logiska fylgjan av tí pá- standinum má neyðugvís vera, at so er operettufigur- urin Heðin Mortensen eitt av hæddarpunktunum, ella sjálv krúnan á flokkspolit- iska uppstillingaverkinum. Og tað er akkurat tað, sum maðurin er. Tá hjúnini Mortensen mikukvøldið løgdu seg at sova, var Heð- in ein skroypilig sam- bandsk ormvera, men tá konan vendi sær móti hon- um næstan morgun, hvat sá hon? Jú, ein fagran sosial- demokratiskan summarfugl við sína lið. Men hvar blivu so allar hugsjónirnar og hjartamál- ini av í hesi veldugu ope- rettufarsu? Til tað vil eg siga, at borgararnir í Havn í øllum førum høvdu eitt hjartamál, og tað var at gera kvinnurnar sjónligari í býráðspolitikkinum. Og tað eydnaðist. Annars hvurvu hjartamálini sum døgg fyri sól, og man skuldi hava rættiliga góð eygu fyri bara at hóma skuggan av eini hugsjón. Tað er komið somikið langt í dag, at politikarir kenna seg ikki sum fólksins tænarir. Mín varðhugi er eisini at fólk hálvavegna hveppa seg við at krevja, at teir fyrst og fremst skulu vera loyalir móti býnum og landinum. Teirra loyalitetur er knýttur til politisku flokkarnar, og tað merkir í høvðusheitum til tað klik- una sum situr við valdinum. Flokkspolitiska uppstillingin veitir heldur ikki veljarunum trygd fyri, at tey sum koma upp á listarnar, eru flokksins frægastu umboð. Heldur er tað øvugt. Tað eru kraddini, tey sjálvsøknu og ikki serliga gløggu sum albógva seg framat, og teirra bakland eru familjur og ymsik sløg av samkomun. Í bókini "Fjernforhør" segði Vaslac Havel seg vera ímóti flokkspolitiskari upp- stilling til parlamentið. Tað sum hann ímyndaði sær, var eina skipan har ein- staklingar, ið høvdu gjørt seg verdugar til fólksins álit, buðu seg fram. Áðrenn Havel gjørdist politikkari, taldist maðurin millum frægu tjekko- slovatisku dramatikaranar. Kanska hevur hann hugsað sum so: Latið teatrini takað sær av operettunum og farsunum, so kunnu poli- tikkararnir savna seg um at stjørna bý og landi. Níggjunda novembers- operettan Kári Páll Nolsøe og Jóannes Lamhauge sungu seg í singer/ songwriter finaluna SINGER/SONG- WRITER Tíðindaskriv Tað var ikki sørt av spen- ningi í luftini, tá minutt- irnir spakuliga rullaðu framvið hálvgumtíggju leygarkvøldið. Hafnia Lounge var annað leygar- kvøld á rað stúgvandi fult av fólki. Hetta seinna innleiðandi umfarið tókt- ist vera rættiliga opið viðvíkjandi, hvør kundi kallast favorittur. Ein hálvan tíma seink- að byrjaði Jógvan A. Jacobsen kappingina. Hann var tann einasti av luttakarunum leygar- kvøldið, sum hevði roynt seg í kappingini í fjør. Tað var hugvekjandi at síggja, hvussu hann tókt- ist tryggari við sína fram- førslu í ár. Hann hevur eina sterka rødd, sum hann hevur gott tak á. Ragnar í Vík hevur somuleiðis gott tak á sínari rødd. Hann var kanska kendasti luttak- arin leygarkvøldið, men samstundis kanska nakað ókendur í singer/song- writer høpi. Hann var síðstur at spæla, og fólk fingu at hoyra country tónleikin, hann er kendur fyri. Serliga slap hann væl frá sanginum ognað- um konu sínari. Inniligt undirhald Sum ávíkavíst nummar tvey og trý fóru Jóannes Lamhauge og Kári Páll Nolsøe á lítla pallin. Hesir báðir megnaðu báðir at syngja seg víðari í kappingini. Men tað verður so sanniliga ein fjøllbroytt finala: Stílurin hjá teimum eru øgiliga ymiskir. Kári undirhelt í stórum stíli og dugdi væl at fáa áhoyrarnar at kenna seg væl. Hann spældi nógv við orðunum og kláraði væl at fáa sín boðskap fram í meldiøsu sangun- um hjá honum. Jóannes Lamhauge sang meira bleytt og inni- ligt. Tað var rørandi at hoyra hann syngja leyg- arkvøldið. Tað var týðu- ligt, at tað búði nakað veruligt aftan fyri orðini hjá honum. Dómararnir hildu so nógv um teirra fram- førslu, at teir báðir tveir sleppa at vera við final- uni. Útlendskir dómarar Nakað heilt serligt við innleiðandi umfarinum leygarkvøldið var, at dómarar vóru úr øðrum londum enn úr Føroyum. Umframt dómarar frá FUT vóru eisini umboð fyri svenska tjóðpallin dómarar. Útlendsku dómararnir vóru í Føroy- um í øðrum ørindum og tóku beinanvegin av møguleikanum at døma leygarkvøldið. Svensku dómararnir høvdu á orði, at støðið í kappingini var nógv hægri, enn teir høvdu gitt sær til. Eitt annað útlendskt innslag leygarkvøldið kom heilt úr Senegal. Ein av luttakarunum í Cross- roads tiltakinum í Norð- urlandahúsinum undir- helt við einum heilt ser- ligum ljóðføri: einum graskari við einogtjúgu streingjum. Fólk tóku sera væl ímóti hesum fremmanda tónleiki. Finalan komandi vikuskifti Finalan í ársins singer/ songwriter kapping verð- ur longu komandi viku- skifti. Tá sleppa fólk aftur at hoyra Kára Páll Nolsøe, Jóannes Lam- hauge og vinnaran av fyrra innleiðandi umfar- inum, Rók Jakobsen. Hetta er aðru ferð, at Hotel Hafnia fyriskipar singer/songwriter. Í ár er tað í samstarvi við Hein- eken, og Atlantic Air- ways stuðlar kappingini. Útvarp Føroya tekur upp og sendir brot frá kapp- ingini. Ì mun til í fjør er áhugin fyri kappingini millum manna rættiliga nógv voksin, og Hafnia Lounge verður væntandi á tremur við fólki til finaluna leygarkvøldið kl. 22.00. Double up í singer/songwriter Kári undirhelt í stórum stíli og dugdi væl at fáa áhoyrarnar at kenna seg væl C M Y K 18