hósdagur 16. august 2018síða 20

FRÍGGJADAGUR 17. AUGUST 2018 SOSIALURIN 94 20 REGIN WINTHER POULSEN - Tað verður beint nú skrivað eitt nýtt upprit um, hvussu vit eiga at lata pening í neyðhjálp, sigur Poul Michelsen, landsstýrismaður í uttanríkis- og vinnumálum. Føroyar lata alt ov lítið í menningar- og neyðhjálp, um tú spyrt ST. Sameindu tjóðir mæla øllum ídnaðarlondum til at lata 0,7 prosent av sínari bruttotjóðarúrtøku (BTÚ) til menningarhjálp. Føroyar lata áleið 0,05 prosent av síni bruttotjóðarúrtøku, tá bæði neyðhjálp og menningarsamstarv, sum samanlagt gevur 9 milliónir krónur, er roknað saman. Tað vil siga, at Føroyar skulu lata meira enn 10 ferðir so nógv ímun til tað, sum verður givið nú, og tað svarar til umleið 130 milliónir. Ein kann tí illa ímynda sær, at nøkur samgonga í nærmastu framtíð nærkast hesum talinum, tí játtanin skal hækka so ógvusliga, um røkkast skal á mál. Poul Michelsen heldur eisini, at tað er órealistiskt at rokna við, at vit náa málinum. - Vit koma ongantíð har, tí tað svarar til umleið 130 milliónir. Vit mugu sikta ímóti tí, men tey flestu londini í heiminum fylgja ikki tilmælinum, greiðir Poul Michelsen frá. Tá løgmansskrivstovan í 2004 skrivaði álit um altjóða menningarpolitikk fyri Føroyar, vóru tað bara norðurlond, sum livdu upp til krøvini um menningarhjálp. Tá varð sagt, at Føroyar ikki vóru bundnar at sáttmálanum hjá ST, tí hann einans fevndi um sjálvstøðug lond, og at Føroyar tískil vóru fevndar at menningarhjálpini hjá Danmark. Nú verður arbeitt við at gera nýtt álit, og tá er ætlanin hjá landsstýrismanninum í uttanríkis- og vinnumálum, at Føroyar skulu nýhugsa neyð- og menningarhjálpina. Mugu skipa arbeiði ørvísi - Nær, hvar og hvussu vit skulu brúka peningin. Vit hava vanliga latið neyðhjálp, tá okkurt er hent ella um vit fáa eina umbøn frá einum altjóða felagsskapi. Nú eru vit í gongd við at skriva ein nýggjan politikk, har allur peningurin kemur undir eina kontu og ein nevnd kemur at sita við neyðugu førðleikunum, greiðir Poul Michelsen frá. Hann sigur at hann hevur fingið eitt nýtt upprit, men at tað enn skal skerpast til, áðrenn tað kann brúkast. Í ískoytispartinum til ólavssøku røðu løgmans verður viðgingið, at játtanin til menningarhjálp hevur verið ov lítil ímun til tey londini, sum Føroyar vanliga samanbera seg við. Har verður eisini skrivað, at játtanin er fleirfalda undir sitandi samgongu og at tað, eins og landsstýrismaðurin nevnir, veðrur arbeitt við at menna ein nýggjan leist at lata pening eftir. Í nýggja leistinum skal føroysk vitan og førðleiki verða gagnýtt, og Poul Michelsen greiðir frá, at ætlanin er nýhugsa, hvussu vit veita neyðhjálp. - Í bæði Danmark og Íslandi verður stuðulin latin á ein heilt annan hátt. Tá er eitt nú vinnan við, so at hon kann menna- og skapa produktión, sum so gevur vinning í longdini, greiðir landsstýrismaðurin frá. - Men higartil hevur játtanin verið brúkt ov tilvildarliga. Tingfólk koma til mín og fortelja um føroyingar, sum ferðast til ymisk lond við menningarætlanum og fólk, sum koma frá ymiskum hjálparfelagsskapum koma á gott. Vit hava ongan møguleika fyri at kanna, um hesar verkætlanir eru burðardyggar og veruliga hjálpa og menningarhjálp kann ikki verða latin á hesum støðinum. Tað er nú einaferð almennir pengar, sum vit hava við at gera. - Eg havi onki ímóti at fara niðan í Løgtingið at biða um meira pening, men eg føli at eg eri fór illa ílatin til at biða um meira pening. Eg skal viðganga við brestin, at vit eiga at lata meira pening, greiðir Poul Michelsen frá. POUL MICHELSEN: VIT MUGU HAVA EIN POLITIKK FYRI NEYÐHJÁLP Føroyar lata meira enn tíggju ferðir minni í neyðhjálp enn Sameindu Tjóðir mæla ídnaðarlondum til at gera. Játtanin er hækka undir núverandi samgongu, men Poul vil ikki hækka hana meira, fyrr enn politikkur er gjørdur á økinum POLITIKKUR: Flóttafólk Í síðstu útgávuni av viku­skiftis­ sosialinum varð tema um flótta­ fólka­legur í Jordan. Eg hevði sjálvur ferðast í legunum, har eg hevði kanna umstøðurnar og tosað við ymisk flóttafólk. Nú venda vit eygunum heim og kanna, hvussu almennu Før­ oy­ar hjálpa flóttafólkum. Føroyar taka ikki ímóti flótta­fólkum sum er, og lands­stýris­maðurin í uttanríkis- og vinnumálum, Poul Michelsen, hevur áður sagt, at hann heldur at vit skulu gera tað. Hann heldur tó, at vit eiga at bíða til vit hava yvirtikið út­lendingamál, soleiðis at vit kunnu gera ein sjálvstøðugan politikk á økinum. Ofta er tvíbýtingin, tá tosað veðrur um flóttafólk, hvørt vit skulu taka ímóti flóttafólki ella hjálpa í nærumhvørvinum. Hettar er ikki bara støðan í Før­ oy­um, men um alt Evropa, har nógv flóttafólk hava leitað sær frið­skjól. Ein partur, sum serliga við­kemur flóttafólkalegunum í Jordan er, at peningur verður latin í nærumhvørvinum. Sameindu Tjóðir mæla til, at 0,7 pro­sent av bruttotjóðarúrtøkuni hjá øllum ídnaðarlondum verða nýtt til menningarhjálp. Før­ oyska bruttotjóðarúrtøkan varð í fjørð av búskaparráðinum mett at vera áleið 18,2 milliardir krón­ ur. Tí áttu Føroyar at latið 128 millión­ir krónir um árið, um vit fylgdu tilmælinum, men vit lata einans 9 milliónir. Vit hava í hesari greinarøð tos­að við Poul Michelsen um, hvørt Føroyar eiga at taka ímóti flótta­fólkum og um vit lata nóg nógva menningarhjálp. Vit hava eisni tosað við, Katrin á Neysta­bø, aðal­ skrivara í Am­nesty I n t e r ­n a t i o n a l Føroyar, um hon held­ur at Føroyar liva upp til sína skyldu. FØROYAR OG FLÓTTAFÓLK: