hósdagur 16. august 2018síða 21

FRÍGGJADAGUR 17. AUGUST 2018 SOSIALURIN 94 21 Undirvísa í landgrunni í Tansania Í vikuskiftissosialinum í síðstu viku var samrøða við Ettie Higgins, sum er varðaleiðari hjá UNICEF í Jordan. Hon greiddi frá, at tey saknaðu at lond gjørdu avtalur yvir fleiri ár og at fleiri tilboð innan eitt nú útbúgving verða veittar. Poul Michelsen vísir á, at peningur onkuntíð er latin til undirvísingarætlanir, men at tað ikki hevur verið nóg væl skipað. Hann ger ikki beinleiðis viðmerkingar til flóttafólkalegurnar í Jordan, men hann endurtekur, at tað eru fleiri ymiskir mátar at veita hjálp uppá og vísir á, at landsstýrið í ár lat pening til Fróðskaparsetur Føroya í eini heilt serligari ætlan. Fróðskaparsetur Føroya hevur í ár hava skipað fyri seminari í Tansania um landgrundsrætt, har eitt nú Bjørn Kunoy og Martin Heinesen, serfrøðingar innan økið, hava undirvíst. Hugsanin við fyrilestrunum hevur júst verið at brúka føroyska vitan at hjálpa til við í menningarlondum, sum eitt nú ikki eru komin so langt í at krevja sítt sjóðøki. Tá akkurát landsgrundsrættur er valdur, er tað tí at Føroyar hava eina sterka vitan innanfyri økið. Poul Michelsen heldur, at Føroyar eiga at hugsa í hesum banunum, tí við at gera meira nágreiniligar ætlanir, kann Føroyar gera mun við síni relativt lítlu játtan. Men at enda endurtekur landsstýrismaðurin at tað týdningarmiklasta er at endurhugsa menningarhjálpina. - Vit mugu fáa eitt álit, sum greiðir frá, hvussu vit gera. Fólkini, sum hava sitið við hesum, mugu revurdera, hvussu verður gjørt og tað er tað arbeiðið, sum verður gjørt nú. Tá vit eru betri fyrireikaði, havi eg onki ímóti at biða um meira pening, sigur hann. FØROYAR OG MENNINGARHJÁLP: Føroyar lata í dag 9 milliónir í menningar- og neyðhjálp, sum er skipað undir tveimum ymiskum kontum á fíggjarlógini. Tað svarar til áleið 0,05 prosent av Bruttotjóðarúrtøkuni (BTÚ). Sameindu Tjóðir mæla til, at øll ídnaðarlond lata 0,7 prosent av BTÚ, og Føroyar eiga tí at lata umleið 130 milliónir, sum er meira enn tíggju ferðir so nógv, sum latið verður nú. Landsstýrið arbeiðir nú við, at gera nýggjar skipanir á økinum, so at hjálpin verður latin á annan hátt og við betri gjøgnumskygni. Nakað av peninginum er áður latin til at hjálpa flóttafólki úr Sýria, men játtanin verður ofta latin til humaniterar kreppur í løtuni og ikki yvir fleiri ár. ALTERNATIV HJÁLP: Fróðskaparsetur Føroya skipaði í ár, við stuðli frá Uttanríkis- og Vinnumálaráðnum, fyri seminari í Tansania í landgrundsrætti. Á seminarinum undirvísti Bjørn Kunoy, doktari í lóg, og Martin V. Heinesen, limur í landgrundsnevndini hjá ST. Í Uttanríkis- og Vinnumálaráðnum brúka tey hesa ætlnina sum dømi um, hvussu Føroyar kunnu gera mun við síni relativt lítlu játtan. JÁTTANIN TIL NEYÐHJÁLP OG MENNINGARSAMSTARV SEINASTU ÁRINI Tús. kr. 2015 2016 2017 2018 Neyðhjálp 1.250 1.000 4.000 6.500 Menningar­ samstarv 1.560 2.500 2.500 2.500 Samanlagt 2.810 3.500 6.500 9.000