mánadagur 20. august 2018síða 16

Mánadagur 20. august 2018 · Nr. 95 16 Sosialurin Hugskot og viðmerkingar – send sms til 225000 BORÐTENNIS Borðtennis til EM í Spania Bæði A-landslið og ungdómslandslið í borðtennis eru úttikin. Tey eldru fara til EM í Spania, meðan tey yngru fara til vinarkapping í Íslandi Tróndur Arge Í døgunum 18. til 23. septembur fer føroyska landsliðið í borðtennis at lut­taka í EM í einmansleiki, sum verður í spanska býnum Alicante. Hetta verður fyrstu ferð í mong ár, at Føroyar fara at luttaka í EM. Før­ oyar hava hinvegin javnan dystast í HM, men ein nýggj skipan ger, at tað er neyðugt at spæla seg til HM umvegis at skapa eitt nóg gott úrs­ lit í sínum heimsparti; í førinum hjá Før­oyum, Evropa og EM. Tey, sum fara at umboða Før­ oyar, eru Fróði Fríðason Jensen, Hallur Thorsteinsson, Durita Fríða­ dóttir Jensen og Sólja Hilduberg Djur­huus. Fróði og Hallur vóru báð­ir í FM-finaluni í apríl. Ta finalu­na vann Fróði 4-3. Eisini Durita var í FM-finaluni. Hon tapti fyri Henriettu Nielsen, sum upp­runaliga eisini varð úttikin til EM, men hevur givið avboð vegna skaða. Í staðin fyri Henriettu sleppur tann einans 15 ára gamla Sólja Hildu­berg Djurhuus at royna seg ímillum tey stóru. Hon hevur fyri ein part fingið sína uppaling í júst Spania, har hon nú tískil aftur slepp­ur at spæla. Fróði og Hallur spæla við Amager BTK í Danmark, meðan Durita og Sólja spæla við borð­ tennis­felagnum Tór í Havn. Við á ferðini verður eisini venjarin, danski Simon Nykjær-Fisher. Upplivilsi Føroyskir leikarar hava vunnið ein­ stakar dystir, tá ið teir hava verið til HM, og væntað verður, at mót­ støðan eisini verður hørð í EM. Talan verður um eitt upplivilsi fyri leikararnar, men tó vera helst møguleikar at vinna onkrar dystir. - Sum eg havi skilt, so kemur man at møta onkrum rímiliga sterk­um, miðal sterkum og onkrum, sum er á sínum egna støði. Summir dystir vera meira eitt upplivilsi enn nakað annað, meðan vit satsa uppá at taka onkrar sigrar ímóti teim­um veikaru spælaranum, sigur ein av landsliðsleikarunum, Hallur Thorsteinsson. Nú summarferia hevur verið og føroyskir útisetar hava verið heima í Føroyum, so hevur borð­ tennishópurin, har helvtin er úti­ setar, vant dúgliga í Tórshavn. - Vit hava vant so nógv sum til­ber í summar við øvilsum, sum hava serliga havt fokus á teknikk og dystarvenjing, sigur hann. Í septembur verður enn ein venj­ingarlega. Hon verður stutt undan fráferðini til Spania, og tann venjingarlegan verður í Danmark. Til Íslands Tað er ikki bara A-landsliðið, sum fer uttanlands at kappast. Eisini ung­dómslandsliðið fer. Eitt júst úttikin hópur av ungdómsleikarum fer nevniliga til Íslands at kappast vikuskiftið 5. til 7. oktobur. Talan er um eitt nýtt samstarv saman við íslendska borðtennissambandið, har føroyskir og íslendskir ung­ dóms­leikarar fara at venja saman og síðani eisini kappast ímóti hvørjum øðrum. Føroyar og Ísland hava verið vinar­tjóðir í borðtennis í mong ár, og seinastu árini hava Føroyar, Ísland og Grønland árliga havt millum­tjóðakappingina Arctic Open, har hesi trý londini skiftast um at hava vertsskapin. Ungdómslandsliðið í borð­tennis hevur havt regluligar lands­liðs­ samlingar síðani fyrst í hesum árinum. Í februar kappaðist liðið í Danmark, og nú verður so onnur stóra royndin hjá ungu føroysku leikar­unum, sum eru ímillum 11 og 16 ára gamlir. trondur@sosialurin.fo F.v.: Victoria Debes, Sólja H. Djurhuus og Britt Michelsen Systkini Fróði og Durita F. Jensen