mánadagur 20. august 2018síða 17

17 Mánadagur 6. januar 2014 · Nr. 2 Sosialurin Mánadagur 20. august 2018 · Nr. 95 Hugskot og viðmerkingar – send sms til 225000 Jóannes Hansen At bólturin framvegis er rundur, og at tað tískil er møguleiki fyri, at úrslit kunnu stinga seg upp, sum fáur hevði roknað við, varð undirstrikað um vikuskiftið, bæði í bestu og næstbestu deildini. Støðutalvan sigur, at undan vikuskiftinum hevði KÍ í átjan umførum bara tapt einaferð. Tað var á norðoyastevnu, tá ið grannarnir í Víkingi fóru til hús aftur við 2-1 sigri. KÍ tapti eisini í síðsta dystinum undan summarsteðginum á útivølli ímóti Suðringum, men tað úrslitið varð seinni broytt, so KÍ nú stendur til at hava vunnið henda dystin. Leygardagin var toppliðið KÍ á Skála. Hóast skálamenn leingi lógu tungt í sjónum, so hevur tað gingið væl betri seinastu ferðirnar. Kring summarsteðgin vann Skála ímóti NSÍ og B68 á heimavølli og ímóti Víkingi á útivølli, og tvær tær seinastu ferðirnar undan vikuskiftinum endaðu vitjanir í høvuðsstaðnum hjá Giza Hoyvík og HB við tvær ferðir 2-2. Tí var tað ikki heilt óvæntað, at Skála fór at geva klaksvíkingum mótstøðu. Hon var so mikið dygg, at KÍ noyddist sum av torvheiðum og norður aftur á Sjómannadagin. Skála vann 1-0, og Karstin Justesen var einasti málskjútti. KÍ er framvegis topplið, men nú eru tað bara trý stig aftur til ÍF. Skála er sjey stig og betri málmun frá niðurflytingarplássi. Tí er tað í løtuni einki, sum bendir á, at steðgurin hjá næstbesta Skála liðnum bara verður eitt ár í næstbestu deildini. Full ferð á fuglfirðingum Fyri áttandu ferð á rað fór ÍF í dag av vøllinum uttan at hava tapt. Síðsta ferðin, at fuglfirðingar einki fingu burturúr var 19. mai, tá ið ÍF tapti 4-2 í Gundadali ímóti HB. Leygardagin var HB gestur í Fløtugerði, og ÍF vann 5-2 eftir hálvleiksstøðuna 3-1. Úrslitið ber við sær, at ÍF nú er átta stig og betri málmun frá fjórða plássinum. Tað vil siga, at møguleikin fyri uppflyting er heilt góður. Ímóti HB var ÍF soleiðis mannað: Tóri Traðará – Dánjal Pauli Højgaard, Hanus Eliasen, Høgni Zachariasen, Andy Olsen – Arnold Kristiansen, Frank Poulsen, Sámal Joensen, Ari Ó. Ellingsgaard – Jóhan Petersen, Jan Ó. Ellingsgaard. Orsaka av skaða hevur Dánjal á Lakjuni ikki spælt nakað serligt nógvu tær seinastu ferðirnar. Leygardagin varð hann skiftur inn, og tað munaði, tí Dánjal bæði skoraði og legði upp til mál. Umframt Dánjal á Lakjuni vórðu Sunnvar Hansen og Tóri Olsen skiftir inn. B68 er á uppflytingarplássi Tølini siga, at tað gongur javnt á, tá ið B68 og grannarnir í NSÍ dystast. Leygardagin var B68 dagur á Svangaskarði. Har var nógv fólk, og tiltøkini vóru væl skipað. Eftir at barnaligu og familju­ vinarligu tiltøkini vóru av, var mann­fólkauppgerð millum B68 og næstbesta liðið hjá NSÍ. Úrs­ lit­ið varð 1-1 eftir málleysan fyrra hálv­leik. Hetta var triðja granna­ upp­gerðin í ár millum hesi bæði liðini. B68 vann fyrsta dystin á Svangaskarði 1-0, og so vann NSÍ 2-0 við Løkin. Úrslitið ber við sær, at B68 fram­ vegis er á triðja plássi og harvið á uppflytingarplássi. Tað eru fram­ vegis tvey stig aftur til fjórða plássið og NSÍ, sum hevur betri málmun enn B68. Feðgar úr Brasil hjálpa B71 Tað riggaði beinanvegin, tá ið gamli kenningurin Clayton Soares og sonur hansara leygardagin spældu við B71. Tað var bæði nýtt og gott gamalt, tá ið B71 hevði vitjan av næstbesta liðnum hjá Suðringum. B71 vann 2-0. Bæði málini vórðu skorað síðsta korterið undan steðginum, og í báðum førum var tað Clayton Soares, sum var málskjútti. Í seinna førinum var tað við brotssparki. Sigurin er kærkomin, eftir at B71 fimm tær seinastu ferðirnar einki hevur fingið burturúr. Úrslitið ber við sær, at B71 er á sætta plássi, og at tað eru tíggju stig aftur til niðurflytingarpláss. Merkisvert var tað, at gamli kenningurin í føroyskum fótbólti, Clayton Soares úr Brasil, sum 24. november verður 40 ár, var millum teir fyrstu ellivu hjá B71. Millum liðfelagarnar hjá honum var 18 ára gamli sonur hansara Klayver. Úr B71 verður upplýst, at feðgarnir úr Brasil eru komnir henda vegin at arbeiða á Sandoy Seafood, og at teir hava játtað at hjálpa B71 tað, ið er eftir av hesum kappingarárinum. Klayver legði upp til fyrra málið, og Tijani Mohammed tiltuskaði B71 brotssparkið, sum Clayton Soares umsetti til 2-0. Hoyvíkingar krøktir í Leirvík Tað er framvegis ein lítil møguleiki fyri – men hann er ógvuliga lítil – at næstbesta liðið hjá Víkingum kann fáa ávirkan á, hvussu tað verður við uppflytingini. Eftir 2-1 heimasigurin á heima­ vøllinum í Leirvík leygar­dagin eru tað átta stig fram til B68 og triðja plássið. Á Víkinga liðnum leygardagin vóru veteranurin Gert Hansen og so nógvir ungir spælarar.’ 20 ára gamli Finnbjørn Hansen varð í fjúrtanda minutti skiftur inn fyri Fannhard Skoradal, sum í hesi vikuni hevur 20 ára føðingardag. Fann­hard noyddist skaddur av vøllinum. Ein minutt, eftir at hann varð skiftur inn, legði Finnbjørn Han­ sen heimaliðið framum. Lítla løtu undan steðginum javnaði Giza Hoy­vík til 1-1. Málskjútti var Ahmed Keita, sum harvið skoraði triðja dystin á rað. Longu tríggjar minuttir eftir steðgin skoraði heimaliðið sigurs­ málið. Tað var 19 ára gamli Tonni Thom­sen, sum umsetti brotsspark til mál. Giza Hoyvík er í tungum sjógvi. Nú tað resta átta umfør eru tað fimm stig og verri málmunur fram til HB, ið er á áttanda plássi. Giza Hoy­vík hevur vunnið tríggjar ferð­ ir. Enn er tað ikki eydnast liðnum at vinna fulla úrtøku á útivølli. 20. umfar Mikudagin 22. august KÍ – B71 NSÍ - Víkingur B68 – Giza Hoyvík Skála – ÍF HB - Suðringar Máltindurin Jan Ó. Ellingsgaard ÍF 14 Tijani Mohammed B71 12 Steffan Løkin NSÍ 10 FÓTBÓLTUR 1. deild menn støðan NR. LIÐ DYSTIR VUNNI JAVNT TAPT + MÁL - MÁL +/- STIG 1 KÍ II 19 14 3 2 50 19 +31 45 2 ÍF 19 13 3 3 65 32 +33 42 3 B68 19 11 3 5 41 25 +16 36 4 NSÍ II 19 10 4 5 51 28 +23 34 5 Víkingur II 19 9 1 9 29 31 -2 28 6 B71 19 8 0 11 36 45 -9 24 7 Skála II 19 6 3 10 31 38 -7 21 8 HB II 19 5 4 10 31 32 -1 19 9 Giza Hoyvík 19 3 5 11 22 38 -16 14 10 TB/FCS/Royn II 19 1 4 14 15 83 -68 7 Kelda: faroesoccer.com ÍF – HB 5-2 (3-1) 0-1: John Frederiksen 2. 1-1: Jan Ó. Ellingsgaard 4. 2-1: Jóhan Petersen 23. 3-1: Ari Ó. Ellingsgaard 29. 3-2: Hjalti K. Djurhuus 48. 4-2: Dánjal á Lakjuni 56. 5-2: Sámal Joensen Víkingur – Giza Hoyvík 2-1 (1-1) 1-0: Finnbjørn Hansen 15. 1-1: Ahmed Keita 45. 2-1: Tonni Thomsen 48. B68 – NSÍ 1-1 (0-0) 1-0: Sveinur Justinussen 61. 1-1: Atli Petersen 66. Skála – KÍ 1-0 (0-0) 1-0: Karstin Justesen 61. B71 – Suðringar 2-0 (2-0) 1-0: Clayton Soares 31. 2-0: Clayton Soares br 45. 1. deild: Toppliðið koppaði á Skála Tað er full ferð á fuglfirðingum, og toftamenn eru framvegis við, hóast teir ikki vunnu grannauppgerðina