mánadagur 20. august 2018síða 18

Mánadagur 20. august 2018 · Nr. 95 18 Sosialurin Hugskot og viðmerkingar – send sms til 225000 Jóannes Hansen Botnliðið 07 Vestur. Tað hevur verið endur­tikið aftur og aftur. 07 Vestur hevur higartil verið botnlið, men tað er 07 Vestur ikki eftir nítjanda umfar. Tá ið Eiler Rasmussen bríkslaði fyri síðstu ferð í góðveðrinum í Sarpu­gerði, vísti máltalvan 1-4. Tað er mest óvæntaða úrslitið higartil í ár. Sigfríður Clementsen og hansara menn høvdu undan degnum í gjár vunnið seks ferðir á rað, men nú skræd­naði tað fullkomuliga. Sølvi Vatnhamar var ikki før­ ur fyri at spæla, og fyri dystar­ gongdina var tað avgerandi, at Andreas Lava Olsen longu í 26. minutti sá gula kortið fyri aðru ferð og harvið noyddist av vøllinum. Tá var tað framvegis málleyst. Ken Fagerberg og Sonny Jakobsen mynda 07 Vestur álop við broddi og tyngd, og tað vísti seg skjótt, at hetta fór at vera torfør avbjóðing hjá tvífalda meistaraliðnum. Heilt stóri maðurin í Sarpugerði var Sonny Jakobsen, sum skoraði hat­trikk, og sum tiltuskaði 07 Vestur brotssparkið, sum lið­for­ maðurin Høgni Egilstoft Nielsen í tveim­um royndum umsetti til mál. Beinanvegin eftir at Sonny Jakob­sen tíðliga í seinna hálvleiki hevði lagt gestirnar framum 2-0 svaraði Víkingur aftur, tá ið veteran­urin Hanus Jacobsen mink­aði um munin. Víkingur hevði næstu løtuna bóltin ikki so lítið, men tá ið gestirnir øktu um munin, var spurningurin bara, hvussu stórur sigurin fór at verða. Pauli Poulsen og hansara menn hava støðugt sagt, at teir framvegis rokna við møguleikanum at halda tørn um plássið í fremstu røð. Síðani summarsteðgin hava teir vunnið tvær ferðir, og í gjár skor­ aðu teir fýra mál: -Vit eru ovurfegnir. At spæla í Sarpu­gerði verður roknað at vera torfør avbjóðing, so sigurin kennist søtur, og hann gevur okkum mót uppá, at tað fer at eydnast at vinna okkum undan niðurflyting. Tað er langt eftir á mál, og tað valdast eisini, um tað verða eitt ella tvey lið, sum fara at flyta niður, sigur fegni trífaldi málskjúttin, og hann heldur fram: -Nú eru vit frammanfyri AB, sum vit skulu spæla ímóti í 23. um­ fari, og í síðsta umfari skulu vit spæla ímóti Suðringum. Men av­ rikið og úrslitið ímóti Víkingi er stað­festing av, at vit hava møgu­ leika ímóti øllum. Í Víkinga leguni var lagið einki ser­ligt, nú stígur kom í eftir góða stiman: -Vit løgdu ikki sannførandi fyri, og fyritreytirnar vórðu uppaftur verri, tá ið vit mistu Andreas Lava Olsen. Tá ið vit høvdu minkað um munin, spentu vit álopsbogan fyri at vinna javnleik, men tá skoraðu teir tvey mál. Sølvi Vatnhamar er skaddur, og hann saknaðu vit, sigur Gert Hansen, hjálparvenjari hjá Víkingi. KÍ aftur á beint Eftir tapini ímóti HB á heimavølli og B36 í Gundadali eydnaðist tað KÍ at vinna tryggan 3-0 heimasigur ímóti EB/Streymi. KÍ hevði beinanvegin fleiri góðar møguleikar, men tað eydnaðist bara at skora eitt mál í fyrra hálvleiki, sum Páll A. Klettskarð var meistari fyri. Ofta hevur Arnbjørn Hansen verið avgerandi, tá ið EB/Streymur hevur spælt ímóti KÍ. Veteranurin hitaði upp longu í fyrra hálvleiki, og so leingi,sum støðan var 1-0, lúrdi møgu­leikin, at Heðin Askham fór at seta Arnbjørn á vøllin, og at hann skuldi verða dystaravgerandi. Arnbjørn Hansen varð ikki settur á vøllin. Tað mundi Heðin Ask­ham ikki halda orsøk vera til, eftir at heimaliðið miðskeiðis í seinna hálvleiki økti um leiðsluna. Tá hevði EB/Streymur í eina løtu verið heilt væl við. Páll A. Klettskarð royndi tvær ferð­ir, men bólturin varð bloker­ að­ur til Jóannes K. Danielsen, sum úr spískum í høgru setti bóltin í handara síðunetið. Innskifti Óli Eyðsteins­son Poulsen staðfesti 3-0 sigurin í yvirtíðini, eftir at innskifti Ronni Møller-Iversen hevði lagt innfyri úr vinstru. -Vit høvdu tak á tí mest sum alla tíðina. Málmøguleikarnir vóru nógvir, og vit kundu havt vunnið meiri, men vit eru nøgdir við 3-0 sigurin. Nú hava vit fokus á næstu av­bjóð­ing. Hvat tað fer at enda við fáa vit at síggja, men tað er týdn­ ingar­mikið, at vit gera okkara, sigur Jóannes K. Danielsen, sum var ein av málskjúttunum hjá KÍ. Tvey systkinabørn hjá Jóannesi K. Danielsen, Ragnar B. Danielsen og Aksel B. Danielsen, vóru á EB/ Streyma liðnum. -Fyrstu løtuna vóru vit undir øgilig­um trýsti, men vit fótaðu okk­um, og fyrstu løtuna eftir steðgin var spælið ikki so galið. Trupul­leikin er, at vit megna ikki at spæla okkum til upplagdar mál­møguleikar. Nú verður tað Skála á heimavølli, og tað eigur at verða øðrvísi uppgáva enn henda, sigur Aksel B. Daneilsen, sum EB/ 19. umfar: 07 Vestur gevur ikki skarvin yvir, og B36 snávaði enn einaferð ímóti einum longri niðri á talvuni RÓGVI DAM EB/STREYMUR: Skála og Suðuringar taptu eisini KÍ var fleiri klassar omanfyri okkum í dag Uttan Róa hevði tað veri 7-0 Saman standa vit sterk. KRISTIAN JOENSEN KÍ: Deiligt at síggja KÍ spæla fótbólt aftur, hondbremsan var slept, og leikarnir sóu út at hugna sær. Meir av hasum. Koyr a KÍ JAN BOLSTAD ANTONIUSSEN NSÍ: Ein stillur dagur á kontórinum. Havi hildið tætt síðan steðgin, og skorað 10. So tað sær bara gott út! Vónandi heldur góða gongdin fram. Góðir! BJØRG OLSEN SKÁLA: Altíð strævið at tapa, men tá tað er móti NSÍ er tað uppaftur strævnari. Mugu bara stríðast víðari, og helst fáa ein sigur hósdagin. Go Skála REGIN DAVIDSEN 07 VESTUR: SORLA FØROYAMEISTARARNAR Í EGNARI HOLU, OG VÓRU MENN EITT SINDUR NEYVARI ENDAÐI TAÐ 8-1. KONGAR! HETTA MÁ FYLGJAST UPP. SONNY OG TEIR GJØRDU AV VIÐ MEISTARARNAR FÓTBÓLTUR