mánadagur 27. august 2018síða 15

15 Mánadagur 6. januar 2014 · Nr. 2 Sosialurin Mánadagur 27. august 2018 · Nr. 98 Hugskot og viðmerkingar – send sms til 225000 Eftir europeiska luttøku á hvørjum ári síðani 2012, er líkt til at altjóða luttøkan hjá tvífaldu føroyameistarunum úr Víkingi fer at gleppa komandi kappingarár RÓGVI DAM EB/STREYMUR: Eitt stig ikki gott nokk á heimabana, men eitt sera sera flott mál frá Pætur. Saman standa vit sterk. BJØRG OLSEN SKÁLA: Veit ikki hví vit (næstan) altíð spæla javnt móti Eb/Str., men eitt stig er eitt stig, og telur meira enn einki. Go Skála JOHN REID NYBO VÍKINGUR: Dreingir, nú byrjar hettar at blíva píniligt! Kunnu tit ikki bara skora nøkur mál, er tað veruliga so ringt? Eg hevði also roknað við at vit, um ikki annað fingu stig í hesum báðum seinastu dystinum. Hvør einasta venjing framyvir skal bara til at fáa mennirnar at finna máli, hitt haldi eg er so nøkulunda. WLYV JANUS KJÆRBO TB/FCS/ROYN: Flongdu føroyameistarnar eina ferð afturat í Gøtu. Tað er við at blíva ein góður vani. Vuvuzelairnar hjá Ultras vóru ikki nógv verdar í dag. Pakka tær bara vekk, tað ljódar av h.... til. SUÐRINGAR FRÓÐI ÓLASON OLSEN AB: Intet nyt fra vestfronten. Eri burtustaddur. André Olsen Tvífaldu føroyameistararnir úr Víkingi hava havt eina serstakliga ringa viku seinastu vikuna. Sunnu­ dagin fyri eini viku síðani, tapti Víkingur ógvuliga óvæntað á heima­vølli móti 07 Vestur, sum gjørdi at Víkingur dragnaði nakað í stríðnum um europeiska luttøku. Síðani tapti Víkingur hóskvøldið aftur á heimavølli, tá Suðuroyingar fóru úr Gøtu við trimum stigum, og tá B36 leygarkvøldið streyk av­ stað við Løgmanssteypinum, tókt­ ist seinasti seymurin negldur fyri Víking í stríðnum um altjóða lut­ tøku til komandi kappingarár. Trilvandi úrslitini hjá B36 í lands­kappingini seinastu tíðina, hava gjørt, at tað serliga hevur verið innanhýsis kapping millum Víking og B36 um, hvat av teimum báð­um feløgunum skuldi fara tryggja sær seinasta europeiska plássið til komandi kappingarár, og tá B36 við Løgmanssteypinum longu hevur tryggjað sær altjóða lut­tøku, skulu eyguni hjá Víkingi nú venda eftir øðrum liðum. Í løtuni – nú tað bert resta sjey um­før í landskappingini – er tað ser­liga NSÍ og KÍ, ið ávikavist eru sjey og níggju stig frammanfyri Víking, sum Víkingur skal hyggja eftir. Tað tykist ósannlíkt at Víking­ ur skal fáa nakað av teimum báðum liðunum aftur. Fríggjakvøldið fer at vísa seg at vera ein lagnuløta hjá Víkingi til komandi kappingarár. Tá møtir spæla KÍ og Víkingur í Klaksvík, sum kann verða ein ógvuliga av­ gerandi dystur fyri lagnuna hjá Víkingi. Vinnur Víkingur tann dystin, er hugsandi at Víkingur kann fáa samband aftur við NSÍ og KÍ, meðan ein ósigur til Víking helst ger, at tað fer at vera fullkomiliga vón­leyst hjá Víkingi at enda millum trý tey ovastu tá kappingin í oktober endar. Rýkur Víkingur út úr euro­pe­ iskum fótbólti komandi kapp­ingar­ ár, er talan um fyrsta kappingarárið síðani 2011, at Víkingur ikki luttekur í altjóða fótbólti. Trupult at steðga NSÍ Hóskvøldið vóru eisini tveir aðrir dystir leiktir. Á Argjum helt góða gongdin hjá NSÍ í seinnu hálvu fram, tá NSÍ vann 2-0 á útivølli móti AB við málum frá Jens Joensen og Klæmint A. Olsen. Sigurin hjá NSÍ bar við sær, at NSÍ nú hevur vunnið allar dystirnar í seinnu hálvu, har tað serliga er merkisvert, at allir dyst­irnir eru vunnir, uttan at mál er skotið móti NSÍ. Tí tykist tað í løtu­ni óhugsandi at Víkingur kann fanga NSÍ aftur á stigatalvuni, sum fleiri annars væntaðu í summar­ steðginum. Nú eru trý feløg í ongamannalandi Seinasti dysturin var í Hólmanum á Eiði millum EB/Streym og Skála, ið bæði eru í líknandi støðu í lands­ kappingini. Felags fyri EB/Streym og Skála er, at tey hvørki eru hótt av botnstríðnum, ella eru nær við at blanda seg í oddin av deildini. Sjálvur dysturin endaði eisini við 1-1 javnleiki, eftir at EB/Streymur hevði verið á odda 1-0 í hálvleikinum. 1-1 javn­leikurin inniber, at felagsliðið úr Suður­oynni, TB/FCS/Royn, nú hevur fing­ið samband við EB/Streym og Skála á stigatalvuni, og tí er í løtuni stórur spenningur millum tey trý feløg­ini um hvørt av teimum fer at enda sum nummar seks, sjey og átta í kappingini. andre@sosialurin.fo TAÐ SÆR SVART ÚT HJÁ MEISTARUNUM Stigatalvan: 1. HB 20 dystir 52 stig 2. KÍ 20 dystir 44 stig 3. NSÍ 20 dystir 42 stig 4. Víkingur 20 dystir 35 stig 5. B36 19 dystir 34 stig 6. EB/Streymur 20 dystir 19 stig 7. Skala 20 dystir 19 stig 8. TB/FCS/Royn 20 dystir 18 stig 9. 07 Vestur 19 dystir 10 stig 10. AB 20 dystir 9 stig FÓTBÓLTUR