mánadagur 27. august 2018síða 20

Mánadagur 27. august 2018 · Nr. 98 20 Sosialurin Hugskot og viðmerkingar – send sms til 225000 B36-BALLÓNIR ENDAÐU Í NOREG B36 gjørdi nakar B36-ballónir til steypafinaluna. Tær blivu settar saman í nøkur bunti, og sleptar upp undir takið á Tórsvølli við dystarbyrjan. Hetta gekk tó ikki heilt sum ætlað fyri ein av bólk av ballónunum. Tær sníktu seg út um takið og fóru eina langa ferð. Í gjár komu boð á Facebook frá Noreg, har nøkur fólk hava fingið vitjan av hesum B36-ballónunum. Úr B36 hava tey verið skjót at boða frá, at tað er frá steypafinaluni í gár. Tróndur Arge – Tórsvøllur ”Endiliga!”. Soleiðis ljóðaði yvir­ skrift­in í Sosialinum 17. august 1991. Á forsíðuni sæst Tummas Eli Han­ sen lyfta veðrahornini, sum eina stað­fest av, at B36 hevur vunnið steypa­finaluna móti HB. Tá fyri fyrstu ferð síðani 1965. Undan steypafinaluni dagførdi Sosiali­num tiltiknu myndina, tá Tummas Eli Hansen (B36) og Kaj Leo H. Johannesen (HB) tóku sjó­ mans­tak. Nú 27 ár seinni hava vit eisini dagført myndina av vinnara­ num. Nú við Odmari Færø sum lið­ skipara. -Hetta er fyrstu ferð, at eg taki ímóti einum steypi sum liðskipari. Hetta er heilt fantastiskt, sigur Od­ mar Færø. Ein tann mest dramatiska finalan nakrantíð Finalan um Løgmanssteypið, sum bleiv spæld frammanfyri beint yvir 3.200 áskoðarum á Tórsvølli, hevði fýra mál, tvey reyð kort og tvær burt­urvísingar, longda leiktíð og brots­sparkskapping. Hartil eru søgur­nar nógvar. Annað árið á rað hevur B36 spælt við níggju monn­ um móti 11 ein part av eini granna­ upp­gerð, og vunnið. Hevði B36 ikki javnað langt inni í yvirtíðini, so hevði fantastiska frísparkið hjá Adrian Justinussen staðið eftir sum prikkurin yvir i’num. Nú er tað Róaldur Jakobsen, sum annað árið á rað hevur søkt eitt HB-lið við tveimum spælarum í yvirtal. Hartil kom krúnprinsurin á vøllin at handa heiðursmerkini, meðan Askel V. Johannesen, løg­ mað­ur, ikki fekk orðið fram, tí mikro­fonin ikki riggaði. Spældu vanligu kortini Bæði Heimir Guðjónsson og Jákup á Borg spældu mest væntaðu kort­ ini, tá liðini blivu sett. Hjá HB var einki ivamál, meðan B36 hevði sett Róald Jakobsen á bonkin, meðan Lukasz Cieslewicz skifti og sá út sum, at hann ætlaði á vøllin. Hetta er alt spæl, tí hann er skaddur í minst tveir mánaðir, váttar hann nú fyri Sosialinum. Fyrri hálvleikur er ikki ogv at skriva heim um. Steypafinaln er blivin ein stórhending og tað sást til tíðir, tá spælararnir vóru ov grammir í tvídystunum. Hetta kundi lættliga havt givið bæði eitt og tvey gul kort. Sjey ørir minuttir Tað sum áskoðararnir ikki fingu í fyrra hálveiki, fingu teir upp á sjey minuttir í seinna hálvleiki. Fyrst leggur Tróndur Jensen HB á odda við góðum skotið úr 25 metr­um. Bara minuttir seinni er 1-1, eftir at Kaimar Saag vinnur B36 brots­ spark, sum Odmar Færø skor­ar upp­á. Í HB er ónøgdin við brots­ spark­ið stór. Spælið er akkurát tikið upp aftur, tá Adrian Justinussen medd­ ar eitt fríspark í málið úr 35 metr­ um. Nakað sum bara hann kann. Ein sonn frísparksperla frá topp­ skjútta­num í føroyskum fót­bólti. Í sjey minuttir er Tórsvøllur kram­ur um fantastiskan spenning. Rok, útvísingar og Hannes Agnarsson Restina av vanligari leiktíð roynir B36 at trýsta. Í løtum er nær við, men tá innskifti Robert Heðin Brockie verður útvístur, eftir bara ein minutt, so sær svart út hjá árs­ tals­felagnum. Enn verri er, tá tað blívur ilt millum spælararnar og Benja­min Heinesen eisini verður út­vístur. Við níggju monnum megnar B36 tó at skora. Við næstan seinasta sparki­ num í van­ligari leiktíð, verður eitt horna­spark sent innfyri, har inn­skifti Hannes Agnarsson skor­ar. Nú er longd leiktíð, men B36 skal spæla við níggju monnum móti 11. B36 við níggju – roynt tað fyrr Í fjør kom B36 i steypafinaluni við millum annað, at vinna á HB í hálvfinaluni. Í seinnu hálvfinaluni var B36 í júst somu støðu. Við átta úti­spælarum stóðu teir í tveimum rekkjum á fýra og vardu. Teir fingu eitt fríspark, sum Róaldur Jakobsen skoraði upp á. Í evstu løtu kom so til­tikna málið úr 72 metrum. Tað var sum síggja eina endur­ tøku tí dystinum, tá B36 í eini 4-4-0 uppstiling vardu javnleikin heim. Tað stóð nógv á eina løtu, men fyri hvønn minutt bleiv verjan betri, meðan HB-spælið gekk seint. Eftir dystin fekk FM1 orðið á lið­ skiparan hjá B36, Odmar Færø. Hann greiddi skemtiliga frá, at hann faktist ikki visti av, at B36 hevði fingið tveir spælarar útvístar. - Tá vit standa á miðjuni og skulu byrja brotssparkskappingina, sigi eg at vit eru bara tíggju. Tá fái eg at vita, at vit eru also bara níggju, tí Benjamin Heinesen eisini er blivin út­vístur. So kaotiskt upplivdi eg sein­astu løtuna, sigur Odmar Færø, sum bleiv kosin til dagsins spælara. - Eg helt eisini, at vit blivu øgiliga trýstir í longdu leiktíðini, men nú gevur tað sjálvnadi meining, sigur Od­mar Færø og flennur. Róaldur við avgerandi sparkinum Í brotssparkskappingini er B36 omaná, eftir at Rói Mørk Hentze hevur bjargað brotssparkinum frá John Frederiksen. Tað endar við, at tað er Róaldur Jakobsen, ið stendur eftir við avgerandi brotssparkinum. - Eg havi vant eitt ávíst spark í vikuni, men eg broytti meining í evstu løtu. Eg vil ikki siga júst hvar eg ætlaði at skjóta, men tað var gott, tí eg endaði við at skora, sigur Ró­aldur Jakobsen. Gleðin og fagnaður mundi ongan enda tikið. Odmar Færø og lið­felagirnir hava nú skrivað sína egnu søgu. At hon í støðum líkist søgu­ni frá 1991, passar nú bara væl til sjó­manstakið og upptaktina her í blaðnum. trondur@sosialurin.fo Fótbóltur Dysturin hesa vikuna... B36 er steypavinnari Fyri fyrstu ferð hevur Odmar Færø tikið ímóti einum steypi sum liðskipari. Hetta er eisini fyrst ferð síðani 2006, at B36 vinnur Løgmanssteypið. Samanberingarnar við B36 og Tummas Eli Hansen í 1991 eru til at fáa eyga á FÓTBÓLTUR ”ENDILIGA!”