hósdagur 30. august 2018síða 6

FRÍGGJADAGUR 31. AUGUST 2018 SOSIALURIN 100 6 PÆTUR HJALMAR EVENSSON A ftaná Bill Justinussen hevur undirhildið og fingið allan salin at skella í látri eftir hansara beinrakta og orginala hermi eftir kendum føroyingum, setist eg niður við Heina Zacharias­ sen til eitt prát. Eg ætli at fáa hann at gera meg klókari uppá, hvussu mann sum íverksetari á bestan hátt kann røkka altjóða marknaðinum. Vit finna uppá eitt fiktivt pro­dukt fyri at seta tingini í per­ spektiv. Vit lata sum um, at eg havi fram­leitt eina sápu, sum hevur fingið bein at ganga á í Før­ oy­um. Sápan er á flestu handils­ hillunum, og mítt brand er blivið væl kent millum manna. Eg ætli mær út á altjóða marknaðin við sápuni, men tað virkar ræðuliga fjart fyri meg sum framleiðara beint nú at skifta frá trygga føroyska marknaðinum til stóra ókenda altjóða marknaðin. Hvat er fyrsta fetið at fáa hesa sápu­na út á altjóða marknaðin? spyrji eg Heina Zachariassen. Hann vísir beinanvegin hugmyndini um at byrja á føroyska marknaðinum aftur. - Mann skal vera ótrúliga varin við yvirhøvur at byggja produktir í Føroyum. Um tú hevur ambitiónir um at fara út í heimin, er tað ikki sikkurt, at tú skalt byrja á føroyska marknaðinum. Tað er øgiliga ringt at fáa nakað á føroyska mark­naðin fyri so at flyta tað út á altjóða marknaðin, sigur Heini Zacharias­ sen. Far út í heimin beinanvegin Hann heldur, at tað er lætt og ómakaleyst at koma fram við ein­ hvørjum produkti í Føroyum, og hetta er at skjóta seg sjálvan í fótin í mun til komandi distributión í út­ londunum. - Tað, sum mann lærir av at koma fram við einum produkti í Før­ oy­u­m, er øðrvísi enn uttanlands. Fyri at fáa eina sápu út í Føroyum, ringir mann til seljarar, sum jú eru fittir og koyra sápuna á hillarnar. So skrivar mann ein t-post til ymsu miðlarnar, og so kemur ein grein út um nýggju sápuna. Nú er mann longu í gongd uppá ein máta. Men so­leiðis ger mann ikki í Danmark, Hollandi ella Týsklandi. - Eg eri uppvaksin í Føroyum, og her tosa vit bara um fisk. Hetta tosið hevur ongantíð sagt nakað sum helst fyri meg, sigur Heini Zachariassen, sum heldur, at føroyski marknaðurin er ov lítil til at kunna lyfta eina vøru á altjóða støði - UM TÚ VILT ÚT Í HEIMIN, SO FAR BEINT ÚT Í HEIMIN PÆTUR HJALMAR EVENSSON Í einasta Skoda bilinum uppi á Oknarvegi í Havn parkeri eg millum ný­ bon­aðar Mercedes, Volvo og Audi bilar uttan fyri Bank­ Nordik høvuðssætið. Eg skal nú inn at hoyra, hvussu vínbrandurin, Heini Zachariassen, fór úr Hoyvík til heimsins tøkninalva, San Francisco. Komin inn um glas­ dyrnar í bankanum verði eg boðin vælkomin, og eg royni at finna meg til rættis millum øll hesi vinnulívsfólkini, sum eru savnað saman hetta kvøldið at hoyra um Føroya fremsta vinnu­lívsmann og íverksetara. Teir bjóðaðu drykkirnir síggja áhugaverdir út, og eftir­ sum eg koyri bil, fái eg mær tann alko­holfría grønlitta drykk­ in, sum er úr lime, súrepli og ingifer. Tey flestu uppmøttu standa við einum glasi í hondini og skimast runt í stásiliga bygn­ ing­inum, meðan prátið gongur millum flestu teirra. Orð sum investera, uttanlands og spennandi eru buzzwords í teimum ymsu samrøðunum, eg klári at yvirhoyra í prátunum millum gløsini. Eingin ivi er í, at eg eri millum vinnulívsfólk, sum hava stórar ætlanir, mál og dreymar og gleða seg at hoyra, hvussu dreymurin hjá vín­ konginum úr Hoyvík bleiv til veruleika. Vit verða bjóðað inn í eitt høli, har Heini Zachariassen bíðar eftir at sleppa at gera okkum klókari uppá íverksetan, Vivino og altjóða marknaðin. Tón­leikarar eru til staðar fyri at leggja lag á góða og hugnaliga stemningin, áðrenn Heini fer at taka orðið. Longu frá byrjanini av framløguni er týðiligt, at hetta er ein maður við hugskotum, sum stendur frammanfyri okkum áhugaðu áskoðarar. Hann fortelur um, tá hann fyri stuttum var inter­ viewaður av eyðkendum verti í ensku sjónvarpsrásini, BBC. Her hevði hann mált sín egna puls við einari app, og vísti í fram­ løguni, hvussu pulsurin hjá hon­um vaks, meðan hann var í studio og varð interviewaður. Heini greiðir frá, hvussu Vivino hevur vaksið seg til hesa risastóru fyritøkuna, og vit sleppa at hoyra um nakrar fram­tíðarætlanir. Royndi íverk­ setarin veit eftir hondini, hvat skal til fyri at eitt hugskot kann blíva til veruleika, og hann legg­ ur dent á, at hugskotið sjálvt hevur lítið at siga í mun til alt arbeiðið sum er, aftaná mann hevur fingið góða hugskotið. Tað er hetta arbeiðið, sum kann fáa eitt produkt at bera á mál - og ikki hugskotið. Hann tosar um altjóða marknaðin, og hvussu nógvar hurðar opnast, tá mann fyrst kemur inn um. Hetta ljóðar alvorliga áhuga­ vert, og eg má royna at fáa hann at fortelja mær eitt sindur meira um hetta, hugsi eg. Tá fyri­lesturin er liðugur, sleppa lurtar­arnir at seta honum spurn­ingar, men eg bíði heldur inntil aftaná, tí eg havi fleiri. Men fyrst verður mikrofonin latin Bill Justinussen, tí hann skal hava eitt skemtiligt upplegg um talgildu Føroyar. PATURE@SOSIALURIN.FO SAMRØDA: Heini Zachariassen Fyrilestur í BankNordik um Vivino HEINI ZACHARIASSEN: Úr Hoyvik til San Francisco Áhugavert vinnutiltak fyri innboðin varð hildið í BankNordik í farnu viku. Her helt stovnarin av Vivino, Heini Zachariassen, fyrilestur um hansara leið úr Hoyvík til San Francisco