hósdagur 30. august 2018síða 8

SOSIALURIN 100 8 SAMRØDA: Heini Zachariassen - Tann stóri munurin er tann, at mann lærir heilt ófatiliga nógv fyrstu ferð. Tá eg hyggi aftur eftir, hvat eg gjørdi tá, so haldi eg, eg var ein lúsa amatørur. Mann blívur bara nógv betur, tá mann hevur fing­ið royndirnar. Tað haldi eg er viktigt, sigur hann. Meðan BullGuard handlaði um trygd til telduskipanir, so handlar Vivino um vín. Heini Zachariassen helt stóra óútforskaða vínheimin vera nógv meira tiltalandi og stutt­ ligari enn trygdarforritan. - Tá eg byrjaði Vivino, var tað eisini eitt val, sum snúði seg um, at eg hevði hug til at gera okkurt, sum var eitt sindur stuttligari enn BullGuard. Eg visti, tað skuldi vera software, tí har eru mínir før­ leikar. Tað bleiv so til vín, sigur vín­ kongurin úr Hoyvík. Dámar best at byggja okkurt upp Í vár segði Heini Zachariassen stjóra­sessin frá sær í Vivino, tí fyri­tøkan var blivið so mikið stór, at hann meinti, at aðrar og betri kreftir skuldu sleppa framat at røkja stjórasessin. Maðurin, sum skal føra Vivino víðari er fyrr­ verandi varaforsetin í eBay, Chris Tsakalakis. Føroyski íverksetarin trívist best sum tann, ið mennir hugskot hjá einari fyritøku og kann byggja okkurt upp frá grundini. Hetta var eisini ein av grundunum til, at hann segði stjórasessin í BullGuard frá sær á sinni. - Mær dámar væl at skapa og byggja ting, sum betýða nakað fyri onnur fólk og kann gera fólk glað. At byggja nakað, sum onnur tíma at brúka, er tað, sum tað handlar um fyri meg, sigur Heini Zacharias­ sen. Honum dámar væl at byggja okkurt upp, fyri so at síggja tað vaksa seg stórt. Hann minnist aftur á, tá Vivino byrjaði at koma í fínt selskap við heimsumfatandi appir sum Snapchat og Facebook á topplistunum í online sølu­búð­ unum hjá Google og Apple. - Eg havi altíð verið nokkso ambit­iøsur um hvat eg vildi, men tá tað bleiv so stórt, so hugsaði eg bara holy shit, sum hetta er vilt. Hóast Heini Zachariassen ikki er stjóri í Vivino meira, er hann enn í nevndini og heldur fram við nýggja starvsheitinum, sum hann kallar Chief Evangelist. Vilja vera heimsins størsti vínmarknaður Sum nú er, fungerar Vivino uppá tann mátan, at brúkarar meta um góðskuna á víninum við upp til fimm stjørnum og einum supp­ler­ andi tekstaummæli. Umboð frá Vi­ vino greina øll ummælini og meta út frá brúktu lýsingarorðunum, hvussu tey ymsu vínsløgini smakka. Men skjótt verður mátin, mann ummælir uppá, endur­ nýggjaður, og mann fer at kunna meta um vínsløgini við at geva teimum ymsu smakkunum “stig”. Hetta verður kollveltandi, væntar Heini Zachariassen, tí uppá hendan mátan verður nógv lættari at gera ein profil av øllum brúkarunum og síggja, hvussu teimum best dáma sítt vín. - Um vit vita, hvussu vín smakk­ ar og samstundis vita, hvat tær dámar, so kunnu vit matcha tað saman og gera viðmæli, sum eru heilt unikk, sigur Heini Zacharias­ sen og smílist spentur. - Eg kann samanbera tað við at fara í Rúsuna, har fleiri hundrað vín­sløg eru at velja ímillum. Vit í Vivino kenna øll vínsløgini, og fara út­frá tínum profili at kunna siga: “hes­ar báðar fløskurnar eru tær bestu til tín”. Hatta er visiónin hjá Heina beint nú, og so er ætlanin eisini, at Vivino appin skal kunna seta pro­ sent á, hvussu sannlíkt tað er, at tú fert at dáma tey ymsu vínsløgini. - Vit eru heimsins størsta community nú. Vit vilja gjarna vera heimsins størsti marknaður fyri vín; tað er tað, alt hetta handlar um. Vit vilja selja vín fyri fleiri milliardarar dollarar hvørt ár, slær Før­oya mest ambitiøsi íverksetari at enda fast. PATURE@SOSIALURIN.FO FRÍGGJADAGUR 10. AUGUST 2018