hósdagur 30. august 2018síða 17

FRÍGGJADAGUR 31. AUGUST 2018 SOSIALURIN 100 17 GRINDAFORMENN Jón Johansen Hanus Højgaard Magnus H. Magnussen Bjarni Poulsen TILTAKSGRINDAFORMENN Torlakkur Hansen Óli Joensen ÁLITISGRINDAMENN Á SANDINUM Andreas Joensen Andrias Sigurstein Annfinn Norðfoss Anfinnur Thorsteinsson Beinur Poulsen Bjarni Thomsen Bjørn Hansen Bogi Wardum Búi Brattaberg Erlind Magnussen Eyðfinn Guttesen Finnur Sørensen Gullberg Gullfoss Gunnvaldur Lützen Hallgrím Joensen Hans David Hansen Hans J. Hermansen Hans Vilhelm Lützen Hákon Poulsen Hørdur Wardum Jóannes Patursson Jónleif Sólsker Kemm Poulsen Kjartan Mohr Kristian Bærentsen Mads Guttesen Magni Petersen Óla Jákup Guttesen Páll Jarnfoss Petur Jákup Sigurstein Salomon Jacobsen Símun Joensen Sjúrður Hansen Sjúrður Holm Tommy Hansen Torfinn Hentze Trygve Samuelsen Kommunalu starsfólkini fáa grind sum løn Føstu partarnir sambært grindakunngerðini gjørdu, at minni helmingurin av grindini í Havn 24. juli fór til grindafólkið EIRIKUR LINDENSKOV Í kjalarvørrinum av grindini í Havn 24. juli stóðst nógv kjak um, hvørt rætt varð farið fram við grindabýtinum. Tá býtt var vísti tað seg, at 171,5 skinn vóru at skifta millum grindafólkið, meðan 172 fóru til føstu partarnar. Tað vil siga, at tann minni helmingurin av teimum 343,5 skinnunum, sum vóru í grindini, vórðu býttir til grindafólkið. Orsøkin til tað er partvíst at finna í grinda­reglugerðini, sum hevur ásetingar um, hvussu stórar partar tey ymsu ábyrgd­ ar­fólkini skulu hava. Teir føstu partanri í hesi grindini vóru hesir: Finningarhvalur 14 skinn til 2 mans (størsti hvalur) Tórshavnar Havn 14 skinn til 0 mans Meting/skelting 10 skinn til 10 mans (meting av sýslumanninum) Sýslumaður 7 skinn til 1 mann (2 prosent) Grindaformenn 21 skinn til 6 mans (1 prosent í part) Skaðasýn 2 skinn til 1 mann (meting av sýslumanninum) Skiftishjálp 8 skinn til 10 mans (meting av sýslumanninum) Politi + uppskr. á sandinum 13 skinn til 14 mans (meting av sýslumanninum) Kranar/trukkar/Magn v. m. 13 skinn til 9 mans (meting av sýslumanninum) Sløkkiliðiði 8 skinn til 10 mans (meting av sýslumanninum) Opararar/vaktar.ljós og ljóstøkni 12 skinn til 8 mans (meting av sýslumanninum) Grótbáturin upprudding 6 skinn til 0 mans (meting av sýslumanninum) Tilsamans 128 skinn. Síðani var »avlop at býta«. Ellis- og sambýli 24 skinn Spill ikki lagt út (svullar) v.m. 20 skinn Tilsamans 44 skinn. Fastir partar/avlop/spill: 172 skinn Sosialurin hevur spurt hjá Tórshavnar Sløkkiliði, hvør fær grindapartin, sum er tillutaður Tórshavnar Sløkkiliði. Sambært grindabýtinum í grindini í Havn 24. juli í ár, so fekk Tórshavnar Sløkkilið 8 skinn at býta til 10 mans. Heini Østerø, sløkkiliðsleiðari sigur, at tað bara eru starvsfólk hjá Sløkkiliðsstøðini, sum luttaka í sambandi við grindina, sum fáa av partinum hjá Sløkkiliðnum. Tað finst eingin reglugerð fyri, hvussu partarnir verða býttir innanhýsis millum sløkkiliðsfólkið. Men partarnir verða býttir við sínámillum avtalu frá ferð til ferð. – Við hetta drápið vórðu 8 skinn tillutað Sløkkiliðsstøðini, sum býtti grindina í 16 partar. 16 sløkkiliðsfólk vóru íalt til arbeiðis, sigur Heini Østerø. Hann sigur eisini, at fastløntu starvsfólkini, sum eru á vakt, tá grind er í vanligari arbeiðstíð, verða ikki trekt í løn, men er talan um grind aftan á vanliga arbeiðstíð, verður ikki stemplað inn. – Við hetta drápið vóru 4 starvsfólk til arbeiðis, tá grindaboðini komu, sum sostatt fingu bæði vanliga løn umframt grindapart, sigur hann. – Sløkkiliðsfólk, sum eru á tilkallivakt, verða tilkallað at gera hetta arbeiði og fáa bert grindapart í løn. Eingin onnur løn ella samsýning verður útgoldin hesum starvsfólkum í sambandi við grind, sigur Heini Østerø. Sjálvbodnu sløkkiliðsfólkini fáa soleiðis einans grindapart og onga aðra løn arbeiðið í sambandi við grindadrápi. Uppgávurnar hjá Tórshavnar Sløkkiliði eru av stórum týdningi í sambandi við at kunna avgreiða grindadráp í Sandagerði. Uppgávurnar eru eitt nú: - at sperra av - leggja út sóknaronglar - útflýggja mønustingarar - endar at sleipa hvalir við - sperra av við Vónakeiina - útflýggja veirar at hiva við - koma við kassum til hvølpar - reinsa, klárgera og fáa til høldar alla útgerð til næstu grind Jónsvein Lamhauge, stjóri í Tórshavnar Havn sigur, at tað eru starvsfólk hjá Tórshavnar Havn, sum fingu tey 14 skinnini, sum vórðu tillutað Tórshavnar Havn í grindini í Sandagerði 24. juli í ár. Hann sigur, at eingin reglugerð er fyri, hvussu grindin verður býtt millum starvsfólkini. – Starvsfólkini hjá Tórshavnar Havn, sum eru til arbeiðis í sambandi við grindadráp fáa ikki løn, einans grindapart, sigur Jónsvein Lamhauge. Soleiðis verður grindin býtt EIRIKUR LINDENSKOV S ambært »kunngerð um grind og ann­ an smáhval« fer grindaskifti fram, tá grindin er merkt. Tá skiftir sýslu­ maðurin og leggur út, sum ásett í §§ 29-40. Bátur, sum finnur grind og fylgir henni til grindaboð eru givin, og til aðrir bátar koma til grindina, fær finningarfiskin. Tá ið grind fyrst verður sædd frá landi, úr luftini ella frá báti, sum ikki verður verandi hjá grindini, til aðrir bátar koma, men boðað verður frá henni, fer finningarfiskurin í helvt til teirra, sum boðað hava frá henni, og til bátin, sum er fyrstur til grindina. Á sama hátt verður farið fram, tá boð verða givin úr bygd í aðra, og bátur úr seinnu bygdini er fyrstur til grindina. Teir, sum eiga finningarfiskin, velja sjálv­ir burturúr størsta hvalin ella smærri hvalir við samlaðum skinnatali sum størsti hvalurin. Síggja fleiri grind í senn, verður finn­ingarfiskurin býttur teirra millum. Fyri vaktarhald verður um dagin latið 1/2 skinn til hvønn bátin, sum nýttur verður, og 1/2 skinn til hvønn mannin, og fyri vaktarhald um náttina 1 skinn til hvønn. Metingarfólk fáa minst 1 skinn í part sum samsýning og annars eftir meting sýslumansins. Sýslumaðurin fær 2% av samlaða skinna­ tal­inum. Grindaformenninir fáa hvør 1% av saml­ aða skinnatalinum. Skaðasýnisfólk fáa minst 1 skinn í part sum samsýning og annars eftir meting sýslu­mansins. Sýslumaðurin letur skiftishjálparfólkum og upp­nevndum hjálparfólkum samsýning eftir arbeiði og ábyrgd. Hvør tann, ið veruliga hevur verið við í rakstri ella drápi, á báti ella landi, hevur rætt til drápspart. Drápsparturin er tann sam­sýn­ ing, ið omanfyri nevndu fáa fyri arbeiði sítt. Hetta arbeiðið fevnir um rakstur og dráp frá báti ella landi, uppfisking og sleip o.a. beint eftir drápið og upptøku av hvalunum. Bátar, manningar og fólk frá uttan­um­ dømi hava rætt til drápspartar, hava tey verið við í rakstri ella drápi o.ø. Fyri at fáa drápspart skal ein hava fylt 14 ár. Ein grindamaður kann bert rokna sær ein part, sjálvt um hann hevur rikið við einum báti og dripið í einum øðrum ella frá landi. Eftir samráðing við grindaformenninar kann sýslumaðurin, tá raksturin hevur verið serliga trupul og vart leingi, lata ein eyka part til rakstrarbátarnar. Í teimum førum har grind hevur verið goymd, kunnu bátar, sum vóru við í drápinum, men ikki í rakstrinum, fáa dráps­ part, hevur sýslumaðurin ella ein grinda­for­ mað­ur biðið teir um at vera við. Sýslumaðurin ásetir støddina á drápspartinum. Ein drápspartur verður latin hvørjum manni á báti, tó í mesta lagi sum tilskilað niðan­fyri: 1) Til áttamannafør og størri før í mesta lagi 8 drápspartar, 2) seksmannafør í mesta lagi 6 drápspartar, 3) fýramannafør í mesta lagi 5 drápspartar,  4) minni bátar enn nevndu í mesta lagi 3 drápspartar. Kelda: Kunngerð um grind og annan smáhval