mánadagur 3. september 2018síða 10

Mánadagur 3. september 2018 · Nr. 101 10 Sosialurin Hugskot og viðmerkingar – send sms til 225000 TÍÐINDI Árni Gregersen Í seinastu viku var lands­ stýrið á Viðareiði í sambandi við fíggjarlógina fy ri næsta ár. Landsstýrið var har saman við embætisfólki og fokus var í stóran mun á íløgur­nar komandi árini. Løgmaður boðaði frá undan fundinum, at enda­ málið er, at tað al­menna útsetir ein part av íløgunum fyri at slppa undan yvir­upp­ hiting av bú­skapi­num. Onki er meldað út um, hvørjar íløgur talan er um, sum skulu útsetast, men tað er klárt, at tær íløgur, sum eru farnar í gongd halda fram. Løgmaður segði í seinastu viku, at tað fyrst og fremst snýr seg um, at tað almenna sendir signal um, at tað al­ menna ikki hellir meira ben­ sin á upphitingina. Hann legði afturat, at skulu onnur gera tað sama, so má landið ganga á odda. Orkuspurningurin Fleiri mnál vóru viðgjørd á fundinum á Viðareiði. Millum annað var fokus á orku. Í samgonguskjalinum stend­ur, at Føroyar á land­ ið skulu vera leysar av olju í 2030. Fyri at røkka hes­ um málið er neyðugt, at broytingar verða gjørdar nú. Serkunnleikin greiddi lands­stýrisfólkunum frá, hvørjir møguleikar eru og hvat kann gerast. Ein stór frágreiðing er gjørd og latin landsstýrinum fyri vikum síðani og eftir hesi frágrediðing ber væl til at gera Føroyar leysar av olju á landi í 2030, men tað krevur politiskar avgerðir og tað fer eisini at kosta rættuliga nógvar hundraðtals milljónir. Í løtuni verður arbeitt við at gera tvær vindmyllulundir afturat. Onnur verður gjørd í Suðuroy, meðan hin verður gjørd á Eiði. Hetta er ein partur av tí, sum skal gerast, men í frágreiðingini, sum lands­ stýrið hevur fingið, so skal munandi meira til. Umframt vindmyllur, so skal vatnorkan eisini út­ byggjast. Ein leið er at gera pumpu­skipanir, riknar við vind­orku, sum pumpa vatn upp­aftur í byrgingarnar, so vatnið kann brúkast til turbinurnar meira enn eina­ ferð. Fyri at hetta kann lata seg geraz, krevst eisini, at byrgingarnar í Vest­manna­ økinum verða gjørdar einar 20 metrar hægri. Eisini tað kostar. Vitan Ongar avgerðir vóru tiknar á Viðareiði viðvíkjandi orku, men lkandsstýrið fekk samla eina vitan um, hvat skal gerast fyri at røkka mál­ unum og hvat hetta fer at kosta. Onnur mál um íløgur vóru eisini viðgjørd, men enda­ligar niðurstøður eru ikki gjørdar. Í hesi vikuni fer lands­ stýrið – saman við sam­ gongu­um­boðunum í fíggjar­ nevndini – til Skálavíkar. Á fundunum har, er tað fyrst og fremst raksturin fyri næsta ár, sum skal fáast uppá pláss. Hetta er seinasta fíggjarlógin undan einum løgtingsvalið, so alt bendir á, at hendan fíggjarlógin verð­ ur torfør at gera. Tíðirnar eru góðar, so ting­fólk bera nógv krøv fram um íløgur og ábøtur í teirra egnu økjum. Hetta er ikki nakað eindømi, tí soleiðis er tað altíð, tá ið seinasta fíggjar­lóg skal gerast undan einum vali. Hvussu tað spælir av hesaferð er ilt at meta um, men bæði løgmaður og lands­stýriskvinnan við fíggjar­málum hava sagt, at talan verður ikki um nakran gávuposa. Tunnilsøðin hevur víst seg í vár og í summar, men tað sær út sum hon er mink­ að nakað nú. Kortini skal Løgtingið á komandi fund­ um viðgera eitt uppskot frá 11 andstøðutingfólkum um at framskunda tunlarnar Norð um Fjall. Spurningurin er, hvat sam­gongutingfólkini í norður­økinum fara at gera við tað uppskotið, sum mælir til at Norðoyatunnilin fær heimild at gera fyri­reik­ ingarnar til tunnil Norð um Fjall. Óluva Klettskarð, sam­ gongu­ting­limur, segði al­ ment herfyri, at hon heldur ikki, at talan er um eitt gott upp­skot. Hon heldur, at hetta skal gerast, sum ein al­ menn íløga, eins og vanligir tunnl­ar. Kanska eitt tekin um, at hon ikki fer at taka undir við and­støðuuppskotinum. Samgongan til Skálavíkar at gera fíggjarlog fyri 2019 Óluva Kledttskarð, Tjóðveldi, heldur at tunlarnir Norður um Fjall skuilu gerast eftir sama leisti, sum aðrir tunlar á landi Aksel V. Johannesen, løgmaður, hevur sagt, at ætlanin hjá tí almenna um íløgur skal útsetast nakað Kristina Háfoss, landsstýriskvinna við fíggjarmálum, sigur, at hon ætlar at sita tungt á lokinum á landskassanum