týsdagur 4. september 2018síða 16

Mikudagur 5. september 2018 · Nr. 102 16 Sosialurin Hugskot og viðmerkingar – send sms til 225000 FÓTBÓLTUR Tróndur Arge – Hoyvíksvøllurin Undan hvørjum landsdysti seinnu árini, hevur Sosialurin gjørt eina støðumeting av landsliðshópinum. Tað er langtsíðani, um nakrantíð, at støðumetingin hevur verið betri enn hon er í dag. Á næstan øllum plássum eru fleiri boð, meðan flestu útisetarnir eru í framgongd. Tað merkir ikki, at føroyska landsliðið bara fer at vinna sínar dystir, men tað merkir, at grundarlagið fyri at vinna dystirnar er betri enn tað hevur verið fyrr. Gunnar Nielsen, FH (Íslandi) Hann er okkara fyrsta val millum stengurnar, men ein av teimum fáu, sum ikki hevur havt beinleiðis viðrák seinastu tíðina. Hann spælir tó fast fyri FH, men avrikin hjá íslendska felagnum eru einki at reypa av í løtuni, meðan evropesiska ævintýrið helst bleiv eitt umfar ov stutt. Er í dystarformi og spælir heilt víst báðar dystirnir. Teitur M. Gestsson, HB Er annað val á landsliðnum í løtuni. Hevur havt eitt gott kappingarár við HB, sum liggur greitt á odda í Betri deildini. Tað er ongin ivi um, at hann er eykamálverji á landsliðnum, men hóast hann er 26 ára gamal, so er talan um ein royndan málverja. Kristian Joensen, KÍ Er aftur á landsliðnum, eftir at hann hevur vunnið sær fast pláss á liðnum hjá KÍ. Hevur havt nøkur javnt góð avrik í ár, sum gera at hann er eitt natúrligt val hjá landsliðsvenjaranum. Hevur eisini verið á landsliðnum fyrr, og dugur tí eisini spælið rundanum landsdystirnar. Atli Gregersen, Víkingur Hóast Atli Gregersen er blivin 36 ára gamal, so hevur hann sjáldan sæð betri út, enn hann ger í dag. Hann er væl fyri og hevur tikið leiklutin sum liðskipara til sín. Tað gongur ikki væl hjá Víkingi, men við sínum fýra dystum í Evropa í summar, so er Atli Gregersen væl fyri. Hartil fekk hann mál seinast landsliðið spældi. Hann tykist sjálvskrivaður á liðnum til dystirnar móti Malta og Kosovo. Sonni Ragnar Nattestad, AC Horsens (Danmark) Hevur júst skift felag til AC Horsens í Superliguni. Hann hevur havt eitt gott hálvt ár í Aalesund í Noreg, men hevur ikki spælt nógv í seinastuni. Hann toppar nokk ikki beint nú, men nógv bendir á at miðverjin er svangur og vil prógva seg. Er hann kropsliga klárur til báðar dystirnar, so er torført at ímynda sær eitt landslið uttan hann á vøllinum. Odmar Færø, B36 Hevur havt eitt framúr ár fyri B36, har hann javnan er besti maðurá vøllinum. Prógvaði í HM- undankappingini, at hann er til reiðar at spæla á landsliðnum. Spurningurin er bara, um Lars Olsen fær pláss fyri honum, um liðskiparin og Sonni Ragnar byrja inni. Tíðin hjá Odmari Færø skal nokk koma, spurningurin er bara hvønn leiklut hann fær í hesum báðum komandi dystunum. Heini Vatnsdal, Fremad Amager (Danmark) Miðverjin í Fremad Amager er endiliga við aftur á landsliðnum. Fleiri ferðir hava boð verið eftir honum, men serliga skaðar hava drillað til landsliðsferðirnar. Hann hevur evnini og eginleikarnar at gera seg galdandi á landsliðnum, men í løtuni er trongt í miðverjuni. Okkurt bendir á, at Heini Vatnsdal í løtuni er nummar fýra í rekkjuni av miðverjum, men tað kann broytast við tíðini. Spælir fast og tað hevur nógv at siga. Viljormur Davidsen, Vejle BK (Danmark) Hevur tikið stigið úr næstbestu deildini upp í Superliguna saman við Vejle. Hevur spælt hvønn tann einasta minutt fyri Vejle BK í hesum kappingarárinum. Hevur í eina tíð verið ein týðandi spælari fyri bæði landsliðið og Vejle. Tað er ikki broytt, og helst spælir hann frá byrjan í báðum dystunum. Fekk kappingin frá Ára M. Jónsson í farnu undankapping, men hann er skaddur í løtuni. Eitt trygt og gott kort á vinstra bakki. Alex Mellemgaard, B36 Kappast við Magnus Egilsson um at verða annað val á vinstra bakki. Hevur verið rundan um landsliðið tvær ferðir fyrr. Hevur havt trupulleikar við skaðum, men hevur sæð gott út hetta kappingarárið. Hevur spælt í Evropa fyri B36, umframt at hann fekk ein landsdyst á Marbella fyrr í ár. Tað telur alt upp í altjóða royndum. Hóast hann er 26 ár, so er Alex ikki ein “brúktur” spælari, sum kann hava nógvar kilometrar eftir í sær. Magnus Egilsson, HB Er nýggjur á landsliðnum og helst aftanfyri Alex í røðini av vinstri bakkum, men hevur ein fyrimun í hæddini og styrkini. Hevur havt eitt framúr kappingarár við HB, har hann passar væl inn í stílin hjá Heimi Guðjónsson. Verður nú vigaður av landsliðsvenjaranum. Hann hevur verið við øllum ungdómslandsliðunum, so hann veit hvat tað gongur út uppá. Gunnar Vatnhamar, Víkingur Hevur fingið fótin innum á landsliðnum og tykist passa væl til landsliðstýpuna. Hann er stórur, sterkur og hevur ein stríðsvilja, sum vit mangan hava brúk fyri. Hevur ikki havt sítt besta kappingarár fyri Víkingi, men hann spælir hvørja ferð. Í løtuni er hann í spæl til høgra bakkin, nú Jónas Tór Næs er skaddur. Tað sær út til, at hann helst fær nakrar minuttir, men spurningurin er um tað er frá byrjan? Støðumeting: Málverjan: Verjan: HELST BESTA LANDSLIÐIÐ NAKRANTÍÐ Føroyska landsliðið skal komandi dagarnar spæla móti Malta og Kosovo í Nations League. Tað er ivasamt, um ein støðumeting av landsliðnum nakrantíð hevur verið betri. Við Jóan Símuni Edmundsson á topp, eru næstan allir spælararnir í viðgongd