hósdagur 6. september 2018síða 12

FRÍGGJADAGUR 7. SEPTEMBER 2018 SOSIALURIN 103 12 Byggivinna TEMA: Byggivinna Meðan flestu byggifeløg siga seg hava úr at gera í hesum døgum, so metir Kjartan Hansen, stjóri í byggifelagnum Kanjon, at øgiliga munur er á virkseminum í høvuðsstaðarøkinum og restina av landinum HALLUR AV RANA F øroyska byggivinnan hevur í miðal tryggjað sær arbeiði 16 mánaðir fram. Tað staðfestir Bú­ skapar­ráðið í nýggjastu heyst­frá­ greiðingini, har nógv verður gjørt burturúr, at byggivinnan er undir stórum trýsti av nógvum bílegg­ ingum. Hagtølini hjá Búskaparráðnum vísa eisini, at meðan tørvandi eftir­ spurningur var ein stórur trupul­ leiki frá 2008 og fram til januar 2014, so er tað als ikki nakar trupulleiki hjá fyritøkum at fáa arbeiði í dag. Í konjunkturbarometrinum hjá Hagstovu Føroya fyri byggi­ vinnu­na, har spurt verður um av­markingar í arbeiðinum, er tað í eingin sum svarar í juni 2018, at tørv­andi eftirspurningur er ein av­ marking. Tað er fyrstu ferð síðan januar 2009, at eingin nevnir tað sum ein trupulleika í byggivinnuni. Nokk av arbeiði Eitt spurnarumfar millum nøkur av størstu byggifeløgunum í Før­ oy­um staðfestir eisini, at tey flestu hava nokk at takast við. Stjórarnir í Eysturlon, Articon, Bú­setur og Húsavarðatænastuni greið­ir allir frá, at tey hava nokk at gera og eru við í fleiri verkætlanum í høvuðsstaðnum og kring landið. - Tað er eitt stórt trýst á í løtuni. Vit hava so nógv í løtuni, at vit taka tað burturúr, ið vit halda passar til okkum. Sum nú er, hava vit bundið okkum til arbeiði í eitt ár fram. Vit klára slett ikki at gera alt tað, ið vit verða bidnar um, sigur Jógvan Hans Østerø, stjóri í byggi­ felagnum Eysturlon. Sama søga er at hoyra frá Sjúrða Holm, stjóra í Búsetum. Byggifelagið fæst mest við miðalstórar og stórar verkætlanir. - Vit hava nokk av arbeiði í løtuni og hava arbeiði fram til 2020. Vit arbeiða millum annað við Articon í skúla­num á Fløtum, umframt at vit hava aðrar uppgávur í Eysturoynni og Havnini, sigur Sjúrður Holm. Byggifelagið Húsa­varða­tæn­ ast­an arbeiðir í løtuni við millum annað Lands­sjúkra­húsi­num, Musikk­skúlanum í Havn og Hotel Atlantic. Eisini har er arbeiði tryggjað nøkur ár fram. - Tað stendur væl til og vit hava nógv at gera. Vit hava arbeiði fram til 2020, men tað er ikki til øll starvs­fólkini. Tað eru kanska tjúgu pro­sent av starvsfólkunum, ið eru knýtt at teimum verkætlanunum. So vit skulu hava nýggj tilboð alla tíð­ina, sigur Sámal Erik Hentze, stjóri í Húsavarðatænastuni. Størsta byggifelag í Føroyum er Articon og hevur felagið úr at gera við privatum og almennum verk­ætlanum, harímillum smolt­ støðin hjá Bakkafrost á Strond í Norð­oyggj­um, nýggja orkuverkið hjá SEV á Sundi og skúlanum á Fløtum. - Vit hava nógv at gera og tað merkja vit, tí tað er trupult at fáa fatur á arbeiðsfólkum. Tað sær gott út við ordrum og hava vit nógv arbeiði langt fram, sigur Jón Sigurðs­son, stjóri í Articon. Munur á Kjartan Hansen, stjóri í byggi­felag­ num Kanjon, ið hevur heimstað í Klaksvík, kann tó ikki taka undir við hinum stjórunum. - Tað er øgiligur munur mill­um tær fyritøkur, ið arbeiða í høvuðs­ stað­num og so teimum, ið arbeiða í restina av landinum. Eg kenni meg slett ikki aftur í lýsingini hjá Búskaparráðnum, um at nógv virk­semi er í byggivinnuni, sigur Kjartan Hansen. Meðan fleiri byggifeløg í høvuðs­staðnum hava tryggjað sær arbeiði fleiri ár fram í tíðina, so er støðan øðrvísi hjá Kanjon. - Okkara ordrabøkur eru ikki meira enn tríggjar mánaðir fram, meðan vit vita, at onnur feløg kunna hava arbeiði upp til trý ár fram. So tað er øgiligur stórur munur á hvar í landinum man er stadd­ur, sigur Kjartan Hansen. Sjálvur eftirlýsir hann, at Bú­ skapar­ráðið mælir til at spjaða virksemi kring landið, so tað ikki einans verður bygt í høvuðs­stað­ num. - Eg sakni eitt tilmæli, har mælt verður til at gera íløgur í økjum, har tað ber til at byggja fyri ein rími­ ligan kostnað. Sum nú er, so bygg­ir man næstan bara í einum yvir­upp­ hitað­um øki, sigur Kjartan Hansen. HALLUR@SOSIALURIN.FO ØGILIGA MUNUR Á