hósdagur 6. september 2018síða 25

FRÍGGJADAGUR 7. SEPTEMBER 2018 SOSIALURIN 103 25 bara ein ella tveir dagar frí, men næstan øll venjing er við bólti. Vit spældu eisini einar sjey ella átta venjingardystir fyrstu tíðina. Vit skulu spælast í form, greiðir tofta­ maðurin frá. Hann sigur eisini, at tað til venj­ ing oftani verður spælt á fullum vølli, har tað eru ellivu móti ellivu. Tað gevur eisini nógvar renningar í høgari ferð. -Vit spæla 4-4-2 við høgum trýsti. í fjør var Arminia Bielefeld tað liðið, sum rann flestar kilometrar bæði í Bundesliguni og 2. Bundesliguni, sigur Jóan Símun, sum somuleiðis letur væl at fótbóltinum í 2. Bundes­liguni. -Higartil hava øll liðini lopið á. Tey vilja gjarna fram á vøllin, meðan eitt nú í Danmark eru tað fleiri, sum leggja nógv fyri í verjuspælinum og spæla upp á mótálop. Her snýr tað seg meiri um at leypa á. Tað dámar mær væl, sigur føroyski landsliðsspælarin. Venjari hjá Arminia Bielefeld er úr Luksemborg og eitur Jeff Saibene. Hóast hann er úr eini av smærru tjóðunum, so er virðingin fyri honum stór. -Eg havi ikki upplivað annað. Eg havi bara positivt at bera hon­ um, men eg haldi eisini at her í Týsk­landi, so hava øll virðing fyri venjara­num, sigur toftamaðurin við einum smíli. Svaraði spurninginum við at skora Tað kom eitt sindur óvæntað á Jóan Símun, at hann skuldi spæla við frá byrjan í fyrsta dystinum í hes­um kappingarárinum. Hann var skaddur seinastu vikurnar undan kappingarbyrjan, og tað kend­ist sum, at onkrir spælarar ikki heilt skiltu hvussu hann kundi byrja inni. -Eg hevði verið skaddur í tvær vikur, so teir hava sikkurt hugsað sítt, men so var gott at eg fekk svarað aftur við einum máli, sigur Jóan Símun og leggur afturat. -Tað er týdningarmikið við ein­um góðari byrjan, tí fyrsta mynd­in fólk fáa av tær plagar at standa við. Nú eru tað ikki bara málini sum telja hjá mær, tá eg spæli á høgra kanti, men tað hjálpur væl, sigur toftamaðurin. Hugsar øðrvísi nú Jóan Símun Edmundsson tók eitt stórt fet, tá hann sum ungir tann­ár­ingur fór av Toftum til Newcastle. Í dag er tankagongdin eitt sindur øðrvísi. -Eg var ikki til reiðar at fáa a vita, at eg ikki var nóg góður í Newcastle. Tá tú ert ungur, so hugs­ar tú nógv um alt tú skal náa, hvussu langt tú kann sleppa og eitt vána­ligt avrik setur síni spor. Í dag hugsi eg meiri um næsta dystin. Eg royni bara at njóta hvønn dyst, sigur toftamaðurin umhugsin á málinum. RAUS, so skalt tú renna skjótt Føroyski landsliðsspæalrin blívur nærmast flovur, tá hann verður spurdur, um hann hevði týskt í skúlanum. -Eg tori ikki at siga, at eg hevði týskt í skúlanum so lítið eg lærdi. Tá væntaði eg aldrin, at eg fór at skula brúka tað til nakað, sigur Jóan Símun og ristur við høvdi­ num. -Eg skilji eitt sindur av tí teir siga, tá vit eru á vøllinum. Eg fái eisini eitt sindur av undirvísing. Eg veit, at tá teir rópa “RAUS”, so skal eg til at renna skjótt, sigur Jóan Símun Edmundsson og flennur. Hann ætlar sær ikki uppfrá, bara tí hann er valdur til besta spælaran hendan mánaðin í nýggja felag­num. Jóan Símun Edmundsson er blivin búgvin bæði í orðum og spæli. Hann livir nú fótbóltsdreymin og tað kunnu vit í Føroyum njóta gott av, tá landsliðið í kvøld spælir móti Malta í Nations League. -Hetta er fótbóltur. Tað gongur skjótt. Tú kanst søkka langt niður og missa mótið, men tað er eisini skjótt upp aftur. Tá snýr tað seg um at halda fast í góðu gongdini, sigur tofta­maðurin at enda. Hann er ímyndin av, at tað ber til, hóast vegurin upp á toppin hev­ ur nógvar avbjóðingar. TRONDUR@SOSIALURIN.FO Fakta: Navn: Jóan Símun Edmundsson Føddur: 26. juli 1991 (27 ár) Foreldur: Ann Poulsen og Edmund Jacobsen Systkin: Hákun og Andrias Edmundsson Landsdystir: 47 landsdystir / 6 mál Yrkisleið: 2008–2010 B68 2010–2012 Newcastle United (Ongland) 2011 Gateshead (útleigaður) 2012–2013 Viking Stavanger (Noreg) 2012 Fredericia, Dk (Danmark) 2014 AB 2014–2015 HB 2015 Vejle Boldklub 2016–2018 Odense Boldklub 2018– Arminia Bielefeld Jóan Símun Edmundsson er elsti beinngin av trimum. Hann er 27 ára gamal. Miðlingurin, Hákun, er 22 ára gamal og spælir við KÍ, meðan yngsti beiggin er Andrias Edmundsson. Hann er 17 ára gamal og spælir við ung­ dóms­liðnum hjá Sunder­land í Ong­landi. -Vit eru uppvaksnir hundr­ að metrar frá vøllinum, so fót­ bólt­urin er ein partur av okkum. For­eldrini hava altíð stuðlað okkum. Teir koyra eisini á og eg vóni, at teir klára tey mál, sum teir hava sett sær, sigur Jóan Símun Edmundsson. Foreldrini, Edmund Jacob­ sen og Ann Poulsen, eru í løtu­ni á ferð, har tey hava verið í Týsk­ landi og Onglandi og vitj­an. Í Týsklandi er Jóan Símun millum annað farin í holt við eini meiri vegetariskan kost, sum ráðgevarnir í felagnum ráða til. -Eg royni onkuntíð at siga okkurt víðari, men swerliga Hákun, hann lutar ikki eftir Tá er Andrias eitt sindur lættari at ávirka, sigur Jóan Símun við ein­um smíli. Hóast Newcastle og Sunderland er avrafíggindar í enskum fótbólti, so telur familj­an meir. -Vit hugsa ikki um Newcastle og Sunderland, men vit vita hvat tað gongur út uppá. Onkuntíð mást tú fara við knobbunum fyrst í eina takling. Tu sleppur heldur ikki altíð í gjøgnum nálar­eyga, men tú mást bara halda fram við at blíva betri, sigur Jóan Símun Edmundsson og leggur afturat: -Eg dugdi ikki at takla tað, tá eg bleiv valdur frá í Newcastle, men tað má Andrias læra seg í Sunder­land, um tað hendir, sigur stóribeiggin. TRONDUR@SOSIALURIN.FO EDMUNDSSON BEIGGJ­ ARNIR GERA UM SEG