hósdagur 6. september 2018síða 43

VIKA 35 • 10. SEPTEMBER 2018 11 ÓKEYPIS LÝSINGARBLAÐ Kommunur týðandi partur í altjóða átaki - Á sjálvum ruddingardegnum verða posar, handskar og vestar deildir út eftir tørvi, siga tey, sum fyriskipa átakið í Føroyum Vilmund Jacobsen U mhvørvisátakið - Rudda Føroyar – hevur leingi arbeitt við at fyriskipa føroysku luttøkuna í altjóða ruddingardegnum, hin 15. september. Átakið hevur lagt ein samskipanarleist og hevur latið kommunurnar, sum eru við í átakinum, vita, hvussu tey ynskja, at komm­ unurnar taka hond um dagin. - Landið er deilt upp í fylgjandi landspartar til samskipan: * Vágar * Norðurstreymoy * Suðurstreymoy * Norður Eysturoy * Suður Eysturoy * Norðoyggjar * Sandoy * Nólsoy * Norður Suðuroy * Suður Suðuroy Samskiparar skráseta dálkað støð í sínum øki, halda fólki og feløgum til at rudda og seta dálkað støð saman við hóskandi ruddarum. - Á sjálvum ruddingardegnum verða posar, handskar og vestar deildir út eftir tørvi, og tað er Betri, sum stuðlar við posum og vestum. Átakið vísir á, at ruddarar melda seg til um heimasíðuna, sum sæst á síðu 4 í Vikublaðnum í dag, og her er eisini neyvari kunning um dagin og átakið. - Átakið Rudda Føroyar samstarvar eisini við Føroya Skótaráð, sum umboðar øll lands­ ins skótafeløg. Hesi koma at virka sum hjálpar­ toymi hjá ymiskum samskiparum, soleiðis at alt praktiskt kann fremjast, eitt nú at manna ymiskar postar í arbeiðnum. Avtala er eisini við Samskip, sum letur bingjur til átakið, soleiðis at hesar kunnu setast upp við innsavningarstøð, har burturkast ikki kann beinast beinleiðis til IRF ella KOB. - Kommunurnar hjálpa til at avgreiða rudd­ ingarnar við at beina innsavnaða burtur­kastið til IRF ella KOB, leggja tey aftrat, sum standa aftan fyri átakið, Rudda Føroyar. Klaksvíkar kommuna telist millum kommunurnar, sum er við í umhvørvisátakinum, Rudda Føroyar