hósdagur 13. september 2018síða 5

FRÍGGJADAGUR 14. SEPTEMEBER 2018 SOSIALURIN 106 5 ÁKI BERTHOLDSEN – Eg haldi, at vit mugu fáa eitt kjak á Løgtingi springarar, og um vit framvegis skulu drepa springara í Føroyum. Tað heldur Kaj Leo Holm Johannesen, løg­ tingsmaður fyri Sambandsflokkin. Hann heldur nevniliga, at spurningurin er so álvarsligur, at tað er rætt, at Løgtingið fær høvi til at kjakast um hann, leggur hann afturat. Og hann ætlar sær sjálvur at syrgja fyri, at spurningurin kemur til viðgerðar í Løg­tingi­num, tí nú fer hann at seta Høgna Hoy­dal, landsstýrismanni í veiðimálum, ein skriv­ligan spurning um springaradráp. –  Eg fari at spyrja landsstýrismannin um hann ikki heldur, at vit eiga at gevast við at drepa springara, sigur Kaj Leo Holm Johanne­sen. Vit skulu gevast Sjálvur er løgtingsmaðurin fyri Sam­bands­ flokk­in ikki í iva um, at føroyingar eiga at halda upp at drepa springara. Og tað heldur hann at vit eiga at gera, tí springaradráp er drepandi fyri okkara um­ dømi uttanlands. – Eg veit, at springaradráp ávirkar okkara ut­flutning og okkara ferðavinnu, og eg haldi, at tað er skevt at leggja okkara útflutning und­ir eitt óneyðuga stórt trýst av hesum áv­um, heldur hann. – Eg eri samdur í, at útlendingar skulu ikki gera av, hvussu vit skulu liva í Føroyum, men eg haldi, at tað er ein spurningur, hvussu nógv vit skulu seta í vága, bara fyri at sleppa at drepa nakrar fáar springarar av og á, legg­ ur hann afturat. Kann tykjast barnsligt Kaj Leo Holm Johannesen sigur, at í høvdi­ num á útlendingum, er springari á einum heilt øðrum stigi enn grindahvalur er. – Tað kann tykjast barnsligt hjá okkum før­oy­ingum at tosa um, hvussu fittur ein springari sær út. Men spyr so teir útlendingar, sum bara eru vanir við springara frá Sea World og Disney, og filmunum um Flipper, legg­ur hann afturat. – Hjá teimum er springari á einum heilt øðr­um stigi, tí tey hava eina heilt øðrvísi fat­ an av, hvussu fittir springarar eru. – Og eg veit at allar myndirnar, og øll films­brotini, sum verða varpað um allan heim­in, eru ógvuliga skaðandi fyri okkara um­dømi uttanlands, og sostatt er tað eisini ógvuliga skaðiligt fyri okkara útflutning og okkara ferðavinnu. – Eg veit av royndum, hvussu stóra ávirk­ an myndir í sjónvarpi hava. Eg kom í starv á Fiskasøluni seinast í áttatiárunum, tá ið týskarar gjørdu eina stóra gølu burtur úr sand­maðki í føroyskum upsa. – Tá varð ein mynd av einum sandmaðki størk­að fleiri túsund ferðir, so at hann fylti allan sjónvarpsskermin. Avleiðingin av, at allur útflutningir av upsa til Týsklands bráðsteðgaði. Kann ikki samanberast Kortini heldur hann ikki, at vit skulu gevast at drepa grind, tí hann heldur, at tað ber ikki til at saman­bera grindadráp og springara­ dráp. Tí er hann eisini sandførdur um, at fyri tað um vit gevast at drepa springara, er tað ikki at kasta handklæði í ringin og geva eftir fyri trýsti frá umhvørvisfelagsskapum. – Tað er gamalt at drepa grind í Føroyum, men tað er ikki gamalt at drepa springa. Og skulu vit hugsa um at marknaðarføring okk­ um uttanlands, er springaradrápið nógvar ferð­ir álvarsligari enn grindadráp er, sigur Kaj Leo Holm Johannesen. – Tí er tað toppmált idioti at vit seta okk­ um í ta støðu, at myndir fara um allan heimin, har tað tekur fleiri minuttir at taka lívi av ein­um springara, heldur løgtingsmaðurin fram. Annars minnir hann á, at um­hvørvis­ felags­skapir hava verið eftir okkum í yvir 30 ár fyri at drepa grind, men tað hevur ikki rinið nakað serligt við. Men hann stúrir fyri, at drepa vit springara, verður tað øðrvísi, tí hóast alt, hevur springari eina heilt aðra støðu í høvdi­ num á fólki enn grind hevur. Og hann leggur afturat, at hann hevur ongan­tíð smakkað springara, og hann kundi heldur ikki funnið upp á at sett tenninar í springara­tvøst. Men grindini hevur hann einki ímóti. Les meira um málið á síðu 10-11. Springaradráp skal nú við­gerast í Løgtinginum – Eg kundi ikki funnið upp á at etið springara, sigur Kaj Leo Holm Johannesen, løgtingsmaður. Nú fer hann at spyrja Høgna Hoydal, um vit ikki eiga at banna springaradrápi – Tað er toppmált idioti at seta so nógv í vanda fyri at sleppa at drepa nakrar fáa springarar av og á, heldur Kaj Leo Holm Johannesen, løgtingsmaður Umhugsin Nærverandi Ítøkiligur MIÐFLOKKURIN SJÁLVANDI hvørt vikuskifti í Sosialinum Mia av Kák Joensen Eg eiti Mia av Kák Joensen, eg eri gift og havi 5 børn. Eg tók læraraútbugving í 2009 og havi síðani tá starvast sum lærari í skúlanum við Løgmannabreyt og í Sørvágs Skúla. Mær dámar sera væl at vera lærari, at vera saman við børnum er lívgevandi. Síðani 2006 havi eg verið aktiv í Miðflokkinum, eg havi verið upsstillað nakrar ferðir og havi verið í floksstjórnini alla tíðina, eina tíð sum floksstjórnarleiðari. Eg velji Miðflokkin, tí eg kann føla meg trygga í tí, at óansæð hvønn eg velji, og hvør kemur inn á Ting fyri Miðflokkin, so fer viðkomandi altíð at arbeiða fyri teimum málunum, sum liggja mær mest á sinni, og tað er, at Føroyaland skal verða bygt á lógir, sum byggja á Guds orð og prinsippir. T.d. at ófødda barnið fær loyvi til at liva, og at lívið skal steðga við natúrligum deyða. Skúlin má aftur gerast eitt trygt stað fyri børn og foreldur! " gå nu hjem og dyrk jeres sexualitet, gerne med en af jeres eget køn". Tú øtast, men hesi ráð fingu ósek, føroysk skúlabørn í fleiri av skúlum okkara frá vitjandi dønum, hvørs tilboð um vitjan, skilaleysir lærarar høvdu takka ja til. Góðtrúgvin senda foreldur børn síni frá húsum morgun eftir morgun, og vænta umsorgan, læru og menning. Men bráddliga verða dyrnar latnar víðar upp fyri vargum, sum miðvísir og náðileysir leggjast á óseku børnini. Skúlin er ikki, eins lítið og almenna kringvarpið, ein stovnur, sum tilvildarlig starvsfólk ella vitjandi kunnu brúka til at breiða út teirra politisku- ella aðrar hugsjónir! Foreldur mugu kunna kenna seg trygg, vitandi at skattapeningurin, ið hvønn mánaða verður trektur av løn teirra at fíggja m.a. skúlaverkið, ikki verður misbrúktur av einari ábyrgdarleysari hugsjón/ ideologi, hvørs endamál er at traðka kristnu virðini undir fótum! Lærarar, ið lata seg brúka til tílíka miðvísa reingjan, eiga at verða mintir á fólkaskúlalógina, hvørs endamálsorðing er púra greið og ljóðar: *Fólkaskúlin skal í sátt og samvinnu við foreldrini hjálpa til at geva næmingunum eina kristna og siðalagsliga uppaling. Meta hesir, ella onnur, at orðingin ikki er nóg greið, vil Miðflokkurin fegin hjálpa til við broytingaruppskoti, sum kann taka burtur tað, ið mett verður ógreitt at vera. Tó meta vit, og uttan iva allarflestu føringar, at lógin er ivaleysa greið. At nøkur enn liva í einari farnari tíð og droyma kommunistiskar dreymar um, at staturin eigur ognarrættin til børnini, er ongin ivi um. Men hesi, eins og vit onnur, mugu virða lógir landsins ella fara rættar leiðir fyri at fáa tær broyttar. Harrin havi tøkk fyri tað friðskjól, kristnu frískúlarnir eru! Við teimum sum fyrimynd má bera til at endurskapa almenna fólkaskúlan. www.midflokkurin.fo MIÐFLOKKURIN Løgtingsvalið komandi verður eitt virðis- og lagnuval fyri Føroyar (Miðflokkurin) Vangamynd