hósdagur 13. september 2018síða 7

FRÍGGJADAGUR 14. SEPTEMEBER 2018 SOSIALURIN 106 7 av og á frá skúlanum fyri at fara oman á lokalu net-kaféina at spæla, viðgongur hann. Jóhan útviklaði eitt mynstur, sum fekk tey rundan um hann at ørkymlast. Familjan, lærarar og lestrarvegleiðari stúrdu fyri mangl­andi huginum til skúlan og vaks­andi huginum til telduspælið. - Tá mann skulkar frá skúlanum fyri at spæla teldu, kann tað gott síggja út sum, at framtíðin kann blíva hørð. So eg skilji jú væl, at fólk vóru ørkymlað um mína framtíð tá. Jóhan Sundstein byrjaði í tekn­ iska skúla, har hann steðgaði eftir eitt hálvt ár fyri seinni at fara í studentaskúlan. Men hann fann ongan­tíð røttu motivatiónina til at ganga í skúla og gavst eftir eitt ár á skúlabonkinum. - Skúlin var ikki so góður fyri meg, og eg helt tað var ringt at hava hug og motivatión til skúlan, sigur Jóhan, sum byrjaði at tjena fleiri og fleiri pengar til Dota-kappingar og nú vildi gera alt fyri at útliva sín dreym um at náa hægstu tindarnar í internet-ítrótti. - Tey rundan um meg vóru sjálv­ andi ikki so glað fyri, at eg ikki helt fram í skúlanum. Men familjan hevur allíkavæl altíð stuðlað mær, og tá eg byrjaði at tjena eina fasta mánað­arløn gjøgnum spælið, vóru tey ikki so ørkymlað meir, for­ telur Jóhan, sum er abbasonur fyrr­verandi løgmann, Jógvan Sundsstein. Eitt undirmett OG lið tók øll á bóli The International er fremsta málið hjá øllum Dota-spælarum og tað absolutt størsta, ein geymari kann uppnáða yvirhøvur. Í mun til fót­ bóltsheimin kann TI, sum tað verður stytt, best samanlíknast við HM í fótbólti, og í frælsum ítrótti svarar tað til OL. Í ár var kapp­ingin í Vancouver í Canada, og vinningurin á 72 milliónir er størsti vinningurin í internet-ítróttasøguni. Jóhan ‘N0tail’ Sundstein og hinir fýra frá OG liðnum høvdu fleiri avbjóðingar og trupulleikar áðrenn kappingina. Bara tríggjar mánaðir áðrenn, broyttist teirra lið fullkomiliga við útskiftinum og nýggjum spælarum, og tveir á lið­num høvdu ikki luttikið í stórum kapp­ingum í longri tíð. Haraftrat var undanfarna kappingin hjá OG merkt av keðiligum úrslitum, so útlitini fyri at vinna finaluna um heimsmeistaraheitið vóru so ring, sum tey yvirhøvur kundu vera. - Vit vórðu mettir at vera tað vánaligasta liðið við minstum kjansi at vinna. Øll høvdu roknað við, at vit endaðu aftast, fortelur Jóhan Sundstein, sum heldur, at tað bara var ein fyrimunur fyri teir at vera so undirmettir. - Tann torførasta støðan at spæla frá er frá favorittinum. Ert tú favorittur, er tað altíð truplari at vinna, tí tá spælir mann undir so stórum trýsti. Men N0tail og restin av lið­ num gjørdu tað, sum eingin hevði væntað og sigraðu á mót­støðu­lið­ num í finaluni við teirra sermerkta spæli­stíli. - At koma inn sum underdog og vinna alt, var ein øgiliga feit upp­ living, sigur føroyski úr­mæl­ingur­ in, sum ikki dugir at lýsa kensluna, tá teir vunnu. - Eg havi kempað fram ímóti hesari kappingini í fleiri ár. Tað er hetta, allir Dota-spælarar fara eftir sum tað fremsta málið. Tað var bara fantastiskt at vinna, og orð kunnu slett ikki lýsa tað, sigur Jóhan glaður og errin. Tær 72 milliónirnar verða býttar sundur til teir fimm í OG, og nøkur heilt fá prosent fara til umsiting í felag­num. Tað er ikki fyrstu ferð, Jóhan Sundstein vinnur stórar peninga­upphæddir í Dota 2, og før­oyski millióningurin hevur enn ikki gjørt av, hvat hann skal brúka allar pengarnar til. - Tað er jú ein yvirdrivin pen­inga­ upp­hædd. Teir flestu pengarnir verða nokk ikki brúktir enn. Tað einasta, eg havi keypt mær inntil víðari, er ein song, og tað næsta verður nakrar føðingardagsgávur, eg skal orðna í vikuni, sigur hann. - Løgið at vera ein fyrimynd Góðu úrslitini, skemtingarsama sinnið og lætta lyndið hjá Jóhan ‘N0tail’ Sundstein ger hann til eina fyrimynd hjá túsundavís av geymarum kring heimin. Hann telist millum teir Dota-spælarar við størsta fjepparaskara yvirhøvur og á internetinum hevur fann bæði fjeppara­síður og videobrot, sum fjeppar­ar hava gjørt av honum. Tá kappingar eru, verða tær stroymdar á netinum, soleiðis at fólk kunnu fylgja við eins og við t.d. fótbóltsdystum. Fólk kring allan heimin hava leingi fylgt við leið­ini hjá ‘N0tail’ á síðum sum Twitch og Youtube, men Jóhan hevur enn ringt við at venja seg við tankan um, at hann í dag hevur ein fjepparaskara og kann kalla seg eina fyrimynd. - Tað er ein løgin støða at vera í, at eg kanska kann inspirera onkran, meðan tey hyggja eftir mær... ja, tað er ræðuliga merkiligt. Men deiligt allíkavæl og nakað, sum eg heldur ongan­tíð hevði roknað við, flennir ein lítillátin heimsmeistari. Sjálvur hevur Jóhan altíð havt sínar egnu fyrimyndir, sum hann hevur sæð upp til, og fyri hann er tað umráðandi at vera ein góð fyri­ mynd, tí hann meinar, at tað liggur ábyrgd við tí at vera ein fyrimynd. - Eg havi altíð sjálvur havt fyrimyndir, og onkuntíð hugsað, at eg kanska hevði gjørt okkurt øðr­ vísi enn tey. Nú standi eg sjálvur sum ein fyrimynd og havi fleiri, sum hyggja eftir mær. Eg vil tí bara gera tað besta fyri at vera eitt gott menniskja, og vónandi kann eg hjálpa øðrum ígjøgnum okkurt, sigur Jóhan, sum hevur 167.000 fylgjarar á Twitter. DOTA 2 – HVUSSU FYRIGONGUR TAÐ? Dota 2 er eitt ókeypis online strategispæl, sum loyvir fleiri spælarum at dystast við og ímóti hvørjum frá hvør sínum enda av bananum. Tað mest vanliga er at spæla fimm ímóti fimm, har allir spælararnir stýra hvør sínari “hetju”, sum hevur sermerktar eginleikar. Høvuðsendamálið er at oyðileggja herstøðina hjá mótstøðuliðnum, og í royndini uppá tað snýr spælið seg í stóran mun um taktikk, vitan og planlegging í takt við at hetjurnar hjá spælarunum mennast alt eftir, hvussu væl mann klárar seg. Dota 2 er eitt nýment spæl av tí gamla DotA, var ein bani í strategispælinum Warcraft 3 frá 2003. Dota 2 kom út í 2013. Kappingin um heimsmeistaraheitið í Dota 2, The International, er vaksin sera nógv seinastu átta árini, kappingin hevur verið til. 18 lið kappast, og hvørt einasta lið fær eina stóra peningaupphædd fyri at luttaka. Har hava altíð verið fleiri milliónir uppá spæl, men ongantíð so nógvar, sum í ár. Í ár varð tilsamans spælt um góðar 163 milliónir krónir, har vinnarin (OG) fekk meiri enn helmingin av hesum – 72 milliónir krónur.