mánadagur 17. september 2018síða 10

Mánadagur 17. september 2018 · Nr. 107 10 Sosialurin Hugskot og viðmerkingar – send sms til 225000 Mentanardagarnir, sum eru í Sunda kommunu, halda fram til og við leygardagin 22. september, sí www.sunda.fo Kjølurin strektur í dag Í samband við, at kjølurin til nýggja havrannsóknarskipið varð strektur í morgun, var sokallað “Keel Laying Ceremony” í býnum Klaipėda í Litava Vilmund Jacobsen Umframt umboð frá Havstovuni og MEST, vóru eisini umboð fyri klassan og byggieftirlit við til hátíðarhaldið í Klaipėda í Litava í morgun. Stjórin á skipasmiðjuni WBS, Vitalij Frolov, hevði eina stutta røðu, og stjórin á Havstovuni, Eilif Gaard, segði seg í røðu síni gleðast um tann týdning, sum nýggja havrannsóknarskipinum kemur at fáa fyri Føroyar og okkara framtíð. Stjórin á MEST, Mouritz Mohr, hevði eisini eina røðu, har hann serliga frøddist um at síggja eina veruliga byrjan á arbeiðið við nýggja havrannsóknarskipinum. Nýggja havrannsóknarskipið er 54 metrar langt og 13,6 metrar breitt. Tað er 10 metrar longri enn Magnus Heinason. Men, við at gera eina hædd meira, verður víddin tvær ferðir so stór sum á Magnusi Heinasyni. Tá skrokkurin er liðugur verður hann sleipaður inn á  Skála, har skipið verður gjørt liðugt. - Roknað verður við, at skrokk­ urin kemur á Skála á sumri í 2019, og at skipið verður liðugt í 2020, vita tey hjá MEST at siga í dag. Nýggju litirnir og endaliga sniðið varð eisini avdúkað á hátíð­ arhaldinum í dag. Á myndunum síggjast umboðini, sum vóru til hátíðarhaldið í Klai­ pėda í Litava í morgun. ØKISVITJAN: Fríggjadagin 14. september var Ferðavinnufelagið á ferð í Sandoynni, har tey kunnaðu seg um ferðavinnutilboðini í oynni. Vitjanin varð løgd til rættis í samstarvi við Visit Sandoy. Taka líra í Skúvoy Tað eru kvøld, har einstakir menn í Skúvoy hava fingið fleiri enn hundrað lírar Vilmund Jacobsen Nú líratíð er, vita vit, at skrápur í størri tali eigur eitt nú í Skúvoy, Sandoy og Stóru Dímun, har menn eisini taka líra á kvøldi við lykt. Ymsa aðrastaðni kring landið reiðrast skrápur eisini um enn í minni tali. Í Skúvoy byrjaðu teir at ganga við lykt hin 10. september, og har verður gingið í eina viku. Sagt verður úr Skúvoy, at menn hava fingið væl av líra, og tað eru kvøld, har einstakir menn hava fingið fleiri enn hundrað í tali. Í Stóru Dímun høvdu teir herfyri fingið 130 lírar í tvey kvøld, annað kvøldið 50 og hitt kvøldið 80. Í Skúvoy taka teir einar 1000 lírar í vertíðini. Okkurt árið hava menn verið í Lírabergi á Sandoynni eftir lír­um, men einki er frætt um, at nakar hevur verið har í vertíðini hesa­ ferð. Bátafelag vísti nýggju hølini fram Vilmund Jacobsen Nú mentanardagar eru í Sunda kommunu, nýtti Sundalags Bátafelag leygardagin høvi at vísa fram nýumvælda felagshúsið í Hvalvík. Tey, sum standa aftan fyri felagið, høvdu eisini bjóðað tyrluni hjá Atlantic Airways at gera venjingar í bátahylinum, meðan tiltakið var. Á tiltakinum grillaðu fólk hjá Sundalags Bátafelag pylsur og annað gott, og børnini stuttleikaðu sær eisini við at sigla í gummibátum á vánni. Um heimasíðuna – www. sunda.fo – síggjast nakrar myndir frá tiltakinum í Hvalvík leygardagin.