mánadagur 17. september 2018síða 17

17 Mánadagur 6. januar 2014 · Nr. 2 Sosialurin Mánadagur 17. september 2018 · Nr. 107 Hugskot og viðmerkingar – send sms til 225000 Jóannes Hansen Leygardagin vann ÍF 6-0 á útivølli ímóti Suðringum. Hetta var sjeyndi ÍF sigurin á rað. Fuglfirðingar hava ikki mist stig síðani 23. juni, tá ið tað endaði 2-2 í Klaksvík. ÍF hevur ikki tapt síðani 19. mai, tá ið tað í Gunda­dali endaði við 4-2 tapi ímóti HB. Púra óvæntað tapti KÍ leygar­ dagin 3-0 á útivølli ímóti Giza Hoy­vík, sum stríðist fyri lívinum í næst­bestu deildini. KÍ hevur leingi verið topplið. Nú er ÍF oddalið, og tað er møguleiki fyri, at ÍF longu leyg­ardagin á heimavølli ímóti Vík­ingi kann tryggja sær upp­flyt­ ing­ina. Eingin ivi er um, at ÍF næsta ár aftur fer at spæla í bestu deildini. ÍF formaðurin Dan Petersen fegn­ast um góðu gongdina: -Í løtuni sær tað út til, at bara eitt lið fer at flyta upp, men tað er fram­vegis møguleiki fyri, at B68 fer at vinna uppflyting. Tað kann so skjótt verða soleiðis, at einki lið fer at flyta upp. Hvussu tá? -Munurin millum tey stóru og hini økist alsamt. Nú eru KÍ og NSÍ frammi í oddinum. Víkingur var frammarlaga í fjør. B36 flytur nú upp­aftur, og møguleiki er fyri, at bæði B36 og HB fara at vera við í kapp­ingini um fremstu plássini. Um tað verður so torført at flyta upp, so ræður um at vera røttu megin altso í bestu deildini, tá ið tann støðan verður veruleiki, sigur ÍF formaðurin Dan Petersen. Tað eru pengarnir, sum eru orsøk til stóra munin millum tey fremstu og so hini: -Vit eru greið yvir, at tað skulu fleiri pengar til, um vit skulu hava møgu­leika at standa okkum í bestu deildini. Men vit eru eisini greið yvir, at um vit so fáa eina millión aftrat í inntøkum, so munar tað ikki nógv í kappingini við tey stóru, sum hava nógv størri inntøkur og har­við møguleikar, enn vit hava, sigur Dan Petersen. Fyrireika seg so spakuliga Í ÍF verður undirstrikað, at upp­flyt­ ingin ikki enn er veruleiki, men tað verður eisini ásannað, at alt bendir á, at uppflytingin verður veruleiki. Tað verður aðalfundur í ÍF miku­ kvøldið. Tá verður nevndarval á skrán­ni. Tveir nevndarlimir standa fyri vali. Formaðurin stendur ikki fyri vali. Eftir aðalfundin verður av álvara farið undir fyrireikingarnar til nýggja kappingarárið. Hegga Samuelsen er venjari í Fuglafirði. Talan er um tvey ára sátt­mála, so tað verður Hegga Samuel­sen, sum fer at standa á odda, tá ið ÍF aftur fer at royna seg í bestu deildini. -Tað gekk ikki so væl fyrstu um­ førini eitt nú tí talan er um nýggja saman­seting. Fleiri, sum vóru við í fjør, eru ikki longur í felagnum. Tá ið vit hyggja aftur á tað, so vóru 6-1 tapið á Svangaskarði og 4-2 tapið í Gundadali tíðliga í kappingini út­ purring. Síðani tá hevur tað gingið heilt væl, sigur Hegga Samuelsen. Hann hevur royndir úr 07 Vestu­r við at flyta upp og at flyta niður. -Tað er ógvuliga stór avbjóðing at flyta upp í bestu deildina. Av­ bjóð­ingin er ítróttarlig, fíggjarlig, um­sitingarlig og á allan annan hátt. Tað er hugaligari at kappast í bestu deildini, men tað krevur eisini væl meiri, sigur ÍF venjarin. Hann heldur, at tað ber væl til í fyrireikingunum at taka støði í spælarunum, sum nú manna topp­ liðið í næstbestu deildini. -Samansetingin er góð á tann hátt, at har eru fleiri spælarar, sum hava royndir at spæla í fremstu røð, og har eru fleiri ungir evnaríkir spælarar. Tá ið uppflyting er veru­ leiki verður altíð spurt, hvussu tað verður við styrki aðrastaðni frá. Tað er avbjóðing. Útlendskir og fremmandir spælarar kunnu vera við til at styrkja um liðið, men spurningurin er støðugt, hvat tað hevur við sær fyri samleikan hjá liðnum og felagnum, at fleiri fremmandir spælarar leggjast aftrat, sigur Hegga Samuelsen. Skaðalistin hevur verið langur Í Fuglafirði hava tey ásannað, at ov lítið varð í fleiri ár gjørt við at menna ungar spælarar. Nú verður arbeitt miðvíst við hesum parti­ num. Í ár hava fleiri ungir spælarar verið á besta liðnum. Tað hevur verið neyðugt, tí fleiri av teimum, sum vóru ætlaðir at vera berandi spælarar, hava verið skaddir. Millum hesar eru Dánjal á Lakju­ni og Bogi Reinert Petersen. Dánjal er so smátt við at koma seg eftir skaða í búkinum, meðan Bogi Reinert Petersen framvegis er skaddur í knænum. Tað eru Poul Nolsøe Mikkelsen og Dion Splidt eisini. Poul Nolsøe hevur verið plágaður av skaðum, sum aftur og aftur spøkja, eftir at hann varð skurðviðgjørdur fyri slitið kross­ band. Dion Splidt flutti til ÍF tíðliga í ár, men orsaka av liðbandsskaða hev­ur hann ikki havt tann leiklutin, sum tað varð roknað við, og nú er tað greitt, at hann verður ikki við aftur í ár. Frank Poulsen og Høgni Zacharias­sen, sum báðir vóru givnir, hava tikið eitt tørn aftrat, og tað er komið væl við. Millum ungu og óroyndu menn­ in­ar, sum hava spælt nógv, eru mál­verjin Tóri Traðará, Bergtór Thom­sen, Jóhan Petersen, Arnold Kristian­sen, sum hevur verið skaða­darv­aður, Sámal Joensen og Pól Jákup Lundsbjerg. Millum stuðulsspælararnar eru Jan Ó. Ellingsgaard, Andy Ó. Olsen, Ari Ó. Olsen, sum eftir summarsteðgin flutti úr EB/ Streymi og aftur til barn­dóms­felag­ ið, og Hanus Eliasen. Aðrir, sum hava verið nógv á lið­num, eru Dánjal Pauli Højgaard, Gunnar Christiansen, Hjartvard Hansen, Sunnvar Hansen, Hall­ grím Hansen, Andrias Poulsen, sum nú er farin av landinum í lestrarørindum, og 16 ára gamli Tóri Olsen, sum hevur verið við í tveimum dystum. B68 kiksaði Møguleikin hjá B68 at flyta upp minkaði leygardagin, tá ið tað endaði við 3-1 tapi í Gundadali ímóti HB, sum fyrsta korterið skoraði øll málini. Nú eru tað fýra stig hjá B68 at taka inn á næstbesta NSÍ liðið, um tað skal eydnast toftamonnum at flyta upp. Eftir 6-0 tapi á heimavølli ímóti ÍF er tað greitt, at Suðringar fara at flyta niður. Víkingur vann á heimavølli triva­ ligan 4-2 sigur ímóti B71, sum mis­ nýtti brotsspark, tá ið Víkinga mál­ verj­in Bárður á Reynatrøð bjargaði skotinum hjá Símini Hansen. NSÍ vann grannauppgerðina ímóti Skála 7-1. Tá var Jann Martin Mortensen trífaldur málskjútti. Víkingur – B71 4-0 (4-0) 1-0: Hans Jákup Lervig 16. 2-0: Tonni Thomsen 25. 3-0: Hans Jákup Lervig 38. 4-0: Tonni Thomsen br 43. 4-1: Tijani Mohammed 71. 4-2: Clayton Soares 88. NSÍ – Skála 7-1 (3-1) 1-0: Andri Benjaminsen 16. 2-0: Jann Martin Mortensen br 22. 3-0: Steffan Løkin 33. 3-1: Jannik M. Olsen br 45. 4-1: Andri Benjaminsen 52. 5-1: Jann Martin Mortensen 56. 6-1: Jann Martin Mortensen br 80. 7-1: Dávid á Roykheyggi 81. Giza Hoyvík – KÍ 3-0 (1-0) 1-0: Tróndur Arge 43. 2-0: Ragnar Rasmussen 77. 3-0: Eli S. Christiansson 84. HB – B68 3-1 (3-1) 1-0: Rói av Fløtum 2. 2-0: John Frederiksen 6. 3-0: Hjalti K. Djurhuus 10. 3-1: Emil Ronaldsson 43. Suðringar – ÍF 0-6 (0-1) 0-1: Ari Ó. Ellingsgaard 29. 0-2: Jan Ó. Ellingsgaard 53. 0-3: Andy Ó. Olsen 66. 0-4: Bergtór Thomsen 79. 0-5: Jan Ó. Ellingsgaard 84. 0-6: Jan Ó. Ellingsgaard 92. 23. umfar Leygardagin 22. september KÍ – NSÍ ÍF - Víkingur Skála – HB B71 – Giza Hoyvík Suðringar – B68 Máltindurin Jan Ó. Ellingsgaard ÍF 18 Steffan Løkin NSÍ 15 Tijani Mohammed B71 13 FÓTBÓLTUR ÍF formaðurin heldur, at tað skjótt kann verða soleiðis, at tey bestu í Betri deildini støðugt fara at eiga heiðursmerkjaplássini í næstbestu deildini 1. DEILD: UPPFLYTINGIN KANN SKJÓTT VERÐA AV ONGUM 1. deild støðan NR. LIÐ DYSTIR VUNNI JAVNT TAPT + MÁL - MÁL +/- STIG 1 ÍF 22 16 3 3 79 34 +45 51 2 KÍ II 22 15 4 3 57 23 +34 49 3 NSÍ II 22 13 4 5 71 30 +41 43 4 B68 22 12 3 7 44 33 +11 39 5 Víkingur II 22 10 2 10 34 40 -6 32 6 HB II 22 8 4 10 41 33 +8 28 7 B71 22 8 1 13 36 55 -19 25 8 Skála II 22 6 4 12 34 48 -14 22 9 Giza Hoyvík 22 4 5 13 25 41 -16 17 10 TB/FCS/Royn II 22 1 4 17 16 100 -84 7