hósdagur 20. september 2018síða 54

VINNUBLAÐIÐ HJÁ MIÐLAHÚSINUM 30 september 2018 20 Vilmund Jacobsen Univice, sum liggur við Rókahavnina í Runavík, er stovnað í 2010, og tað vóru teir tríggir, Jóhan Henrik Olsen, Petur Jákup Petersen og Jógvan Andrias Debes, sum stovnaðu fyritøkuna. Í 2013 keypti Jóan Petur Frederiksberg seg inn í fyritøkuna, og eigaraviðurskiftini nú eru, at Jóhan Henrik Olsen, Jógvan Andrias Debes og Jóan Petur Frederiksberg eiga Univice. Keyptu AWI Boats Tey fyrstu árini leigaði felagið seg inn í hølini, sum AWI Boats átti í Runavík, og her varð høvuðsdentur lagdur á arbeiði við rustfríum til eitt nú virkir og skip. Virksemi hjá Univice vaks skjótt, og longu eftir einum ári varð verkstaður og goymsla fult etablerað á sínum øki. Um ársskiftið 2012/2013 keypti felagið kendu fyritøkuna, AWI Boats í Runavík, sum í mong ár hevði bygt glastrevjabátar, og síðan hava Univice og AWI Boats húsast í tilsamans 1200 fermetra stóra bygninginum í Runavík, sum Univice eisini keypti í samband við yvirtøkuna av AWI. AWI Boats er elsta og best kenda navn innan framleiðslu av glastrevjabátum í Føroyum. Felagið hevur bygt einar 300 bátar, sum eru spjaddir um øll norðanlond. Eftir at Univice keypti AWI Boats, hevur felagið eisini bygt bátar, og síðan yvirtøkuna eru sjey útróðrarbátar bygdir til Grønlands.  Í dag starvast eini 20 fólk hjá Univice, og høvðusvirksemið er framvegis innan framleiðsluútbúnað úr rustfríum stáli. Univice veitir eisini ráðgeving í samband við tekningar og projekteringar hjá viðskiftafeløgum til framleiðslulinjur og arbeiðsgongdir á virkjum og á skipsdekkum. Á veg til Grønlands Tá Vinnan í Sosialinum hitti stjóran í Univice, Jóhan Henrik Olsen, í telefonini mikukvøldið, var hann í Keypmannahavn á veg til Grønlands á fiskivinnustevnuna, Polar Fish í Sisimiut, har Univice hevur bás. Stevnan er í ítróttarhøllini í býnum nú um vikuskiftið, 21., 22. og 23. september. - Hetta er ein messa, sum skiftir millum Grønland og danska býin, Ålborg, soleiðis at hon annaðhvørt ár er í Grønlandi og annaðhvørt ár í Danmark. Jóhan Henrik Olsen sigur, at tað serliga er samstarvið um útróðrarbátarnar, sum Univice og AWI Boats hava bygt til grønlendingar, ið ger, at fyritøkan er við og hevur bás á stevnuni. - Vit hava verið við á Polar Fish í fleiri ár, og vit halda tað vera umráðandi at vísa andlit og vísa okkara útboð við eitt slíkt høvi. Áður hava vit fingið sambond á Polar Fish, sum seinni hava ført til sáttmálar, og tað er slett ikki óhugsandi, at sáttmálar upp á longri sikt kunnu spyrjast burtur úr hesi luttøku. AWI – eitt vørumerki Stjórin í Univice vísir á, at tað var fyrrverandi eigarin av AWI Boats og pionerurin innan bygging av føroyskum glastrevjabátum, Aðalstein Anthoniussen, sum legði grundarlagið undir samstarvinum við Grønland um bátar. - Síðan vit keyptu, hevur Aðalstein Anthoniussen verið okkum góður í ráðum og hevur eisini virkað sum eitt slag av konsulenti í hesum sambandi. Hetta hevur gjørt, at vit bara hava hildið fram við tí, sum hann slóðaði fyri, tó at hann ikki longur er í starvi hjá okkum. Jóhan Henrik Olsen sigur, at teir sjey útróðrarbátarnir, sum AWI Boats í hansara tíð hevur bygt til Grønlands, serliga eru bátar í støddini 33 og 39 føtur, og har skrokkurin er serbygdur til grønlendsk viðurskifti. Nógvir fyrispurningar - Vit hava ein ógvuliga góðan og sterkan krokk, men tá vit hava bygt bátar til Grønlands, hava vit bygt teir eyka sterkar, tí viðurskiftini hjá útróðrarmonnum í Grønlandi eru serstøk. Stjórin í Univice vísir á, at tað kortini hevur verið eitt sindur aftur og fram við bygging av útróðrarbátum til Grønlands, men so seint sum 2017 bygdu teir ikki færri enn tríggjar bátar til Grønlands – og í ár er ein farin yvir hagar. - Vit fáa nógvar fyrispurningar úr Grønlandi, men í løtuni hava vit ongan ítøkiligan sáttmála. Tí hevði tað komið væl við, um okkurt spurdist burtur úr á Polar Fish um vikuskiftið. Jóhan Henrik Olsen vísir á, at í einum føri keypti sama felag í Grønlandi tríggjar AWI- útróðrarbátar. - Eftirspurningurin eftir føroyskum útróðrarbátum í Grønlandi hongur sjálvsagt neyvt saman við fíggingarmøguleikum, Univice vil selja fleiri bátar í Grønlandi - TAÐ STENDUR Á AT FÁA NÓG MIKIÐ AV ARBEIÐSMEGI, OG VIT KUNDU SAKTANS HAVT NAKRAR MASKINSMIÐIR AFTRAT. UM SO VAR, KUNDU VIT OFTARI SAGT JA TIL YMISK ARBEIÐI, SUM VIT VERÐA SPURDIR UM OG OFTA NOYÐAST AT SIGA NEI TIL, SIGUR STJÓRIN Í UNIVICE Í RUNAVÍK, JÓHAN HENRIK OLSEN, SUM Í LØTUNI ER Í GRØNLANDI VIÐ BÁSI Á MESSUNI, POLAR FISH Í SISIMIUT Síðan Univice yvirtók AWI Boats, hava teir bygt sjey glastrevjabátar til Grønlands, og í fjør fóru tríggir bátar til Grønlands