hósdagur 20. september 2018síða 55

VINNUBLAÐIÐ HJÁ MIÐLAHÚSINUM 31 september 2018 20 kvotum og fiskiskapi í Grønlandi. Føroysku útróðrarbátarnir í Grønlandi verða serliga brúktir til veiði eftir svartkalva og partvís eftir toski, og tá kann talan bæði vera um garna-og línuveiði. Í sínari tíð hevði AWI BOATS eisini eina jollu, sum ikki minst varð ætlað grønlendska marknaðinum, og nakrar jollur vórðu eisini seldar. Men, her ásannar stjórin í Univice, at tað eru aðrir – eitt nú danir – sum eru ógvuliga sterkir, tá ræður um slíkar jollur. - Men, formarnir eru tøkir, um so skuldi verið, leggur Jóhan Henrik Joensen aftrat. Gera glastrevjaarbeiði Í Føroyum eru nógvir AWI-bátar. Nógvir eru av støddini 23, 27 og 28 fót, og eisini eru fleiri av teimum størru AWI-útróðrarbátunum. Men, útróðurin í Føroyum hevur ikki roynst nakað serligur í fleiri ár, tó at tað eru teir, sum hava fingið tað at borið til øll árini. Univice og AWI Boats hava ongan sáttmála havt í Føroyum, síðan felagið Univice yvirtók AWI Boats. - Hinvegin hava vit havt onkra leinging og onkra umbygging, og vit hava havt nógvar umvælingar av glastrevjabátum, sum eisini er okkara sterka síða, nú vit fáast so nógv við glastrevju. Jóhan Henrik Olsen vísir á, at bedingin, sum var á AWI Boats, er ikki longur, men Univice hevur ein stóran stakkara, sum er ein stórur truckur. - Við stakkaranum kunnu vit taka stórar útróðrarbátar upp. Ein AWI-bátur, sum er 39 føtur, vigar eini 14 tons, og tað er eingin trupulleiki við stakkaranum, sigur hann. Stjórin vísir á, at tað serliga er rustfría stálið og arbeiði við glastrevju, sum eru sterku síðurnar hjá Univice, men tað kemur eisini fyri, at onkur motorur verður skiftur. - Vit eru umleið 20 fólk til arbeiðis hjá Univice, og vit arbeiða at kalla um alt landið, eins og vit arbeiða umborð á skipum, har vit hava verið við til at bygt verksmiðjur upp. Vit kunnu gera nógv ymiskt – ikki minst úr rustfríum og stáli annars, og vit kunnu gera nógv innan glastrevju. Eisini á Bakkafrost Eitt av teimum stóru arbeiðunum hjá Univice seinastu tíðina hevur verið á Bakkafrost á Glyvrum, har nýggja og risastóra virki er bygt. Her hevur fyritøkan gjørt ein hóp av ymiskum instaleringum, rustfríum hurðakørmum, pavnum, sliskum, rørum, rampum og mongum øðrum fyrifallandi. - Vit hava eisini arbeitt nógv fyri kommunur her í økinum, bæði Runavíkar kommunu og Nes kommunu, og her hava vit gjørt bryggjukantar, gelendarar ella gyrðingar, portur og ymiskt annað, sum tørvur hevur verið á, sigur hann. Kundu verið fleiri Jóhan Henrik Olsen sigur, at tað hevur staðið á at fingið nóg mikið av arbeiðsmegi, og hann viðgongur, at hann saktans kundi havt nakrar maskinsmiðir aftrat í starvi. - Um so var, at vit høvdu havt størri manning, kundu vit oftari sagt ja til ymisk arbeiði, sum vit verða spurdir um og ofta noyðast at siga nei til, leggur stjórin í Univice aftrat. Jóhan Henrik Olsen er stjóri í Univice, sum hann eigur saman við Jógvani Andrias Debes og Jóan Peturi Frederiksberg Tað er her í Rókini, at Univice og AWI Boats heldur til, og her ber eisini til at taka bátar upp við stórum stakkara, sum felagið eigur Vit eru góðkend at tjúkdarmáta skip, sum eru klassa hjá Bureau Veritas, Det Norske Veritas og Sjóvinnustýriðinum. Um tit hava tørv á einari av okkara tænastum, so vinarliga seti tykkum í samband við okkum á: Fartelefon nr. 225118 T-post bústaði: rosendal@olivant.fo ASG sp/f MARITIME CONSULTANT & SURVEYORS Vit veita millum annað niðanfyri nevndu tænastur til skip og bátar: • Støðumetingar av skipum • Flaggskiftis sýn og fáa skip skrásett í Føroysku skipaskránni • Fyrireika skip til árligt-/høvuðsklassa sýn • Fyrireika skip til beding, viðlíkahald og ella umbyggjing • Standa fyri verkætlan tá skip skal á beding, viðlíkahaldast og ella umbyggjast • Vit veita niðanfyri nevndu tænastur við ultraljóð og magnet tólum. • Tjúktarmáta skip smíða úr stáli, aluminium og øðrum metallum • Tjúkdarmáta bátar bygdir úr glastrevju-, træ- og øðrum líknandi tilfari • Finna smáar lekar á maskinum, rørum og í el-skipanum, umframt at finna legur við breki Post Box 93 ∙ FO-610 Saltangará ∙ Faroe Islands Cell Tel. +298 225118 ∙ E-mail: rosendal@olivant.fo