mánadagur 24. september 2018síða 17

17 Mánadagur 6. januar 2014 · Nr. 2 Sosialurin Mánadagur 24. september 2018 · Nr. 110 Hugskot og viðmerkingar – send sms til 225000 Jóannes Hansen Nú er tað staðfest. ÍF verður í 2019 í bestu deildini. Steðgurin í næst­ bestu deildini var hesa ferð bara eitt ár. Í fjør endaði ÍF niðast bæði í bestu og næstbestu deildini. Tá var úrtøkan í fremstu røð tólv stig – tríggir sigrar og tríggir javnleikir – og í næstbestu deildini vann ÍF einki stig. Nú vísa pílarnir aftur rætta veg­in í Fuglafirði. Higartil hevur ÍF vunnið seytjan dystir, spælt tríggj­ar javnar og tapt tríggjar. ÍF er topplið, og alt bendir á, at tað fer at eydnast fuglfirðingum at vinna deildina. Undan fýra teimum síðstu umførunum eru tað fimm stig frá ÍF og aftur til KÍ, sum er næst­fremst. Leygardagin hevði ÍF vitjan av teim­um næstbestu hjá grannunum í Víkingi. Uttan mun til hvørjum deild­um tað er í, so er tað ofta tætt og spennandi, tá ið ÍF og Vík­ ingur hittast. Soleiðis var tað eisini leygardagin. ÍF vann 1-0. Inn­skifti Jóhan Petersen skoraði sigurs­ málið, tá ið tað vóru tveir minuttir eftir. Leygardagin verður toppdystur í Fuglafirði, tá ið KÍ verður gestur. Tá hevur ÍF møguleika mest sum at tryggja sær gullkrónurnar. Um­framt ímóti KÍ skal ÍF spæla ímóti NSÍ (ú), Giza Hoyvík (h), og so verður tað á Sandi, at ÍF fer at seta punktum og fáa gullkrónurnar hand­aðar. Fýra umfør undan kapp­ingar­ enda er ÍF tólv stig og 27 mál fram­ man­fyri fjórða plássið, sum B68 er á. Søgan ÍF hevur nakrar ferðir ferðast aftur og fram millum bestu og næstbestu deildina. Fuglfirðingar eru stórskemtarar. Teir plaga at taka til, at í Fuglafirði eru tvær tíðarrokningar. Onnur er tann, sum øll hini hava, og so er tað fyri og eftir 1979. Í 1979 vann ÍF sum fyrsta felag í Eysturoy FM. Síðani hava fleiri feløg í oynni – GÍ, B68, NSÍ, EB/Streymur og Víkingur – verið meistarar. ÍF hevur verið tætt við, men tað er ongantíð eydnast at endurtaka bragdið í 1979. Síðsti steðgurin hjá ÍF í bestu deildini var frá 2008 og fram til 2017. Hetta tíggju ára skeiðið stóð liðið seg okkurt av árunum heilt væl. Bæði í 2012 og 2013 endaði tað við silvurkrónum. Ávikavíst EB/ Streymur og HB vunnu FM. Bæði í 2010, tá ið ÍF endaði á fjórða plássi í landskappingini, og í 2011 vóru fuglfirðingar í steypa­ finaluni. Báðar finalurnar vóru í Klaks­vík, og bæði árini var mót­ støðu­liðið EB/Streymur, sum streyk avstað við sigrunum. Í 2010 var úrslitið 1-0, og í 2011 var tað 3-0. Nýggja avbjóðingin Í Fuglafirði eru teir farnir undir fyri­reik­ingarnar til nýggju av­bjóð­ ing­ina í bestu deildini. Í síðstu viku var aðalfundur. Nevndin er mest sum tann sama. Fundurin gav nevnd­ini heimild til næstu vikurnar at finna tveir nevndarlimir aftrat. Undan hesum kappingarárinum varð Hegga Samuelsen settur at vera venjari. Sáttmálin fevnir um tvey ár, og tað verður tískil Hegga Samuel­sen, sum fer at standa á odda, tá ið tað á vøllinum verður farið undir fyrireikingarnar til nýggju avbjóðingina. 45 ára gamli Hegga Samuelsen hevur nógvar royndir at venja lið, sum ferðast millum bestu og næst­ bestu deildirnar. Hann hevur verið venjari í FS Vágar og 07 Vestur. -Tað kann ikki sammetast at spæla í næstbestu og bestu deild­ ini. Tað krevst væl meiri, bæði av felag­num og spælarunum og venjara­num. Tað vita tey í Fugla­ firði, og tey eru sinnað at fara undir avbjóðingina. Tað er neyðugt at fáa styrk, um vit skulu standa okkum í bestu deildini, men tað snýr seg nógv um at finna røttu javn­vágina. Felagið vil fegið menna ung­ar spælarar, og tað verður gjørt meiri við ungdómsfótbóltin nú, enn tað hevur verið undanfarnu árini. So takið er at fáa nýggjar spælarar, sum kunnu bera liðið, og sam­ stundis at spæla fuglfirðingar inn á liðið í bestu deildini, sigur Hegga Samuelsen. Dan Petersen er formaður í ÍF. Hann og nevndin eru farin til verka: -Avbjóðingin er øgilig. Vit megna ikki at kappast við stóru feløgini, sum hava nógv fleiri pengar, enn vit hava. Tí ræður um at nýta hug­ flogið og at hava allar antennur úti, sigur ÍF formaðurin. B68 lúrir Í løtuni er bara ÍF á upp­flyt­ingar­ plássi. B68 hevur møguleika at flyta upp, men fýra umfør undan kappingarenda eru tað fýra stig frá B68 og fram til næstbesta liðið hjá NSÍ, ið er á bronsuplássinum, sum er tað lakasta, ið toftamenn skulu røkka, um talan skal verða um uppflyting. Leygardagin vann B68 8-0 á Vágs­eiði ímóti teimum næstbestu hjá Suðringum. Stórsigurin bar kort­ini ikki við sær, at toftamenn nærk­aðust uppflytingarplássi. Tað komst av, at næstbesta NSÍ liðið eisini vann. NSÍ var í Klaksvík og vann 2-1. KÍ var leingi greitt topplið, men nú ber einki til. Klaksvíkingar hava bara vunnið eitt stig burtur úr trim­um teimum síðstu dystunum. Hjá venjaranum Bill Jacobsen og B68 liðnum er ikki annað at gera enn at vinna sínar dystir. So fæst at síggja, um tað fer at bera upp­flyting við sær. Í fýra teimum síðstu umførunum skal B68 spæla ímóti Skála (h), KÍ (ú), B71 (h) og Víkingi (ú). Giza Hoyvík er vaknað Suðringar eru fluttir niður. Giza Hoyvík hevur verið á niður­flyt­ ingar­plássi, men nú tykjast Áki Johan­sen og hansara menn av álvara at hava tikið sær um reiggj. Næst­síðsta leygardag vunnu teir 3-0 á heimavølli ímóti KÍ, og leygardagin vunnu teir 4-2 á Sandi, eftir at B71 í fyrra hálvleiki var framman­fyri 2-0. Innskifti Hugin Ferber á Borg átti stóran leiklut. Hann legði gest­ ir­nar framum 3-2, tá ið vanliga leik­ tíðin var farin, og hann legði upp til 4-2 málið, sum varð skorað í evstu løtu. Giza Hoyvík er stórfavorittur leygar­dagin, tá ið Suðringar fara at vitja á vøllinum við Skúlan á Løg­man­nabreyt. Í trimum teimum síðstu umførunum skal Giza Hoy­ vík spæla ímóti Skála (ú), ÍF (ú) og NSÍ (h). Tað eru fimm stig frá Giza Hoy­ vík og fram til B71 og Skála, sum leyg­ardagin vann 4-3 á heimavølli ímóti HB. Innskifti Lukas Sólheim skoraði við síðsta sparkinum í dystinum sigursmálið, ið kann fara at vísa seg at hava stóran týdning í kappingini um at sleppa undan niður­flyting. Um tað skal eydnast Giza Hoyvík at sleppa undan niðurflyting, so verð­ur tað annað av hesum lið­un­ um – Skála ella B71 – sum fer at flyta niður. Um Giza Hoyvík vinn­ ur ímóti Suðringum, og einki vinn­ ur á Svangaskarði leygardagin, so verður tað lyklauppgerð í niður­ flyt­ingarstríðnum, tá ið Skála sunnu­dagin 7. oktober fær vitjan av Giza Hoy­vík. KÍ – NSÍ 1-2 (0-1) 0-1: Jann Martin Mortensen 41. 1-1: Jonn Johannesen 67. 1-2: Andri Benjaminsen 82. ÍF – Víkingur 1-0 (0-0) 1-0: Jóhan Petersen 88. Skála – HB 4-3 (1-2) 1-0: Dávid Johansen 11. 1-1: Rói av Fløtum 17. 1-2: Rói av Fløtum 45. 2-2: Nenad Saric 47. 3-2: Jannik M. Olsen 49. 3-3: Niklas F. Kruse 53. 4-3: Lukas Sólheim 93. B71 – Giza Hoyvík 2-4 (2-0) 1-0: Sverri Dalsgaard 13. 2-0: Clayton Soares 24. 2-1: Niklas F. Kruse 48. 2-2: Tróndur Arge 53. 2-3: Hugin Ferber á Borg 92. 2-4: Tór av Skarði 95. Suðringar – B68 0-8 (0-4) 0-1: Jonleif Højgaard 14. 0-2: Esmar P. Clementsen 23. 0-3: sjálvmál 30. 0-4: Pedro Tarancon Anton 37. 0-5: Sveinur Justinussen 60. 0-6: Jann Ingi Petersen 71. 0-7: Jann Ingi Petersen 83. 0-8: Esmar P. Clementsen 87. 24. umfar Leygardagin 29. september ÍF – KÍ Víkingur – HB B68 – Skála Giza Hoyvík - Suðringar B71 – NSÍ Máltindurin Jan Ó. Ellingsgaard ÍF 18 Steffan Løkin NSÍ 15 Tijani Mohammed B71 13 FÓTBÓLTUR NSÍ sigurin í Klaksvík ber við sær, at tað framvegis eru fýra stig frá uppflytingarplássi og aftur til B68, sum vann stórsigur 1. DEILD: FUGLFIRÐINGAR FARNIR AT FYRIREIKA SEG 1. deild støðan NR. LIÐ DYSTIR VUNNI JAVNT TAPT + MÁL - MÁL +/- STIG 1 ÍF 23 17 3 3 80 34 +46 54 2 KÍ II 23 15 4 4 58 25 +33 49 3 NSÍ II 23 14 4 5 73 31 +42 46 4 B68 23 13 3 7 52 33 +19 42 5 Víkingur II 23 10 2 11 34 43 -9 32 6 HB II 23 8 4 11 44 37 +7 28 7 Skála II 23 7 4 12 38 51 -13 25 8 B71 23 8 1 14 40 59 -19 25 9 Giza Hoyvík 23 5 5 13 29 43 -14 20 10 TB/FCS/Royn II 23 1 4 18 16 108 -92 7