hósdagur 27. september 2018síða 24

FRÍGGJADAGUR 28. SEPTEMBER 2018 SOSIALURIN 112 24 Óli Jacobsen Siðsøga Óli Jacobsen 6. partur B ernhard,kallaður Bernie, sonur Peter Jacob hjá Glyvrasnikkaranum, doyði í 2002. Tað vóru vøkur minningarorð um henda hálva føroyingin, sum ikki gloymdi sínar røtur hinumegin knøttin. Millum annaðvarð sagt um hann: Tað eru fá fólk, sum hava havt so stóra ávirkan á nærsamfelagið sum Bernhard Hansen. Hesin undangongumaðurin og fyrrverandi skúlastjórin doyði 23 mai, 82 ára gamal. Hr. Hansen fór úr skúlanum í Wellington 14 ára gamal, so hann kundi hjálpa til at stuðla familju síni. Hann arbeiddi bæði sum ørinda­drongur, fjar­ritari, post­ maður og ravmagns­verk­frøð­ing­ ur, inntil hann var inn­kallaður í her­in, har hann tænti undir seinna heims­bardaga. Bernhard spældi saxofon í ymiskum dansibólkum í Welling­ ton. Í Italia, har hann tænti í eini herdeild, bleiv hann leiðari fyri tón­leikatiltøkum ætlaðum her­ monnum. Hann tænti eisini í Kyrra­havinum, norður Afrika og Mið­eystri. Bernhard giftist við skúla­lær­ ar­an­um Joan McKechnie, sum hann hitti, tá ið hann var í hern­að­ ar­venjing. Elsti sonur teirra varð føddur deyvur, og tí flutti familj­ an eftir kríggið til Sumner, ein lítil býur í New Zealandi, har tey vóru nærri einum deyvaskúla. Bernhard arbeiddi í einum vøru­húsi í Christchurch, men lat seinni upp sín egna handil í Sumner. Gjørdist lærari Tá tíðirnar blivu harðar í 1950 tók hann eitt skeið í undirvísing. Síðani arbeiddi hann tey næstu 32 árini sum lærari og skúlastjóri í ymiskum fólkaskúlum í Christ­ church og har á leiðina. Í 1965 fekk hann bachelorprógv frá Canterbury University, har hann hevði lisið hálva tíð. Hann legði frá sær við eftirløn sum skúla­stjóri í Spreydon School í 1983. Hann kundi vera nakað bonsk­ ur, men sambært einum vini blivu sjónarmiðini hjá honum mjúkari við tíðini, men hansara hjartað var altíð hjá teimum veiku í sam­ felagnum. Vildi ávirka politikk uttani frá Pápi Bernhard, Peter Jacob, starv­ aðist sum sjómaður og havn­ar­ ar­beiðari, og hann var ein íðin fak­felags­limur. Hetta kann hava havt ávirk­an á, at Bernhard tíðliga fekk áhuga fyri politikki. Hansara uppvøkstur gjørdi, at hann bleiv ógvuliga vinstrahallur Hann var fleiri ferðir biðin um at stilla upp í politikki, men hann valdi heldur at arbeiða óheft av nøkrum politiskum flokki. Hann vildi heldur gera sín ávirkan galdandi uttan fyri politisku skipanina. Tá ið hann legði frá sær, var hann limur í ikki færri enn 28 nevndum. Bernhard tænti borgara­fel­agn­ um í Sumner í fleiri ár, og í fleiri um­førum sum formaður. Hann var ein av kreftunum, sum fekk eitt fyrrverandi býráðshús um­ bygt til eitt bygdarhús. Hann var roknaður sum ein und­an­gongumaður fyri bý­in. Eisini var hann ein íðin for­sprák­ ari fyri útjaðaran og fyri um­ hvørvis­vernd, sum kanska var fremsta hjartamál hjá honum. Hann kom tí ofta í stríð við m.a. byggi­meist­arar. Fyri hetta var hann eisini heiðr­ aður av býráðnum og borg­meist­ aranum í heimbýnum. Bernhard var ein lesandi og vitandi maður. Hann kundi broyta mein­ingina hjá fólkum við log­ ikki, blídligum atburði og ein­um breiðum smíli. Hann skrivaði nógv lesarabrøv til tíðindabløð og skrivaði eisini brøv til býráðslimir, har hann segði sína hugsan um aktuell mál. Borgarstjórin Garry Moore hevur sagt, at bæði hann og framman und­an sitandi borgarstjórar høvdu fingið fingið fleiri hundrað brøv frá Bernhardi. Tað varð sagt um Bernhard, at hann var sera neyvur í tí, hann gjørdi, og tað var ótrúligt, hvussu væl hann kundi bera fram síni sjón­armið. Hann elskaði náttúru, og hann var ein íðin fjakkari. Eisini var hann stoltur av sínum vík­inga­ upp­runa í Føroyum. Her fann hann skyldfólk í fleiri ættarliðum, og hann kendi eitt tætt tilknýti til Før­oyar. Hann skrivaði eina grein í ein­um blaði í New Zealandi um stokka­stov­una í Kirkjubø, og hann kendi seg sum ein rættan víking. Í “Bláu Bók” um gitnar persónar At Bernhard hevur verið ein týdn­ ingarmikil persónur sæst eis­ini av, at hann er umrøddur í New Zea­ land Who’s Who. Her er um­røða av fólki, sum hava gjørt meira fyri sam­felagið enn tey hava verið goldin fyri. Her fær Bernhard eina drúgva umrøðu, har nevnd verða øll tey øki, har hann var virkin. Her verða eisini nevnd øll tey heiðursmerki, hann hevur fingið fyri síni avrik á ymiskum økjum. Eisini fekk hann drúgva um­ røðu í “The New Zealand Roll og Honour”, sum er um tey, menn og kvinn­ur, sum hava barst fyri føði­ landið. Føroyingar kunnu saktans eis­ ini vera stoltir av hesum hálva før­ oy­ing­inum. Sonur hansara, Peter, lýsir pápa sín sum ein strangan, men um­sorg­anarfullan pápa, sum gav syn­un­um eina góða barlast, og ein sum altíð var klárur við eini hjálp­ andi hond. Samskifti við Einar Mohr Umframt tey nevndu í undan­farn­ um pørtum, so hevði Peter Jacob eisini samband við Einar Mohr. Tað eru ábendingar um, at teir hava arbeitt saman á posthúsinum sam­an við C.C. Danielsen. Í savninum hjá Peter Jacob í New Zealandi eru fleiri áhuga­ verd­ar myndir frá Einar Mohr, har hann hevur skrivað frágreiðing aft­anfyri á myndini. Hetta er frá umleið 1920. Tíverri eru hesar mynd­ir blivnar so kámar, at tær síggj­ast illa. À eini mynd skrivar Einar: “Eg sjálvur við “re­cieving table” á tí tráðleysu tele­graf­ støðni,” har Einar arbeiddi í mong ár. Aðrar myndir eru av kan­ón­un­ um á Skansanum og av Amt­mans­ borgini. Í skjalasavninum liggur eisini eitt kort við myndum frá Peter Jacob til Einar, sum av eini ella aðr­ ari orsøk ongantíð er sent avstað. Peter Jacob hjá Glyvrasnikkaranum fekk ein son. Hann kom millum annað í “Bláu Bók” um kendar persónar í New Zealandi ABBASONURIN FEKK HÆGSTA HEIÐUR Í NEW ZEALANDI Glyvrasnikkarin: Bernhard og Joan við synunum. Standandi v.f. Michael og Peter, sum hevur útvegað tilfarið til hesa røð. Millum foreldrini situr David. Bernhard stutt áðrenn hann legði frá sær. Tá hann legði frá sær var hann limur í 28 nevndum.