mánadagur 1. oktober 2018síða 6

Mánadagur 1. oktober 2018 · Nr. 113 6 Sosialurin Hugskot og viðmerkingar – send sms til 225000 TÍÐINDI Pætur Hjalmar Evensson Kim Larsen var ímyndin av donskum tónleiki og ljóðið av Danmark. Eyðkenda rødd­ in hjá dananum hevur litað og inspirerað norðurlenskan tón­leik síðan 1969, og hann hevur um nakar megnað at savnað fólk í øllum aldurs­ bólk­um saman um sín tón­ leik. Fólkakæra tjóðarskaldið doyði sunnudagin 30. sep­ tem­ber, 72 ára gamal. Hann doyði av krabbameini og var saman við familjuni í síni síðstu tíð. Hann var útbúgvin lærari, men yrkisleiðin frammanfyri talvuna helt bara í eitt hávt ár. Tí í 1969 sá rokkbólkurin Gaso­l­in dagsins ljós, sum sein­ni vísti seg at blíva mill­um allar størstu donsku rokk­bólkar­ nar yvirhøvur. Í 1978 valdu limir­nir í bólkinum at fara hvør sín veg, og árið eftir gav Kim Larsen sína fyrstu solo­ útgávu út. Fyri føroyingar hevur Kim Larsen havt nógv at siga, og hann hevur altíð verið nógv at hoyrt í føroysku útvarps­rásunum. Hann hevur verið í Føroyum fleiri ferð­ir, og til konsertirnar hava føroyingar í hópatali flokkast til konsertirnar fyri at hoyra virðismetta danan við teimum nógvu hittunum. Í Sosialinum hitta vit Amariel Norðoy, sum var vin­maður við Kim Larsen, og eisini hoyra vit onkrar aðr­ar frágreiðingar um Kim Lar­sen. pature@sosialurin.fo Vit minnast fólkakæra danska sangaran, sum doyði sunnudagin, 72 ára gamal Pætur Hjalmar Evensson - Ein stórur kunstnari er farin. Kim Larsen var eitt gott, skapandi og gevandi menniskja. Eg síggi hann líka, sum eg síggi Grundtvig, Ingemann og Benny Andersen. Hann var eitt stórskald og ein skapari av Guds náði. Soleiðis sigur føroyski listamaðurin, Amariel Norðoy um sín góða vin, Kim Larsen, sum nú er farin. Amariel Norðoy situr í sínari gráu føroysku troyggju í íbúð sínari í Keypmannahavn, sum er væl prýdd við málningum í øllum støddum á veggunum, og hann er til reiðar at fortelja um sítt tætta vinalag við Kim Larsen. Millum listamannin og tjóðarskaldið birtist eitt heilt serligt vinalag, meðan Amariel gekk á kongaliga Kunstakademinum í Keypmannahavn síðst í 70’unum. Teir møttust fyrstu ferð á einum vertshúsi, sum lá við síðuna av akademinum, har Amariel las. Í vertshúsinum, sum er vekk í dag, fullu teir í prát um Føroyar, list og annað, og tað bleiv byrjanin til eitt sterkt og langt vinalag millum tveir javnaldrar. Risti sangir úr ermuni Kim Larsen búði síðst í 70’unum á Rørholmsgade, har hann eisini hevði sítt studio. Nakað yvirav hevði Amariel Norðoy sítt atelier, og teir báðir dugdu væl at hugna sær saman. Um tað snúði seg um eitt prát, ein býtúr, ein súkklutúr ella eitthvørt, so var tað stutt at ganga yvirum til hvønn annan. - Tá eg kom yvir í studioið hjá honum, plagdu vit at sita og hugna okkum. Hann plagdi at hava guitaran frammi, og eg minnist, hvussu hann risti nýggjar sangir úr ermuni, akkurát sum um hann hevði dugað sangirnar altíð. Tað vóru bæði álvarslig og tvætlut løg, minnist Amariel Norðoy og flennir, tá hann hugsar um fjákutu vísurnar, Kim Larsen spontant plagdi at yrkja. - Vit høvdu tað so stuttligt saman, sigur hann. Kim elskaði at vera til Kim Larsen er kendur fyri at vera ein fólksins maður, sum tordi at siga sína meining uttan at síggja seg sjálvan betri enn nakran annan. Hetta var eisini júst soleiðis, Amariel kendi hann. - Hann var ikki ein maður, sum setti seg sjálvan uppá nakran pedestal. Beinini vóru altíð plantað heilt niðri á jørðini. Listamaðurin úr Klaksvík minnist, hvussu tað lýsti úr Kim Larsen, at hann elskaði sítt yrki og elskaði at geva fólki nakað gjøgnum sín tónleik og sína nærveru. - Lívið hjá honum var sangur og tónleikur. Hann elskaði at vera til, og hann elskaði at vera til staðar, har hann var. At síggja fólkið hava tað gott framman fyri sær á pallinum, dámdi honum. Hetta er tí, hann elskaði at geva, og at geva var nakað, sum eyðkendi hann, fortelur Amariel Norðoy, meðan hann fær sær ein bita við skerpikjøti, sum hann júst hevur skorið av einum tjógvi, hann hevur havt hangandi á altanini hjá sær. Amariel hevur eina serliga súkklu Í garðinum hjá Amariel stendur ein gomul svørt súkkla, sum hevur eina heilt serliga søgu. Hendan súkklan hevur eitt sentimentalt virði sum fáar aðrar - serliga fyri Amariel Norðoy, tí hesa fekk hann nevniliga frá Kim Larsen í 1987. - Eg fortaldi einaferð Kim, at eg ætlaði at keypa mær eina nýggja súkklu, tí AMARIEL NORÐOY OG KIM LARSEN VÓRU GÓÐIR VINMENN - Vit høvdu tað so stutt­ ligt saman Danska tjóðarskaldið heitti ofta á vinmannin, Amariel Norðoy, fyri at hoyra hansara meining um nýgg­ju løgini hjá sær Amariel Norðoy við súkkluni, sum hann fekk frá Kim Larsen í 1987 TAKK FYRI SAN