mánadagur 1. oktober 2018síða 16

Mánadagur 1. oktober 2018 · Nr. 113 16 Sosialurin Hugskot og viðmerkingar – send sms til 225000 - Mong halda tað er eitt slakt. Tað er tað ikki. Tey, sum halda tað, eru tey, sum einki vita um boksing, sigur Martin Meng frá Tórshavn Boksing, ið fegnast um at boksing er við at fáa fótin fyri seg í Føroyum BOKSING Pætur Albinus Nevaleikur, kanska betur kent sum boks­ing, er við at fáa fótin fyri seg í Føroyum. Hesin ítrótturin, sum gong­ur undir fyri at vera heldur harð­rendur, byrjaði sítt egna lív her á landi á vári 2016, tá ið Tórs­havn Boksing varð sett á stovn. Eftir at hava húsast í Vælveru, Eystur­ skúla­num og í leigaðum hølum hjá Bilrøkt, so flutti lítla nýggja høvuðs­staðarfelagið inn í kjallaran í nýggju høllini á Hálsi í februar í ár. - Tað lætnaði hjá okkum, sigur ein av oddamonnunum í Tórshavn Boks­ing, Martin Meng, um kenslu­ na at flyta inn í nýggj hølir. - Frammanundan vistu vit ikki um vit vóru keypt ella seld. Vit leig­aðu okkum inn hjá Bilrøkt fyri egnar pengar, men tað er greitt, at tað bara røkkur til eitt vist, sigur hann. Martin Meng, ið er dani og er upp­vaksin við boksing í familjuni, sig­ur, at tað er sera umráðandi við føstum rømmum. Nú vita teir í felagnum, at tað er her teir skulu vera framyvir, og tað hevur latið dyrnar upp fyri nýggjum møgu­ leik­um. - Nú kunnu vit aftur hugsavna okkum um at mennast sum felag, sigur Martin Meng. Tórshavn Boksing skipar fyri venjing tríggjar ferðir um viku­na, og tað eru gott og væl 30 til venj­ing hvørjaferð. Limatalið liggur ímill­ um 60 og 70, men felagið arbeiðir støðugt við at røkka longri út. Tað er undirtøka fyri at hava eitt motiónslið, men tað er avmarkað við arbeiðsorku á venjarasíðuni, so í løtuni leitar felagið eftir einum instruktøri at standa á odda fyri motiónsliðum. Eisini verður arbeitt við at fáa boks­ing at røkka í aðrar endar í landi­num, og dreymurin er at feløg verða sett á stovn eitt nú í Klaksvík, í Suðuroy og í Vágum. - Fólk síggja hvussu langt vit eru nádd í Tórshavn upp á so stutta tíð, og tað snýr seg um at finna hesar tvær-tríggjar eldsálirnar, ið vilja byrja feløgini. Tað er kanska tungt at byrja við, men so kemur tað á glið, sigur Martin Meng, ið tosar av egn­um royndum. Fordómarnir Boksing hevur umdømi sum ein ógvus­ligur ítróttur, men Martin Meng heldur, at fordómarnir stund­um eru óneyðuga ógvusligir. - Tey hava eina mynd av einum slakti, har fólk bara boksa garrvilt eftir hvørjum øðrum, heldur Mart­ in. - Soleiðis er tað ikki, undirstrikar hann. - Fólk, sum ikki eru glað fyri boks­ing, eru gjarna tey, sum ikki vita nakað um reglur í boksing og hvussu nógv ein skal ígjøgnum áðrenn ein yvirhøvur sleppur í ein ring at boksa av álvara, sigur Martin Meng og vísir á, at boksarar fáa drúgva frálæru í eitt nú at sláa, verja seg og flyta seg umframt at teir skulu hava læknakanning og boksi­pass áðrenn teir sleppa í ein ring. - Men tá alt tað so er sagt, so er hetta ikki nakar dansur. Hetta er ein kontaktsportur, og tað kunnu henda skaðar. Tað er tó ikki stórt øðr­vísi enn í øðrum ítróttum, har íðkar­ar kunnu slíta liðbandið, bróta fótin og so víðari, sigur Mart­in Meng og undirstrikar, at teir skaðar, sum henda í boksing, eina­mest henda í elituni, og at teir upp­standa tá ið annar boksarin hevur gjørt ein feil. - Tað er bara at koma í høllina og síggja hvussu tað fyrigongur. Eing­ in, sum hevur verið her, hevur nak­ að ringt at siga um boksing. Heldur ikki foreldur og onnur, sum eru fram­við, sigur Martin. Fína vitjan Herfyri hevði Tórshavn Boksing vitjan av týska boksifelagnum, Box­ing Industry, har ein av monn­ unum, Sebastian Tlatlik, er fyrr­ ver­andi fulltíðar boksari, og nú tekur sær av at skipa fyri dystum – ein sokallaður promoter. Týska boksifelagið vendi sær sjálvt til tað før­oyska, og ætlanin er at fáa eitt sam­starv í lag, har føroysku betur kunnu menna seg. Týskararnir koma aftur til Føroya í januar, og so er ætlanin at før­oyingar eisini so skjótt sum møgu­ligt fara til Týsklands at venja. Martin Meng hevur ein dreym um at onkur føroyingur gerst pro­fessio­nellur boksari, men hann sigur tó, at tað kann taka upp til fleiri ár at 'uppbyggja' ein boksara, sum hann nevnir tað. Hann heldur, at tær smærru ein­staklingaítróttargreinarnar í Før­oyum hava góðar møguleikar fyri at skapa góð úrslit uttanlands, og nevnir hann eitt nú Pál Joensen, sum sjálvur vann seg upp á toppin og fekk egna svimjihøll, meðan aðr­ ar ítróttargreinar, eitt nú fótbóltur, í so máta hava tað lættari. - Populeru ítróttargreinarnar fáa nógvar ferðir meira í stuðli enn tær smáu, men úrslitini eru lut­fals­ liga vánalig, heldur Martin Meng. Virksemið í Tórshavn Boksing heldur fram. Komandi vikuskifti kemur professionelli danski boks­ ar­in, 19 ára gamli Oliver Meng, til Føroya at hava venjingarlegu við føroyskum boksarum, har tekn­isk v e n j i n g verður ovast á bredd­a­num. Oliver er sonur systkina­barn Martin. Hann eitur Morten og hevur nógv ára royndir sum venjari. Morten og Oliver eru á sama liði sum teir kendu Brian Niel­sen og Mogens Palle. Nevnast kann, at hálvføroyska Sarah Mah­ foud eisini boksar við hesum lið­ num. Seinni í oktobur fara 14 fólk úr Tórshavn Boksing til breddar­ stevnu í Helsinge í Danmark. Talan er um tríggjar venjarar og 11 boks­ ar­ar, sum skulu boksa diplom­dystir. Longri frammi í framtíðini er eitt nú danska byrjunarmeistaraheitið í apríl. - Har er málið at vinna heila fratið, sigur Martin Meng at enda. albinus@sosialurin.fo Boksing stríðist við fordómar