mánadagur 1. oktober 2018síða 17

17 Mánadagur 6. januar 2014 · Nr. 2 Sosialurin Mánadagur 1. oktober 2018 · Nr. 113 Hugskot og viðmerkingar – send sms til 225000 Jóannes Hansen Fuglfirðingar fagnaðu leygardagin sínum monnum, sum longu høvdu tryggjað sær uppflyting og við 3-0 heimasigri ímóti KÍ mest sum tryggjaðu sær gullkrónurnar. Øll málini vórðu skorað í fyrra hálvleiki. Veteranarnir Dánjal á Lakjuni og Jan Ó. Ellingsgaard (2) skoraðu málini. Teir vita, at tað verður heilt øðrvísi næsta ár, tá ið ÍF fer at spæla í bestu deildini, enn tað hevur verið í ár, og enn tað var leygardagin ímóti illa mannaðum KÍ liði. Superveteranurin Allan Joensen var á vøllinum, superveteranurin Heðin á Lakjuni var á beinkinum, og Helgi Simonsen og Uni Gregersen vóru fyri fyrstu ferð í ár á næstbesta KÍ liðnum. Ætlanin var, at mið­vallar­ stríðsmaðurin Tórur Justesen skuldi spæla á besta liðnum ímóti AB, men hann varð skaddur í vikuni og var tí als ikki á vøllinum. Átta av teimum fyrstu ellivu hjá ÍF leygardagin hava spælt nógv í bestu deildini. B68 roknistykkið Toftamenn eru fýra stig frá upp­ flytingarplássi. Onkur heldur, at felagið er við at koma sær í upp­ flyt­ingarvanda, men venjarin og spælar­arnir og leiðslan arbeiða mið­víst fyri, at tað skal eydnast at flyta upp. Leygardagin gekk tað, sum teir í B68 høvdu vónað. Skála fór til hús við 3-0 tapi. Á dómaraseðlinum, sum vit plaga at fylgja, eru málskjúttarnir ikki rættir. Tað var 17 ára gamli Bárður Ólavs­son Jensen (og ikki veteranurin Jonleif Højgaard), sum setti hol á. Tað var Otto Reinert Petersen, sum tíðliga í seinna hálvleiki økti til 2-0. Á dómaraseðlinum stendur Petur í Túni Petersen at hava skorað til 2-0. Soleiðis var tað ikki, og Petur eigur framvegis á at skora fyrsta málið fyri besta B68 liðið. Albert Róin Johannesen staðfesti 3-0 sigurin. Tað eru teir í B68 samdir við dómaran um. At KÍ tapti í Fuglafirði passaði væl í líkningina hjá B68. Nú er KÍ, sum leingi var topplið, á triðja plássi, og nú er KÍ liðið, sum toftamenn eftir øllum at døma skulu taka í royndini at vinna uppflyting. Um tað skal eydnast, so skal B68 vinna allar tríggjar dystirnar, og so skal KÍ missa stig í einum øðrum dysti enn ímóti B68. Sunnudagin skal B68 til Klaks­ víkar. Toftamenn skulu vinna ímóti KÍ, á heimavølli ímóti B71 og á útivølli ímóti Víkingi. Víkingur vann í vár 5-1 á heimavølli ímóti B68, og B68 vann í summar 5-0 á heimavølli ímóti Víkingi. Umframt ímóti B68 skal KÍ spæla á heimavølli ímóti Suðringum og í Gunda­dali ímóti HB. Fyrr í ár hevur KÍ vunnið 9-0 á heimavølli ímóti Suðringum, meðan Suðringar vunnu 2-1 á heimavølli ímóti KÍ. Seinni varð úrslitið broytt til 3-0 KÍ sigur, tí heima­liðið hevði spælara á liðnum, ið ikki hevði loyvi at spæla. Toftamenn rokna við, at KÍ fer at vinna ímóti Suðringum, meðan tað verður torførari í Gundadali ímóti HB. Tá ið klaksvíkingar vóru í høvuðsstaðnum 18. mars, fóru teir norðuraftur við 2-1 sigri, og teir vun­ nu eisini 2-1, tá ið HB 12. mai var í Klaks­vík. Síðstu tíðina er KÍ liðið nógv viknað, meðan HB liðið tykist hava somu styrki, sum tað leingi hevur havt. Giza Hoyvík hongur í Suðringar eru fluttir niður. Eftir at Giza Hoyvík leingi hevur verið í heilt trongum skóm, so eru tað nú tvey onnur lið, sum kappast við Giza Hoyvík um at sleppa undan niður­flyting. Eftir sigrar tvær tær seinastu ferðirnar – á Sandi og leygardagin á heimavølli ímóti Suðringum – hevur Giza Hoyvík nú møguleika at sleppa undan niðurflyting. Sunnudagin skal Giza Hoyvík spæla á Skála. Tað eru tvey stig frá Skála og aftur til Giza Hoyvík, sum við sigri fer at lyfta seg framum Skála. Umframt ímóti Giza Hoyvík skal Skála spæla ímóti Víkingi (h) og Suðringum (ú). B71 hevur burturúr fimm teimum síðstu dystunum bara vunnið eitt stig. Leygardagin fór NSÍ um Skopunarfjørð við 2-1 sigri. Andri Benja­minsen og Magnus H. Olsen, sum vaks upp í B71, skoraðu NSÍ málini, og veteranurin Tummas Pauli Olsen minkaði átta minuttir undan steðginum um munin. B71 bíðar stór mótstøða í trimum teimum síðstu umførunum: HB (ú), B68 (ú) og ÍF (h). Næstbesta liðið hjá Víkingi plagar at eiga heimavøll uppi á Brekku í Leirvík. Leygardagin var liðið á heimavølli í Sarpugerði, har tað var heilt friðarligt. Tað endaði málleyst ímóti teimum næstbestu hjá HB. ÍF – KÍ 3-0 (3-0) 1-0: Dánjal á Lakjuni 12. 2-0: Jan Ó. Ellingsgaard 18. 3-0: Jan Ó. Ellingsgaard 32. Víkingur – HB 0-0 B68 – Skála 3-0 (1-0) 1-0: Bárður Ólavsson Jensen 9. 2-0: Otto Reinert Petersen 52. 3-0: Albert Róin Johannesen 75. Giza Hoyvík – Suðringar 2-0 (0-0) 1-0: Leivur Holm Joensen 57. 2-0: sjálvmál 65. B71 – NSÍ 1-2 (1-2) 0-1: Andri Benjaminsen 7. 0-2: Magnus H. Olsen 18. 1-2: Tummas Pauli Olsen 37. 25. umfar Sunnudagin 7. oktober KÍ – B68 NSÍ – ÍF Skála – Giza Hoyvík HB – B71 Suðringar – Víkingur Máltindurin Jan Ó. Ellingsgaard ÍF 20 Steffan Løkin NSÍ 15 Tijani Mohammed B71 13 FÓTBÓLTUR Toftamenn rokna sannlíkindini vera stór fyri, at tað skal eydnast at flyta upp, hóast tað resta fýra stig, nú trý umfør eru eftir 1. DEILD: ROKNI­ STYKKIÐ HJÁ B68 GONGUR UPP 1. deild støðan NR. LIÐ DYSTIR VUNNI JAVNT TAPT + MÁL - MÁL +/- STIG 1 ÍF 24 18 3 3 83 34 +49 57 2 NSÍ II 24 15 4 5 75 32 +43 49 3 KÍ II 24 15 4 5 58 28 +30 49 4 B68 24 14 3 7 55 33 +22 45 5 Víkingur II 24 10 3 11 34 43 -9 33 6 HB II 24 8 5 11 44 37 +7 29 7 Skála II 24 7 4 13 38 54 -16 25 8 B71 24 8 1 15 41 61 -20 25 9 Giza Hoyvík 24 6 5 13 31 43 -12 23 10 TB/FCS/Royn II 24 1 4 19 16 110 -94 7