hósdagur 4. oktober 2018síða 5

FRÍGGJADAGUR 5. OKTOBER 2018 SOSIALURIN 115 5 Umhugsin Nærverandi Ítøkiligur MIÐFLOKKURIN SJÁLVANDI hvørt vikuskifti í Sosialinum Tordur J. Niclasen, Eiði Ein av stovnarum Miðfloksins Tordur hevur í sínum virkna arbeiðslívi havt mong álitisstørv: • Landsstýrismaður, løgtingsmaður og borgarstjóri. • Stovnsleiðari fyri Eysturoyar Røktar- og ellisheim • Leiðari fyri eldrasamstarvið í Eysturoynni - Roðan www.midflokkurin.fo MIÐFLOKKURIN Lívsáskoðanin sæst aftur Sum ein av stovnarum Miðfloksins fegnist eg um, at flokkurin hevur hildið fast við grundsjónarmið floksins og ikki latið seg, sum tongul í brimi, skolað higar og hagar og latið seg stýrt av ”tíðarandanum”. Ein og hvør flokkur byggir á eina ”lívsáskoðan”. Hvør lívsáskoðanin er, kemur at síggjast aftur í teim sjónamiðum , ið førd verða fram á politiska pallinum. At Miðflokkurin vil fjálga um og verja tey veikastu í okkara samfelag er sjón fyri søgn – og botnar hetta júst í teirri lívsáskoðan, ið Miðflokkurin byggir sín politikk á. Hetta ger seg eisini galdandi í spurninginum um at verja tað ófødda barnið! Í hesum døgum hevur flokkur, ella rættari sagt, framstandandi persónar í ávísum flokki, á ein greiðan hátt gjørt seg til talsmenn(kvinnur), fyri at eingin lóg skal forða kvinnuni sjálvari at taka avgerð um barnið í móðurlívi. Hetta er ein greið støða, sum eisini botnar í eini lívsáskoðan. Søgan hevur prógvað, hvussu ávísar lívsáskoðanir júst hava havt syrgiligar avleiðingar fyri einstaklingar, fólkasløg og samfeløg. Í roynd og veru er talan um virði hins einstaka – menniskjavirði - og er tað tí okkara skylda og ábyrgd bæði at verja og fremja tað, ið fjálgar um hetta virðið. Ein náttúrlig avleiðing, sum ikki nóg stórur dentur kann leggjast á av hesum er m.a., at sjúk, gomul og førleikaskerd hava trygg og góð lívskor at liva undir. Umráðandi er, at vit vilja og tora at tala søk teirra, ið ikki kunnu, orka ella megna tað sjálvi. Tordur J. Niclasen Vangamynd www.alzheimer.fo Alzheimerfelagið skipar fyri kafé. Mánakvøldið 8.oktobur kl. 19.00 verður kafé í Mentanarhúsinum í Fuglafirði, fyri fólk við demenssjúkum, avvarðandi teirra, starvsfólk innan heilsuøkið, politikkarar, og onnur áhugað. SKRÁIN ER HENDA: • Ann-Mari Jensen, næstforkvinna, bjóðar vælkomin og kunnar um arbeiði felagsins. • Marjun Restorff, demenssamskipari, kunnar um demensklinikkina. • Mourits Foldbo, stýrislimur sigur frá um ætlaðu byggingina av nýggjum heimi til borgarar, ið hava fingið minnissvinn. • Fríða J. Højbro og Unna N. Petersen, sjúkrarøktarfrøðingar og demenssamskiparar, greiða frá um tilboðið í dagtilhaldinum í Doktarahúsinum og tænastuni út frá húsinum við ráðgevandi og uppfylgjandi heimavitjan. • Lis Zachariassen, heilsurøktari og demenssamskipari, greiðir frá um tilboðið við búplássi á Gøtubrá. • Jastrid Petersen og Sigvør Laksá siga sína søgu sum avvarðandi. • Hervør á Torkilsheyggi, tónleikaviðgerði á Gøtubrá, framførir sang og skipar fyri felagssangi. Síðan verður orðið frítt, og høvi verður at seta spurningar og at koma við ynskjum, hugskotum og hjartasuffum. Fyri at fáa eina hóming av, hvør tørvur er hjá fólki við demenssjúkum, avvarðandi teirra og annað í hesum sambandi, vónar Alzheimerfelagið, ið er talurørið hjá hesum bólki, at nógv fólk taka av hesum tilboði. Borðreitt verður við kaffi/te og køkum. Verið vælkomin Bussleiðin í Sunda kommunu verður við hesum útboðin í almennari útbjóðing. Sáttmálin verður galdandi í 5 ár frá 1. januar 2019. Áhugað kunnu fáa útbjóðingartilfar við at venda sær til Djóna Thomasen, advokat á tel. 239595 ella djoni@advokat.fo. Tilboðini kunnu latast inn við telduposti á djoni@advokat.fo ella í afturlatnum brævbjálva til kommunuskrivstovuna. Merkið brævbjálvan “tilboð uppá bussleiðina”. Tilboð skulu vera inni í seinasta lagi 1. november 2018 kl. 12.00, tá tey verða latin uppá á kommunuskrivstovuni á Oyrarbakka.