hósdagur 4. oktober 2018síða 6

FRÍGGJADAGUR 5. OKTOBER 2018 SOSIALURIN 115 6 PÆTUR HJALMAR EVENSSON J oanita Zachariassen er upp­runa­liga úr Uganda, men flutti til Danmarkar sum smágenta, tí har ikki var verandi í Uganda orsakað av borgara­kríggi. Í Danmark møtti hon fyri sjey árum síðani føroyska Daniel Zachariassen, sum hon í dag er gift við, og tey hava ein fimm ára gaml­an son saman. Joanita Zachariassen livir í dag av sínum tónleiki, sum er eyðkendur av afrikanskum rút­mum, og hennara lívligi afro­popp­ur hevur m.a. verið nógv at hoyrt í Føroyum í ár. Hon hevur leingi roynt at sligið ígjøgnum við sín­um tónleiki, og nú er hon aktuell í nýggju donsku sangkappingini, LIVE, sum verður send hvørt fríggja­kvøld á DR1. Fríggjakvøld eftir fríggjakvøld er hon farin bein­leiðis víðari, og tað sær út til, at hon er sera væl dámd millum donsku áskoð­ararnar. LIVE er avloysarin til X Factor og fokuserar meira uppá kvalitets­ tón­leik og framførslur, enn X Factor gjørdi. Her eru hyggjararnir eisini størri partur av sendingini og sleppa at geva øllum luttakarunum mill­um 1 og 10 stig fyri hvørja fram­ førslu. Flýddu til Danmarkar Tá Joanita Zachariassen var smá­ genta, herjaði ógvusligt borgara­ kríggj í Uganda, sum liggur í eyst­ ara partinum av Miðafrika. Hetta fekk alla familju hennara at leita sær til Danmarkar, tá Joanita var 9 ára gomul. - Har var nógv órógv í Uganda, tá eg var lítil, so tað var best fyri okkum at flyta til Danmarkar. Nýggjur forsætisráðharri skuldi veljast, so tí var nógvur ruðuleiki, sum endaði við borgarakríggi, for­ telur hon. Familjan hjá Joanitu Zacharias­sen varð hart rakt av borgarakrígnum í Uganda, og tað setti serliga síni spor, at abbi hennara varð dripin í øllum roki­num í heimlandinum. Hetta gjørdi, at tey av álvara valdu at flyta til Dan­markar. - Abbi mín varð dripin fram­man­ fyri eygunum á papa mínum. Pápi mín endaði tí í einari keðiligari støðu og kláraði ikki at vera í Uganda longur. Hann valdi tí at flyta til Danmarkar, har hann skuldi búgva í fimm ár, áðrenn hann fekk uppihaldsloyvi. Tá hann fekk tað, fluttu mamma, lítlasystir og eg eisini til Danmarkar, fortelur Joanita Zachariassen, sum eisini hevur onnur systkin, ið eru fødd í Danmark. Fekk gjøgnumbrot í Uganda Joanita Zachariassen vaks upp í Dan­mark, og seinnu árini hevur hon leingi roynt at sligið ígjøgnum í tónleikaheiminum. Fyri at fáa eitt gjøgnumbrot leitaði hon aftur til heimlandið fyri at royna seg har. - Eg havi roynt so leingi at fingið gjøgnumbrot í Danmark, men tá har ikki hendi so nógv, so tók eg ein kjans og fór aftur til heimlandið, tí eg visti, at í Uganda dámdu teimum hetta slagið av tónleiki. Tað var í øllum førum eitt stað at byrja, sigur Joanita Zachariassen, sum endaði fremst á fleiri av teimum stóru hittlistunum í Uganda. Tá hon fór avstað, hevði hon ikki droymt um, at tað fór at gangast henni so væl, at hon skuldi enda á einum fyrsta plássi við lagnum Kyoya­gala. - Eg bleiv øgiliga yvirraskað av, at tað fór at hitta kring alt landið. Eg hevði slett ikki roknað við tí, tá eg fór avstað, sigur hon. Avprøvaði føroyska marknaðin Afropoppur er sera vælumtóktur í Afrika, men Joanita Zachariassen metir ikki, at Evropa hevur tikið hetta slagið av tónleiki til sín enn. Tí var hon eisini í stórum iva um, hvussu hon skuldi koma víðari úr Uganda við sínum tónleiki. Hon valdi so at royna at geva út í Før­ oy­um fyri fyrst. - Eg vildi sleppa prøva føroyska mark­naðin av, nú aftaná tað gekk so væl í Uganda, fortelur hon. Tann, sum hevur lurtað nógv eftir útvarpinum hetta árið, hevur óivað hoyrt sangin Kyoyagala hjá Joanitu Zachariassen. Sangurin hevur verið nógv spældur, og tað hevur eisini gjørt sítt til, at Joanita Zachariassen við afrikansku tón­ un­um og rútmunum hevur verið um­biðin til fleiri tiltøk í Føroyum í ár. Góða móttøkan í Føroyum fekk hana at hugsa, at um føroyingar kundu rúma hennara tónleiki, so kundu danir sanniliga eisini. Tí fór hon beint at gera eina roynd aftrat í Danmark. - Tað var ordiliga feitt, at mín tón­leikur varð so væl móttikin í Føroyum. Eg bleiv ordiliga motiverað av góðu móttøkuni í Før­oy­um, og so hugsaði eg, at eg mátti prøva Danmark av eisini. Tá bleiv hon sum tað fyrsta bjóð­að til eina samrøðu í morgun­ send­ingini Go’ morgen Danmark á TV2 fyri at fortelja um hennara yrkis­leið og ferð við tónleikinum í Uganda og Føroyum. Ætlaði ikki at melda seg til LIVE Hetta er ikki fyrstu ferð, at Joa­ni­ta SAMRØDA: Joanita Zachariassen Joanita Zachariassen klárar seg væl í LIVE - Eg visti ongantíð, hvat eg kundi forvænta, men eg visti, at eg hevði okkurt gott og øðrvísi, sigur Joanita Zachariassen, sum í løtuni er við í sangkappingini LIVE á DR1 - HEVUR TÚ EINA GÁVU, SO SKALT TÚ BRÚKA HANA