hósdagur 4. oktober 2018síða 7

FRÍGGJADAGUR 5. OKTOBER 2018 SOSIALURIN 115 7 Z a c h a r i a s s e n hevur roynt seg í sjónvarpskappingum. Hon hev­ur bæði tikið kjansin í Talent og X Factor á sinni, men tað gekk ikki, sum hon ætlaði. Tí var hon sannførd um, at tíðin við sjón­ varps­kappingum var søga, og hon hevði ongar ætlanir um at melda seg til LIVE, tá har varð leitað eftir luttakarum. - Eg hevði roynt meg í so nógv­ um sjónvarpskappingum, so tá eg hoyrdi um nýggju LIVE kapp­ing­ inga, hugsaði eg beinan­vegin, at hatta orkaði eg ikki. Eg var troytt av at melda meg til sovorðið, uttan at nakað hendi aftaná. So eg helt meg bara aftur, greiðir hon frá. Men so knappliga setir ein av fyrireikarunum av LIVE seg í sam­band við hana. Fólk handan kapp­ingina høvdu lurtað eftir hennara tónleiki á Soundcloud og í KarriereKanonen, og tey hildu Joanitu Zachariassen passaði væl til LIVE konseptið, og tí eggjaðu tey henni at melda seg til. - Vit prátaðu í telefon leingi, og eg mátti spyrja nógv inn til kapp­ ingina, tí um eg skuldi siga ja til at vera við, so skuldi tað veruliga vera nakað, sum kundi gagna mær og mín­um tónleiki. Eg havi jú stríðst nógv fyri at blíva tann tónleikarin, eg eri í dag, so eg vildi helst ikki verða hildin fyri gjøldur, fortelur Joanita Zachariassen. Eftir at hava hugsað seg um, varð hon sannførd um, at tað kanska hevði verið spennandi at melda seg til kortini. - Tríggjar dagar seinni ringdi eg og segði, at eg var við uppá at prøva tað av. Í dag gongur væl hjá henni í kapp­ingini, so hon er glað fyri, at fyri­reik­ararnir eggjaðu henni at melda seg til. - Eg eri so glað fyri, at eg segði ja. Tí eg hevði ikki meldað meg til, um tey ikki høvdu sett seg í sam­band við meg, sigur Joanita Zachariassen. Hevði ikki forvæntað hetta Tá hon meldaði seg til, tordi hon ikki at gera sær alt ov stórar vónir. Somu tankarnir mólu í høvdinum, sum tá hon skuldi víðari frá Uganda og til Føroya við hennara afro­poppi, sum føroyingar vanliga ikki lurtaðu eftir. Tí varð hon púr­asta tikin á bóli, tá hon upplivdi posi­tivu móttøkuna frá donsku hyggjar­un­um og dómarunum í LIVE. - Eg hevði ikki forvæntað so nógvan kærleika til mín tónleik. Eg visti jú ongantíð, hvat eg kundi forvænta áðrenn, men eg visti, at eg hevði okkurt gott og øðrvísi. Eg mátti bara trúgva uppá, at Dan­ mark eisini fór at dáma tað, og tí eri eg so yvirraskað yvir allan kær­leikan frá hyggjarunum, sigur Joanita Zachariassen. Kappingin hevur koyrt frá 31. august, og føroyskt gifta Joanita Zachariassen er komin víðari hvørja ferð síðan tá. Fyrireikingarnar í gongd Í hesari vikuni hevur hon havt úr at gera við at fyrireika seg til komandi sending. Her skal hon bæði gera introvideo, venja, inn­ spæla vokalir í studio, og so skal hárið og sminkan eisini vera uppá pláss. Í LIVE eru tveir dómarar, og teir eru Line Rafn og Sanne Salomon­sen, sum vit eisini kenna frá X Factor. Tær hava hvør sínar luttakarar um hendi, sum tær eru leiðbeinarar hjá. Joanita Zacharias­sen er á liðnum hjá San­ ne Salomonsen, og tær báðar finna væl útav tí saman, fortelur LIVE lut­tak­arin. - Eg haldi, Sanne Salomonsen er ein ótrúliga góður mentor, og eg læri ordiliga nógv av henni. Hon hevur so nógva baggagu í sínum posa, og mann fær brúk fyri øllum hennara íkasti, og tað skal mann bara taka til sín, sigur Joanita Zachariassen. Í LIVE hava teir flestu lut­takar­ ar­nir royndir í tónleikavinnuni, so leiðbeiningin frá dómarunum snýr seg mest um at fáa tað mest møgu­ liga burturúr framførsluni. - Vit eru jú øll yrkistónleikafólk, so tað er heldur ikki so, at leið­ bein­ingin gevur so øgiliga nógv tón­leikaliga. Men Sanne er øgiliga skrøpp og toppkekkað, so eg sendi nógvan kærleika til hennara, flenn­ ir Joanita Zachariassen, sum skal á pall­in aftur fríggjakvøldið 5. okto­ ber. Nýtt staklag út í Føroyum skjótt Seinastu tíðina hevur Joanita Zachariassen havt úr at gera. Tí sam­stundis sum hon er aktuell í LIVE, arbeiðir hon við at geva eina nýggja fløgu út. Hon hevur sátt­ mála við føroyska plátufelagið TUTL. - Beint nú arbeiði eg uppá at gera eina nýggja fløgu. Vit hava gjørt sjey sangir, sum nú er, og eg skal hava 12 sangir tilsamans á fløgu­na, fortelur hon. Hóast fløgan ikki er heilt liðug enn, fer Joanita Zachariassen at geva út eitt nýtt staklag í næst­ um. Nýggja staklagið eitur Heart­ breaker, og tað fer at koma út um eina viku umleið, sigur hon. - Mann skal ongantíð geva upp Joanita Zachariassen kennir bæði til lívið við borgarakríggi í Uganda, har hon mátti flýggja til Dan­mark­ ar, og so veit hon eisini frá tón­leik­ inum, at mann skal kempa fyri at koma fram í lívinum. Er tað nakað, hon hevur lært í lívinum, so er tað, at mann ongantíð skal geva upp. - Eg havi gjøgnum lívið lært, at hart arbeiði lønar seg. Hevur tú eina gávu, so skalt tú skalt brúka gávu­na, og mann skal ongantíð geva upp. Har er ein tíð til øll, og knapp­liga so kann okkurt óvæntað henda. Har eru nógv óvæntað ting hend hjá mær, og hevði eg givið upp uppá meg sjálva og mína gávu, so hevði eg ongantíð komið her til, sigur Joanita Zachariassen. Hon kennir eisini til tað pressið uttaní­frá, sum kann gera, at mann miss­ir motivatiónina. - Familjan hevur onkuntíð hugsað, at tónleikur ikki er nakað, mann kann liva av í longdini. Hatta hevur mann so ofta hoyrt fyrr, men fyri meg ræður tað bara um at standa við tað, eg geri, og viður­ ken­na, at tónleikur er tað, eg kann og vil. - Hart arbeiði lønar seg, gev ongantíð upp uppá tínar dreymar, sigur Joanita Zachariassen at enda. PATURE@SOSIALURIN.FO