hósdagur 4. oktober 2018síða 10

FRÍGGJADAGUR 5. OKTOBER 2018 SOSIALURIN 115 10 TEMA Airbnb og ferðavinnan Airbnb megnar betri enn nógv annað at spreiða inntøkurnar frá ferðavinnuni út um landið, sigur Jóhan Pauli Helgason. DANJAL AV RANA Á Visit Faroe Islands ivast tey ikki í týdninginum av Airbnb í Føroyum, tó at tey kortini eru bilsin av, at so nógv ferðafólk eftir øllum at døma nýta Airbnb. - Airbnb og onnur sløg av gist­ ing í privatum heimum hev­ur havt stóran týdning fyri ferða­ vinn­una í Føroyum. Høvdu vit ikki hendan gistingarháttin, hevði ferðavinnuvøksturin verið mun­ andi lægri. Airbnb hevur við øðr­um orðum loyst ein fløskuháls-trupul­ leika í ferðavinnuni, sigur Jóhan Pauli Helgason, sum er menn­ing­ ar­leiðari hjá Visit Faroe Islands. Hann sigur, at tølini í kanningini hjá Gallup komu óvart á tey. - Vit vóru bilsin, tá vit sóðu, at talið var so mikið høgt og enntá hægri enn talið av gistingum á gist­ingarhúsum. Tað høvdu vit ikki væntað. Samstundis vita vit, at hetta bara er ein stikkprøvi, sum gev­ur okkum eina løtumynd av støð­uni. Tað ber ikki til at general­ is­era út frá hesum og eg vænti at lut­fallið hevði verið heilt øðrvísi, um kanningin var gjørd yvir alt árið, sigur hann. Spreiðir inntøkurnar um landið Atfinningarsamar røddir nevna ofta, at høvuðsstaðurin fer avstað við meginpartinum av inntøkunum frá ferðavinnuni, tí har liggja bæði matstovurnar og gistingarhúsini. Jóhan Pauli Helgason vísir á, at við Airbnb er gátting at gerast partur av ferðavinnuni nógv lækkað, og so­leiðis sæð er Airbnb eitt gott høvi at spreiða fleiri av inntøkunum út um landið. - Øll kunnu í dag leiga egn­an bústað út, eins og øll við heima­ blídni-skipanini kunnu hava ”mat­ stovu” í egnum heimi. Slíkar skip­ an­ir hava ein demokrat­iserandi virknað, ið gevur øllum møguleika at vera partur av ferðavinuni. Sam­ stundis er hetta við til at spjaða ferða­vinnuna til øll øki í land­in­um og er á tann hátt við til at út­javna virk­semið og ágóðan frá ferða­vinn­ uni til alt landið, sigur hann. Hóast Airbnb higartil hevur verið ein góður viðspælari hjá Visit Faroe Islands í at fremja ferða­vinn­ una í Føroyum, so sóknast Jóhan Pauli Helgason eftir betri yvirliti og skipan. - Airbnb og aðrar slíkar skipanir hava tað við sær, at tað verður ein størri avbjóðing at hava tamarhald á ferðavinnuni. Vit hava ikki líka gott yvirlit yvir, hvussu nógv ferða­fólk koma til landið. Tað er neyð­ugt at vit framyvir tryggja okk­um, at vit fáa innlit í, hvussu nógv ferðafólk gista í Føroyum via Air­bnb, hvar í Føroyum tey búgva og hvussu nógvar skattainntøkur skip­an­in kastar av sær, sigur hann. - Tað er somuleiðis okkara upp­ gáva at tryggja, at skipanir sum Air­bnb ikki vaksa seg ov stórar og koma at virka kappingaravlagandi á vinnuna, eins og tað er týdn­ing­ armikið at tryggja, at slíkar skip­ anir ikki eru við til at skapa ein bústaðartrupulleika. Tað er polit­ iska uppgávan, at tryggja røttu javnvágina og javnar kapp­ing­ar­ treytir í ferðavinnuni, sigur hann Er ikki ein spurningur um antin - ella Spurnarkanningin hjá Gallup Før­ oyar er sera avmarkað í vavi. Gam­ aní vóru nógv spurd, 483 fólk, men hon fevnir einans yvir eitt stutt tíð­ ar­skeið. Jóhan Pauli Helgason ger tí vart við, at hendan myndin, at fleiri búgva í Airbnb enn á gist­ing­ ar­húsi, neyvan er galdandi alt árið. - Varhugi okkara er, at tað fyrst og fremst er um summarið, tá gistingarhúsini eru fulsett, at Airbnb er serliga útbreitt. Vetr­ ar­hálv­una eru sannlíkt munandi fleiri ferðafólk, ið búgva á gisting­ ar­húsi, heldur hann. Hann heldur tó ikki, at fólk ein­ ans velja Airbnb, tí at hotellini ikki rúma teimum. - Fyrst og fremst er tað vantandi útboði av hotelkømurum ið ger, at airbnb er lutfallsliga stórt í há­ árs­tíðini. Men tað eru ivaleyst eisini fleiri ferðafólk, sum velja priv­ata gisting sum fyrsta val, tí tað kennist meiri heimligt, ein kem­ur nærri at samfelagnum og borgarunum, ein vitjar, og tað er ikki so strukturerað sum eitt hotel. Og so er tað sjálvandi eisini prís­ munurin, sigur Jóhan Pauli Helga­ son. - Hetta er onki serføroyskt fyri­ brigdi og vit síggja somu gongdina alla­staðni, at fólk í alsamt størri mun velja gistingarhættir sum air­bnb. Eg haldi tó at tað er týdn­ ing­armikið at minnist til, at talan ikki skal vera um antin airbnb ella hotel. Ferðafólk eftirspyrja báðar tæn­astur og tað ræður um at finna røttu javnvágina, sigur hann. AIRBNB ER EIN TÝÐANDI LUTUR AV FØROYSKU FERÐAVINNUNI